എംപ്ലോയിസിനായി വര്ച്വല് ഹെല്ത്ത് ക്ലിനിക്ക് ആരംഭിച്ച് amazon. Seattle ഹെഡ്ക്വാര്ട്ടേഴ്സിലുള്ള എംപ്ലോയിസിനാണ് ഇതിന്റെ ഗുണം ലഭിക്കുക. amazon care ആപ്പ് വഴി മെഡിക്കല് പ്രഫഷണല്സിനെ കണ്സള്ട്ട് ചെയ്യാന് സാധിക്കും. കുടുംബാംഗങ്ങള്ക്കും ഹെല്ത്ത് ക്ലിനിക്കിന്റെ സേവനം ലഭ്യമാണ്. ലൈവ് കണ്സള്ട്ടേഷന്, ഹൗസ് കോള്സ്, മെഡിസിന് ഡെലിവറി എന്നിവയും ലഭ്യമാണ്.
ഹെല്ത്ത് ക്ലിനിക്ക് വഴി ദൈനംദിന ആരോഗ്യം, അടിയന്തിര പരിചരണം, ലൈംഗിക ആരോഗ്യം, യാത്രാ കണ്സള്ട്ടേഷനുകള്, പൊതു ആരോഗ്യ ചോദ്യങ്ങള് എന്നിവ പരിഹരിക്കാന് കഴിയും. ഡോക്ടര്മാര്, നഴ്സ് പ്രാക്ടീഷണര്മാര്, രജിസ്റ്റര് ചെയ്ത നഴ്സുമാര് എന്നിവരടങ്ങിയ ടീമാണ് ഹെല്ത്ത് ക്ലിനിക്കിലുള്ളത്.
ഈ സേവനം ഒരു രോഗിയുടെ നിലവിലെ ഡോക്ടറുമായുള്ള ബന്ധത്തെ ബാധിക്കില്ലെന്നും ഇത് അവരുടെ ആരോഗ്യ ഇന്ഷുറന്സ് യോഗ്യതയെയോ എന്റോള്മെന്റിനെയോ ബാധിക്കില്ലെന്നും കമ്പനി വ്യക്തമാക്കി.
