ജനുവരി ഒന്നിന് ഐഎസ്‍ആർഒ വിക്ഷേപിച്ച എക്സ്പോസാറ്റിന്റെ എല്ലാ പേലോഡുകളും ലക്ഷ്യസ്ഥാനത്തെത്തി. വിക്ഷേപിച്ച് 25 ദിവസത്തിനുള്ളിൽ പിഎസ്എൽവി C 58 അതിന്റെ ഭ്രമണം പൂർത്തിയാക്കി. രണ്ടു സയന്റിഫിക് പേലോഡുകളും പ്രവർത്തനക്ഷമമാണെന്നും ഗവേഷണ പഠനങ്ങൾക്കായി പേലോഡുകൾ 73 ദിവസം കൂടി ഭ്രമണപഥത്തിൽ തുടരുമെന്നും ഐ എസ്‍ആർഒ വ്യക്തമാക്കി.
വിദൂര ബഹിരാകാശ വസ്തുക്കളിൽ നിന്നും പുറപ്പെടുവിക്കുന്ന എക്‌സ്‌റേ രശ്മികളെ കുറിച്ച് പഠനം നടത്തുന്നതിനായി ISRO വിക്ഷേപിച്ച ആദ്യ സാറ്റലൈറ്റാണ് XPoSat. പിഎസ്എൽവിയുടെ 60-ാം വിക്ഷേപണമാണിത്.
തമോഗർത്ത രഹസ്യങ്ങൾ കണ്ടെത്തുക, എക്സ്-റേ ധ്രുവീകരണത്തിന്റെ അളവ് മനസിലാക്കുക, ജ്യോതിശാസ്ത്ര രംഗത്തെ നിർണായക വിവരങ്ങൾ അറിയുക എന്നിവയാണ് എക്‌സ്‌പോസാറ്റ് ലക്ഷ്യമിടുന്നത്.
ലക്ഷ്യ സ്ഥാനത്തെത്തിയ പ്രാഥമിക പേലോഡ്, POLIX (എക്സ്-കിരണങ്ങളിലെ പോളാരിമീറ്റർ ഉപകരണം), ജ്യോതിശാസ്ത്ര ഉത്ഭവത്തിൻ്റെ 8-30 കെവി ഫോട്ടോണുകളുടെ മീഡിയം എക്സ്-റേ എനർജി ശ്രേണി അളക്കും. XSPECT (എക്സ്-റേ സ്പെക്ട്രോസ്കോപ്പി ആൻഡ് ടൈമിംഗ്) പേലോഡ് 0.8-15 കെവി ഊർജ്ജ പരിധിയിലുള്ള സ്പെക്ട്രോസ്കോപ്പിക് വിവരങ്ങൾ നൽകും.
അതിനിടെ നിരവധി സ്വകാര്യ ബഹിരാകാശ കമ്പനികളുടെ പരീക്ഷണ ഉപഗ്രഹങ്ങളെ വഹിച്ചത് വിക്ഷേപണ വാഹനത്തിൻ്റെ നാലാമത്തെ ഘട്ടമായ PSLV Orbital Experimental Module- Poem ആയിരുന്നു. ഭ്രമണ പഥത്തിൽ വേർപെടുത്താത്ത പേലോഡുകളിലൂടെ ശാസ്ത്രീയ പരീക്ഷണങ്ങൾ നടത്തുന്നതിനുള്ള ഒരു പരിക്രമണ വേദിയായി പോയം ഉപയോഗിക്കും.
ഇന്ത്യയുടെ ആദ്യത്തെ വനിതകൾ നേതൃത്വം നൽകുന്ന ഉപഗ്രഹവും കേരളത്തിലെ ആദ്യത്തെ വിദ്യാർത്ഥി ഉപഗ്രഹവുമായ വീസാറ്റ് ബഹിരാകാശത്തും ഭൂമിയുടെ ഉപരിതലത്തിലും അൾട്രാവയലറ്റ് (യുവി) വികിരണത്തിന്റെ വ്യാപ്തി അളക്കും.
ISRO കൂടാതെ 2021 ഡിസംബറിൽ ഇമേജിംഗ് എക്സ്-റേ പോളാരിമെട്രി എക്സ്പ്ലോറർ മിഷൻ സൂപ്പർനോവ സ്ഫോടനങ്ങളുടെ അവശിഷ്ടങ്ങൾ, തമോഗർത്തങ്ങൾ, മറ്റ് പ്രപഞ്ച സംഭവങ്ങൾ എന്നിവ പുറപ്പെടുവിക്കുന്ന കണികാ പ്രവാഹങ്ങളെക്കുറിച്ച് യുഎസ് ആസ്ഥാനമായുള്ള നാഷണൽ എയറോനോട്ടിക്സ് സ്പേസ് ഏജൻസി (നാസ) സമാനമായ ഒരു പഠനം നടത്തി വിജയിച്ചിരുന്നു.
All payloads of Exposat launched by ISRO on January 1 have reportedly reached their destination. PSLV C 58 completed its rotation 25 days after launch. ISRO stated that both the scientific payloads are operational and the payloads will remain in orbit for another 73 days for research studies.
