Author: News Desk

ബജറ്റിൽ ഒതുങ്ങുന്ന 5ജി സ്മാർട്ട് ഫോണുമായി റിലയൻസിന്റെ ജിയോ. രാജ്യത്തെ സ്മാർട്ട് ഫോൺ വിപണിയിൽ വിപ്ലവം കൊണ്ടുവരികയാണ് Jio X1 5Gയിലൂടെ റിലയൻസ്. അധികവേഗ 5ജി കണക്ടിവിറ്റി, ഉഗ്രൻ പെർഫോർമൻസ്, യൂസർ സൗഹാർദ ഫീച്ചറുകൾ എന്നിവയെല്ലാം പോക്കറ്റിലൊതുങ്ങുന്ന ബജറ്റിലാണ് ജിയോ വാഗ്ദാനം ചെയ്യുന്നത്. വിലകൂടിയ 6.72 ഇഞ്ച് ഐപിഎസ് എൽസിഡി ഡിസ്പ്ലേയാണ് Jio X1 5Gയുടെ ഏറ്റവും വലിയ പ്രത്യേകത. ഡിസ്പ്ലേ സുരക്ഷിതമാക്കുന്നത് ടഫ് കോർണിംഗ് ഗോറില്ല ഗ്ലാസ് ആണ്. സ്ക്രാച്ചും മറ്റ് പോറലുകളും പറ്റാതെ ഫോണിനെ സംരക്ഷിക്കാൻ ഇത് സഹായിക്കും.MediaTek Dimensity 7020 പ്രൊസസറാണ് Jio X1 5Gയെ പ്രത്യേകതയുള്ളതാക്കുന്നത്. കുറേ ആപ്പുകൾ ബാക്ക്ഗ്രൗണ്ടിൽ പ്രവർത്തിക്കുമ്പോൾ ഫോൺ ഹാങ്ങായി പോകാതിരിക്കാൻ നിരവധി കാര്യങ്ങൾ ചെയ്തിട്ടുണ്ട്. 8ജിബി റാം, പവർ എഫിഷ്യന്റായ MediaTek Dimensity 7020 processor എന്നിവയെ കൂടാതെ എത്ര വേണമെങ്കിലും ഫോട്ടോകളും വീഡിയോകളും ആപ്പുകളും ഗെയിംസും സ്റ്റോർ ചെയ്യാൻ 128ജിബി ഇന്റേർണൽ സ്റ്റോറേജും ജിയോ X1 5Gയിൽ ഉണ്ടാകും.…

രാജ്യത്ത് ഗ്രീൻ ഹൈഡ്രജൻ വാഹനങ്ങളുടെ ശേഷി പരിശോധിക്കാനൊരുങ്ങി കേന്ദ്രം. രണ്ട് വർഷം കൊണ്ട് 60,000 കിലോമീറ്റർ ട്രയൽ റൺ നടത്താൻ തയാറെടുക്കുകയാണ് കേന്ദ്ര ഉപരിതല ഗതാഗത മന്ത്രാലയം. കാർബൺ രഹിത ഗതാഗതത്തെ പ്രോത്സാഹിപ്പിക്കുന്ന സർക്കാരിന്റെ നയത്തിനനുസരിച്ചാണ് ഗ്രീൻ ഹൈഡ്രജൻ വാഹനങ്ങളുടെ ശേഷി പരിശോധിക്കുക.   കാർബൺ അംശം അടങ്ങാത്ത, മലിനീകരണം കുറയ്‌ക്കുന്ന ഗ്രീൻ ഹൈഡ്രജൻ വാഹനങ്ങളുടെ ട്രയൽ റൺ  ഏപ്രിൽ മുതൽ രാജ്യത്തെ അഞ്ച് പ്രധാന റൂട്ടുകളിൽ കേന്ദ്ര സർക്കാരിന്റെ മേൽനോട്ടത്തിൽ നടക്കും. രണ്ട് വർഷം കൊണ്ട് കുറഞ്ഞത് 60,000 കിലോമീറ്റർ ദൂരം ഓടിക്കുകയാണ് ലക്ഷ്യം. ബസ്, ട്രക്ക്, കാർ എന്നിവ ഉപയോഗിച്ചാണ് പരീക്ഷണം. ‌ ഇന്ത്യൻ നിരത്തുകളിൽ ഹൈഡ്രജൻ വാഹനങ്ങളുടെ പ്രകടനം, സാമ്പത്തികമായി അവയുണ്ടാക്കുന്ന നേട്ടങ്ങൾ അടക്കമുള്ളവ പരിശോധിക്കാനാണ് ഈ പരീക്ഷണ ഓട്ട പദ്ധതി. . രാജ്യത്ത് ഗ്രീൻ ഹൈഡ്രജൻ വാഹനങ്ങളുടെ ഭാവി നിർണയിക്കുന്ന പരീക്ഷണമാകും ഇത്. കേന്ദ്ര ഗതാഗത മന്ത്രാലയത്തിന് കീഴിൽ പൂനെയിലെ ഓട്ടമേറ്റീവ് റിസർച്ച് അസോസിയേഷൻ…

സാങ്കേതിക വിദ്യ എത്ര പുരോ​ഗമിച്ചാലും, അടിസ്ഥാനപരമായി ബിസിനസ്സ് എന്നത് അവസരങ്ങളെ ഉപയോ​ഗിപ്പെടുത്തുന്ന ഒരു കലയാണ്. പ്രകൃതിദത്തമായ പ്രൊഡക്റ്റുകൾക്ക് ഡിമാന്റ് കൂടിവരുന്ന ഇക്കാലത്ത്, നാച്വറൽ പ്രൊഡക്റ്റുകളെ ലോകമാകെ മാർക്കറ്റ് ചെയ്യാനും അതിൽ വിപുലമായ ബിസിനസ് കണാനും ദീർഘവീക്ഷണമുള്ള സംരംഭകർക്കേ കഴിയൂ. മാർക്കറ്റ് ഡിമാന്റും, സാമ്പത്തിക ലാഭവും കണക്കുകൂട്ടുന്നതിനൊപ്പം അതിൽ സാമൂഹികമായ നന്മയും കരുണയും സന്നിവേശിപ്പിക്കുന്ന ബിസിനസ്സുകാരാണെങ്കിലോ അവർ മാസ്മരിക പ്രഭാവമുള്ള ക്രാന്തദർശികളുമാകും. ഏതൊരു മലയാളിക്കും പ്രചോദനമായ ​ഗോകുലം ​ഗ്രൂപ്പ് ചെയർമാൻ ​ഗോകുലം ​ഗോപാലൻ ഇത്തരത്തിൽ, സംരംഭത്തിലെ ഓരോ ചുവടുവയ്പും അർത്ഥവത്താക്കുന്ന പ്രതിഭയാണ്. അദ്ദേഹം ഈയെിടെ നടത്തിയ ഒരു സംരംഭകമുന്നേറ്റം അതിന്റെ ഏറ്റവും വലിയ ഉദാഹരണമാവുകയാണ്. പൂർണ്ണമായും പ്രകൃതിദത്തമായ പഞ്ഞി ഉപയോഗിച്ചുള്ള കിടക്കകൾ നിർമ്മിച്ച് ലോകമാകെ ഡിമാന്റ് സൃഷ്ടിക്കുന്ന പുതിയ സംരംഭത്തിന് തുടക്കമിട്ടിരിക്കുകയാണ് ​ഗോകുലം ​ഗോപാലൻ. ​ഗോകുലവും അൻപത് വർഷമായി പഞ്ഞിക്കിടക്ക നിർമ്മിക്കുന്ന KVH ​ഗ്രൂപ്പും ലയിച്ചാണ് ഗോകുലം ബ്യൂണോ ബെഡ്ഡുകള്‍ പുറത്തിറങ്ങുന്നത്. നാടൻ പഞ്ഞിക്കായ ശേഖരിച്ച്, നൂറ് ശതമാനം ശുദ്ധമായ പഞ്ഞിക്കിടക്കകൾ നിർമ്മിക്കുന്ന…

കള്ളപ്പണം വെളുപ്പിക്കുന്ന വ്യാജ ഐടി കമ്പനികളുടെ (കടലാസ് കമ്പനികൾ) ശൃംഖല രാജ്യത്ത് വ്യാപകമാകുന്നതായി എൻഫോഴ്സ്മെന്റ് ഡയറക്ടറേറ്റ് (ഇഡി) കണ്ടെത്തി. വ്യാജ ഐടി കമ്പനികൾ രജിസ്റ്റർ ചെയ്താണ് അഴിമതിപ്പണം വെളുപ്പിക്കുന്നത്. മുംബൈ ആസ്ഥാനമായ നിയും ഇന്ത്യൻ (NIUM Indian) എന്ന കമ്പനിയുടെ ബാങ്ക് അക്കൗണ്ടിലുള്ള സിംഗപ്പൂർ ആസ്ഥാനമായി പ്രവർത്തിക്കുന്ന കമ്പനിയുടെ 123 കോടി രൂപ അന്വേഷണത്തിൻെറ ഭാഗമായി ഇഡി മരവിപ്പിച്ചിരിക്കുകയാണ്. സിംഗപ്പൂരിലേക്ക് കടത്തിയ കള്ളപ്പണം ഓൺലൈൻ ഗെയിമങ് ആപ്പുകൾ വഴി ചൈനയുമായി ബന്ധപ്പെട്ട ഓൺലൈൻ ചൂതാട്ട കമ്പനി സ്വരൂപിച്ചതാണ്. ഈ പണം സിംഗപ്പൂരിലേക്ക് കടത്തി ക്രിപ്റ്റോ കറൻസിയാക്കിയ കേസിൽ ഇഡി അന്വേഷണം പുരോഗമിക്കുകയാണ്. കള്ളപ്പണം കേരളമടക്കം ആസ്ഥാനമായി പ്രവർത്തിക്കുന്ന വ്യാജ ഐടി കമ്പനികളുടെ അക്കൗണ്ടുകൾ വഴിയാണ് കൈമാറിയത്. ഓൺലൈൻ ലോൺ, ചൂതാട്ടം, ബെറ്റിംഗ് ആപ്പുകൾ വഴിയാണ് പണം സ്വരൂപിച്ചിരിക്കുന്നത്. അന്വേഷണത്തിന്റെ ഭാഗമായി കൊച്ചി, ചെന്നൈ, മുംബൈ എന്നിങ്ങനെ നിയും ഇന്ത്യയുടെ രാജ്യത്തെ 10 കേന്ദ്രങ്ങളിൽ ഇഡി പരിശോധന നടത്തി.ഫോർട്ട് കൊച്ചി സ്വദേശി റാഫേൽ…

കഴിഞ്ഞ ഒമ്പതര വർഷത്തിനിടയിൽ കേന്ദ്ര റോഡ് ഗതാഗത ഹൈവേ മന്ത്രാലയത്തിന്റെ നേതൃത്വത്തിൽ നിർമിച്ചത് 92,000 കിലോമീറ്റർ ദേശീയ ഹൈവേ. രാജ്യത്തിന്റെ ഗതാഗത മേഖലയിൽ സുപ്രധാന മുന്നേറ്റമാണ് ഇതുവഴി സാധ്യമായത്. അടുത്ത മാസം അവസാനിക്കുന്നതോടെ ഇതിലും ദൂരം ഹൈവേ പൂർത്തിയാകുമെന്ന് കേന്ദ്ര റോഡ് ഗതാഗത ഹൈവേ മന്ത്രാലയം സെക്രട്ടറി അനുരാഗ് ജെയ്ൻ മാധ്യമങ്ങളോട് പറഞ്ഞു. നിർമിത ബുദ്ധി (എഐ) സാങ്കേതിക വിദ്യയുടെ സഹായത്തോടെ ഗതാഗത മേഖലയിലെ വികസന പ്രവർത്തനങ്ങൾ ഊർജസ്വലമാക്കാൻ സാധിച്ചതായി അനുരാഗ് ജെയ്ൻ പറഞ്ഞു. രാജ്യത്തെ ജനസംഖ്യ വർധിച്ചു വരുന്നതിനാൽ അടുത്ത അടിസ്ഥാന സൗകര്യവികസനം വർധിപ്പിക്കേണ്ടത് അത്യാവശ്യമാണ്. വർധിക്കുന്ന ജനസംഖ്യ മുന്നിൽ കണ്ട് ഹൈ-സ്പീഡ് ഇടനാഴികൾ രൂപകല്പന ചെയ്യാനാണ് സർക്കാർ ലക്ഷ്യം വെക്കുന്നത്. ജനസംഖ്യ കൂടിയാലും അടുത്ത 5 വർഷം കൊണ്ട് ഉൾക്കൊള്ളാൻ സാധിക്കുന്ന തരത്തിലായിരിക്കും ഇടനാഴിയുടെ രൂപകൽപ്പന. ഗതാഗതക്കുരുക്കഴിക്കാൻ അതിവേഗ ഇടനാഴി സഹായിക്കുമെന്നാണ് പ്രതീക്ഷിക്കുന്നത്.ഹൈവേകളിൽ ചെറിയ കാലയളവിൽ ഏറ്റവും അധികം അപകടങ്ങൾ നടന്ന ബ്ലാക്ക് സ്പോട്ട് സോണുകൾ കണ്ടെത്തിയിട്ടുണ്ട്. ഇവിടങ്ങളിൽ…

കൊച്ചി ഭാരതമാതാ കൊളജ് -കളക്ടറേറ്റ് റീച്ചും ഇൻഫോപാർക്ക്-ഇരുമ്പനം പുതിയ റോഡ് റീച്ചും സീപോർട്ട്-എയർ പോർട്ട് റോഡ് വികസനത്തിൻെറ ഭാഗമായി നാലുവരിയാക്കും. വ്യവസായ വകുപ്പ മന്ത്രി പി രാജീവ്, റവന്യു മന്ത്രി കെ രാജൻ, പൊതുമരാമത്ത്, ടൂറിസം വകുപ്പ് മന്ത്രി പിഎ മുഹമ്മദ് റിയാസ് എന്നിവരുടെ സാന്നിധ്യത്തിൽ തിരുവനന്തപുരത്ത് ചേർന്ന ഉന്നത തല യോഗത്തിലാണ് തീരുമാനം. രണ്ട് റീച്ചുകളും നാലുവരിയാക്കാനുള്ള പ്രവർത്തനങ്ങള്‌ കൊച്ചി മെട്രോ റെയിൽ ലിമിറ്റഡ് (KMRL) ആരംഭിച്ചു. നാലുവരിക്കായുള്ള പ്ലാൻ റോഡ്സ് ആൻഡ് ബ്രിഡ്ജസ് ഡെവലപ്മെന്റ് കോർപറേഷൻ ഓഫ് കേരള (RBDCK) തയ്യാറാക്കി പൊതുമരാമത്ത് വകുപ്പിന് സമർപ്പിക്കും. റോഡ് വികസനത്തിന്റെ ഭാഗമായി എച്ച്എംടി, എൻഡിഎ ഭൂമി കൈമാറ്റവുമായി ബന്ധപ്പെട്ട തുടർനടപടികൾ വേഗത്തിലാക്കാനും യോഗത്തിൽ തീരുമാനമായി. റോഡിന്റെ രണ്ടാംഘട്ട വികസനങ്ങൾ ആരംഭിച്ചിരുന്നെങ്കിലും എച്ച്എംടി മുതൽ എൻഡിഎ വരെയുള്ള 2.7 കിലോമീറ്റർ ദൂരം കോടതി നടപടികളെ തുടർന്ന് തടസ്സപ്പെട്ടിരിക്കുകയാണ്. എൻഎഡി മുതൽ മഹിളായം ജംങ്ഷൻ വരെയുള്ള സീപോർട്ട് എയർപോർട്ട് വികസനത്തിന് 722 കോടി…

നത്തിംഗ്, ഷവോമി, വിവോ പോലുള്ള പ്രധാന ടെക് ബ്രാൻഡുകളെല്ലാം മാർച്ചിൽ സ്മാർട്ട് ഫോണുകളുടെ മെഗാ ലോഞ്ചിനുള്ള ഒരുക്കത്തിലാണ്. വിവോ 30 സീരീസ്, Nothing 2a, ഷവോമി 14, റിയൽമീ 12 തുടങ്ങിയവയുടെ ലോഞ്ച് ഉറപ്പിച്ചിരിക്കുകയാണ്. നത്തിംഗ് ഫോൺ 2a മാർച്ച് 5നാണ് Nothing Phone 2a ലോഞ്ച് ചെയ്യാൻ തീരുമാനിച്ചിരിക്കുന്നത്. ഡുവൽ റിയർ ക്യാമറ സെറ്റപ്പുമായാണ് ഫോൺ പുറത്തിറക്കുന്നത്. വൈറ്റ് കളറിൽ പുറകിൽ ഗ്ലിഫ് ഡിസൈനുമായിട്ടായിരിക്കും സ്മാർട്ട് ഫോൺ വിപണിയിലെത്തുക. മുകളിൽ സെന്ററിലായി പിൽ ഷെയ്പ്പിലാണ് ക്യാമറ മൊഡ്യൂൾ. മീഡിയടെക് ചിപ്പ് നൽകുന്ന ഒരു മിഡ് റേഞ്ച് ഫോണായിരിക്കും ഇത്. ആകാംക്ഷയോടെ കാത്തിരിക്കുന്ന ഈ ഉപകരണത്തെ കുറിച്ചുള്ള കൂടുതൽ വിവരങ്ങൾ മൊബൈൽ വേൾഡ് കോൺഗ്രസ് (MWC) 2024 ഇവൻ്റിൽ വെളിപ്പെടുത്തുമെന്ന് പ്രതീക്ഷിക്കുക.ആപ്പിൾ അടുത്ത വർഷം ഒരു വലിയ പ്രോ മോഡൽ അവതരിപ്പിക്കുമെന്ന് അഭ്യൂഹമുണ്ട്, അതേസമയം നോൺ-പ്രോ മോഡലുകളിൽ ഒരു പുതിയ കപ്പാസിറ്റീവ് ആക്ഷൻ ബട്ടൺ അവതരിപ്പിക്കുമെന്ന് പ്രതീക്ഷിക്കുന്നു. എന്നാൽ സ്മാർട്ട്‌ഫോൺ വ്യവസായത്തിൽ…

കൂടുതൽ ഇലക്ട്രിക് നാനോ കാറുകളുമായി ഇന്ത്യൻ വിപണിയിലും റോഡുകളിലും കുതിപ്പിന് ടാറ്റ. വിപണിയിൽ ചെറുതായി മങ്ങി നിൽക്കുകയാണെങ്കിലും കൂടുതൽ പവർഫുൾ ഫീച്ചറുകളും റേഞ്ചുമായി മാരുതിയുമായി ഏറ്റുമുട്ടാനുള്ള മുന്നൊരുക്കത്തിലാണ് നാനോ ഇവി കാറുകളുമായി ടാറ്റ. അധികം വൈകാതെ ഇന്ത്യൻ വിപണിയിൽ ടാറ്റയുടെ നാനോ ഇവികൾ കൂടുതൽ കാണാൻ സാധിക്കും. ഒരു അണുകുടുംബം മുഴുവനായി ബൈക്കിലും സ്കൂട്ടിയിലും ഇരുന്ന് പോകുന്നത് കണ്ടായിരിക്കണം രത്തൻ ടാറ്റയുടെ മനസിൽ നാനോ കാർ എന്ന ആശയം ജനിച്ചത്. വലിയ തുക ചെലവഴിക്കാതെ കുടുംബത്തിന് ഒരു കാർ, ഇതായിരുന്നു ടാറ്റയുടെ നാനോ കാർ. നാനോയെ ഇ-വിയിലേക്ക് മാറ്റിയത് ടാറ്റയുടെ മറ്റൊരു ദീർഘവീക്ഷണം.ഈ വർഷം പുതിയ ഫീച്ചറുകളും യൂണിറ്റുകളുമായി ഇലക്ട്രിക് വാഹന വിപണിയെ പിടിച്ചടക്കാനാണ് ടാറ്റയുടെ ലക്ഷ്യം. ഒറ്റ ചാർജിൽ 300 കിമീ ഒറ്റ ചാർജിൽ 300 കിലോമീറ്റർ സഞ്ചരിക്കാൻ ശേഷിയുണ്ട് ടാറ്റ നാനോ ഇവി 2024ന്. 2 ചാർജിംഗ് ഓപ്ഷനുകളിലാണ് നാനോ ഇവിക്കുള്ളത്. 15എ ശേഷിയുള്ള ഹോം ചാർജറും…

കൊച്ചി മെട്രോയിൽ യാത്ര ചെയ്ത ആരാധകരെയെല്ലാം ഞെട്ടിച്ചിരിക്കുകയാണ് സംഗീത സംവിധായകൻ എആർ റഹ്മാൻ. പൃഥ്വിരാജ് പ്രധാന കഥാപാത്രമായി എത്തുന്ന ആടുജീവിതം ചിത്രത്തിന്റെ വെബ്സൈറ്റ് ലോഞ്ചിനായി കൊച്ചിയിലെത്തിയപ്പോഴാണ് എആർ റഹ്മാനും സംവിധായകൻ ബ്ലസിയും ചിത്രത്തിന്റെ അണിയറ പ്രവർത്തകരും കൊച്ചി മെട്രോയിൽ കയറിയത്. സെൽഫിയെടുക്കണമെന്ന് ആഗ്രഹം പ്രകടിപ്പിച്ചവർക്കൊപ്പം നിന്ന് ഫോട്ടോ എടുക്കുകയും ചെയ്തു. എആർ റഹ്മാൻ കൊച്ചി മെട്രോയിൽ കയറുന്നതും ആരാധകർക്കൊപ്പം ഫോട്ടോയ്ക്ക് പോസ് ചെയ്യുന്നതും സോഷ്യൽ മീഡിയയിൽ വൈറലായിരിക്കുകയാണ്.മാർച്ച് 10നാണ് ആടുജീവിതത്തിന്റെ ഓഡിയോ ലോഞ്ച്. മാർച്ച് 28ന് ചിത്രം തിയേറ്ററിലെത്തും. ബെന്യാമിന്റെ ആടു ജീവിതം എന്ന പ്രശസ്ത നോവലിനെ അടിസ്ഥാനമാക്കിയാണ് ചിത്രം ഒരുങ്ങുന്നത്. അമല പോൾ നായികയായി എത്തുന്ന ആടുജീവിതം മലയാളത്തിന് പുറമേ ഹിന്ദി, തമിഴ്, തെലുങ്ക്, കന്നഡ എന്നീ ഭാഷകളിലും റിലീസ് ചെയ്യും. പൃഥ്വിരാജിന്റെ കരിയറിലെ ഏറ്റവും വലിയ സിനിമയാണ് ആടുജീവിതം. ഓസ്കാർ അവാർഡ് ജേതാക്കളായ എആർ റഹ്മാൻ- റസൂൽ പൂക്കുട്ടി എന്നിവർ ഒന്നിക്കുന്ന മലയാള ചിത്രം എന്ന പ്രത്യേകത കൂടിയുണ്ട്.…

ഇന്ത്യ തദ്ദേശീയമായി വികസിപ്പിച്ചെടുത്ത ആദ്യത്തെ ഹൈഡ്രജൻ ഫ്യൂവൽ സെൽ ഫെറി നീറ്റിലിറങ്ങി. കഴിഞ്ഞ ദിവസം ഓൺലൈനായി പ്രധാനമന്ത്രി നരേന്ദ്ര മോദിയാണ് ഹൈഡ്രജൻ ബോട്ട് ഉദ്ഘാടനം ചെയ്തത്. കൊച്ചിൻ ഷിപ്പ്‌യാർഡാണ് ബോട്ട് വികസിപ്പിച്ചത്. രാജ്യത്ത് ഹൈഡ്രജൻ ഇന്ധനത്തിൽ പ്രവർത്തിക്കുന്ന ആദ്യ കാറ്റമരൻ ഫെറി കൂടിയാണ് ഇത്. ഹൈഡ്രജൻ സാങ്കേതിക വിദ്യയിലേക്കുള്ള ഇന്ത്യയുടെ ചുവടുവെപ്പ് കൂടിയാണ് ഇത്. ദേശീയ ഉൾനാടൻ ജലഗതാഗത അതോറിറ്റിക്ക് വേണ്ടിയാണ് പരീക്ഷണ അടിസ്ഥാനത്തിൽ ഹൈഡ്രജൻ ബോട്ടുകൾ വികസിപ്പിച്ചത്. പദ്ധതി വിജയകരമായാൽ ഹൈഡ്രജൻ ചരക്ക് ബോട്ടുകളും നാടൻ ബോട്ടുകളും കൊച്ചിൻ ഷിപ്പ്‌യാർഡ് നിർമിക്കും. മലിനീകരണ വിമുക്തമായിരിക്കും ഹൈഡ്രജൻ ബോട്ടിന്റെ പ്രവർത്തനം. കട്ടമരം മാതൃകയിലാണ് ഹൈഡ്രജൻ ബോട്ട് നിർമിച്ചിരിക്കുന്നത്. ഹ്രസ്വദൂര സർവീസായിരിക്കും ഹൈ‍ഡ്രജൻ ബോട്ടുകളിൽ നടത്തുക. വാരണാസിയിലാണ് സർവീസ് നടത്തുക. പൂർണമായി ശീതീകരിച്ച ഹൈഡ്രജൻ ബോട്ടിൽ ഒരേ സമയം 50 പേർക്ക് സഞ്ചരിക്കാം. ഹൈഡ്രജൻ ബോട്ടിന്റെ പ്രവർത്തന മികവ് വിലയിരുത്തിയ ശേഷം ഇതേ സാങ്കേതിക വിദ്യ ചരക്ക് ബോട്ടുകളിലും നാടൻ ബോട്ടുകളിലും ഉപയോഗിക്കും.