Author: News Desk
ഋതേഷ് അഗര്‍വാള്‍ ഒരു പ്രതീകമാണ്. വേറിട്ട വഴിയിലൂടെ സഞ്ചരിക്കാന്‍ ആഗ്രഹിക്കുന്ന ഇന്നത്തെ യുവസമൂഹത്തിന്റെ പ്രതീകം. എന്‍ട്രപ്രണര്‍ഷിപ്പ് തലയ്ക്ക് പിടിച്ച് പാതിവഴിയില്‍ പഠനം പോലും ഉപേക്ഷിച്ച ഋതേഷ് ഇന്ന് ഇന്ത്യയിലെ സാധാരണക്കാര്‍ക്ക് സഹായകമായ മികച്ച ബിസിനസ് മോഡല്‍ കെട്ടിപ്പടുത്ത എന്‍ട്രപ്രണറാണ്. പൊതുസമൂഹം നേരിട്ട ഒരു റിയല്‍ പ്രോബ്ലത്തിന്റെ സൊലൂഷ്യന്‍ ബിസിനസ് മോഡലാക്കി മാറ്റിയതിലായിരുന്നു ഋതേഷിന്റെ വിജയം. ഋതേഷ് തുടങ്ങിവെച്ച ബജറ്റ് ഹോട്ടലുകളുടെ ബ്രാന്‍ഡഡ് നെറ്റ് വര്‍ക്ക് ഓയോ റൂംസ് ഇന്ന് മലേഷ്യ, നേപ്പാള്‍ തുടങ്ങിയ വിദേശരാജ്യങ്ങളില്‍ പോലും സാന്നിധ്യമറിയിച്ചുകഴിഞ്ഞു. വീട്ടുകാരുടെ തണലില്‍ സുരക്ഷിതരായി കഴിയാന്‍ സമപ്രായക്കാര്‍ ആഗ്രഹിക്കുന്ന പതിനേഴാം വയസില്‍ സ്വന്തം കമ്പനിക്കായുളള പരിശ്രമത്തിലായിരുന്നു ഋതേഷ്. എന്‍ട്രപ്രണര്‍ സ്വപ്നവുമായി ഒഡീഷയില്‍ നിന്നും ഡല്‍ഹിയിലെ ഇന്ത്യന്‍ സ്‌കൂള്‍ ഓഫ് ബിസിനസ് ആന്‍ഡ് ഫിനാന്‍സിലെത്തിയ ഋതേഷ്, പഠനം ഉപേക്ഷിച്ച് പുതിയ ആശയം തേടിയിറങ്ങുകയായിരുന്നു. ഓണ്‍ലൈന്‍ ഹോസ്പിറ്റാലിറ്റി സര്‍വ്വീസിനായി തുടങ്ങിയ ഒറാവല്‍ ട്രാവല്‍സ് ആയിരുന്നു ആദ്യ കമ്പനി. ബിസിനസ് ആവശ്യത്തിനായി ബെഡ് ആന്‍ഡ് ബ്രേക്ക്ഫാസ്റ്റ് റൂമുകളില്‍ തുടര്‍ച്ചയായി…
ഡിജിറ്റല്‍ ഇന്ത്യയ്ക്ക് വേഗം പകരാന്‍ ഇനി ഗൂഗിളിന്റെ മൊബൈല്‍ പേമെന്റ് ആപ്പും. വേഗത്തിലും സുരക്ഷിതവുമായ ഇടപാടുമാണ് ഗൂഗിള്‍ തേസിന്റെ പ്രധാന ഫീച്ചറുകള്‍. ആന്‍ഡ്രോയ്ഡ്, ഐഒഎസ് പ്ലാറ്റ്ഫോമുകളില് ആപ്പ് ലഭ്യമാണ്. ഹിന്ദിയും ഇംഗ്ലീഷും കൂടാതെ ഗുജറാത്തി, തമിഴ്, തെലുങ്ക്, കന്നഡ തുടങ്ങിയ ആറ് പ്രാദേശിക ഭാഷകളും ഇടപാടുകള്‍ക്ക് തെരഞ്ഞെടുക്കാം. യുപിഐ സപ്പോര്‍ട്ട് ചെയ്യുന്ന ഏത് ബാങ്കില്‍ നിന്നും തേസിലൂടെ പണമിടപാട് നടത്താം. ഡെബിറ്റ്, ക്രെഡിറ്റ് കാര്‍ഡുകള്‍ ഉപയോഗിച്ചുളള പേമെന്റും ബില്‍ പേമെന്റ് റിമൈന്‍ഡറും ഒക്കെ വൈകാതെ തേസിലെത്തുന്ന ഫീച്ചറുകളാണ്. ഡിജിറ്റല്‍ പണമിടപാടുകള്‍ക്ക് ഇന്ത്യയില്‍ വര്‍ദ്ധിച്ചുവരുന്ന സാദ്ധ്യതകള്‍ കണക്കിലെടുത്താണ് ഗൂഗിളിന്റെ ചുവടുവെയ്പ്. പ്രത്യേകത ചെറിയ തുകയുടെ ഇടപാടുകള്‍ മുതല്‍ തേസിലൂടെ നടത്താം. ഫോണ്‍ നമ്പരോ ബാങ്ക് അക്കൗണ്ട് ഡീറ്റെയ്ല്‍സോ ഷെയര്‍ ചെയ്യാതെ ലളിതമായ നടപടികളിലൂടെ പണം ട്രാന്‍സ്ഫര്‍ ചെയ്യാം. മണി ട്രാന്‍സ്ഫര്‍ ആപ്പ് എന്നതിനപ്പുറം മണി വാലറ്റ് സേവനങ്ങളും തേസില്‍ ലഭ്യമാണ്. ഗൂഗിളിന്റെ ഓഡിയോ ക്യുആര്‍ ടെക്നോളജി ഉപയോഗിച്ച് അടുത്തുള്ള മൊറ്റൊരു ഫോണിലേക്ക് ഓഡിയോ…
ടെക്നോളജി മേഖലയില്‍ രാജ്യത്ത് വലിയ മാറ്റങ്ങള്‍ സംഭവിക്കുമ്പോള്‍ ഇന്ത്യന്‍ ടെലികോം ഡിപ്പാര്‍ട്ട്‌മെന്റില്‍ ഈ ഡാറ്റ റവല്യൂഷന് നേതൃത്വം നല്‍കുകയാണ് മലയാളിയും കേന്ദ്ര ടെലികോം ഐടി സെക്രട്ടറിയുമായ അരുണ സുന്ദരരാജന്‍ ഐഎഎസ്. ഇന്ത്യയിലെ ഗ്രാമങ്ങളില്‍ ടെക്‌നോളജിയുടെ സേവനം എത്തിച്ചാല്‍ മാത്രമേ അതിന്റെ യഥാര്‍ത്ഥ പ്രയോജനം സമൂഹത്തിന് നല്‍കാനാകൂവെന്ന് വിശ്വസിക്കുന്ന അരുണ സുന്ദരരാജന്‍ ടെലികോം ഡിപ്പാര്‍ട്ട്‌മെന്റ് അതിനുളള പ്രവര്‍ത്തനങ്ങളിലാണെന്നും വ്യക്തമാക്കുന്നു. channeliam.com ന് അനുവദിച്ച എക്‌സ്‌ക്ലൂസീവ് അഭിമുഖത്തില്‍ സര്‍ക്കാരിന്റെ ഡിജിറ്റല്‍, ടെലികോം നയങ്ങളെക്കുറിച്ച് അരുണ സുന്ദരരാജന്‍ വിശദീകരിക്കുന്നു. ലോകത്ത് മൊത്തം ഇന്റര്‍നെറ്റ് ഉപഭോഗത്തില്‍ മൂന്നാം സ്ഥാനത്താണ് ഇന്ത്യ. ടെലിഡെന്‍സിറ്റി കഴിഞ്ഞ 10 വര്‍ഷം കൊണ്ട് 80 ശതമാനം വളര്‍ന്ന ഇന്ത്യയില്‍ 5 ജി യിലേക്കുള്ള അപ്ഗ്രഡേഷന്‍ ഡാറ്റാ ബിസിനസ്സില്‍ കൊണ്ടുവരാന്‍ പോകുന്ന വിപ്ലവം വലുതായിരിക്കും. ഈ നേട്ടം ഗ്രാമ വികസനത്തിനും അടിസ്ഥാന വിഭാഗങ്ങളുടെ ഉന്നമനത്തിനും എങ്ങനെ ഉപയോഗപ്പെടുത്താമെന്നതാണ് ടെലികോം മന്ത്രാലയം ഉറ്റുനോക്കുന്നത്. ലോകത്തിലെ തന്നെ ഏറ്റവും വലിയ റൂറല്‍ ഇന്റര്‍നെറ്റ് പ്രൊജക്ടായ ഭാരത് നെറ്റ്…
മണിക്കൂറുകള്‍ നീളുന്ന ബിസിനസ് മീറ്റിംഗുകളിലും ക്ലയന്റ്സുമായുളള ഡിസ്‌കഷനുകളിലും മനസും ശരീരവും തളര്‍ന്ന് പോകാതെ, നല്ല ഫ്രഷ്‌നസ്സോടെ ഇരിക്കുക എന്നത് എന്‍ട്രപ്രണറെ സംബന്ധിച്ച് വളരെ പ്രധാനമാണ്. ദിവസം മുഴുവന്‍ എങ്ങനെ എനര്‍ജറ്റിക് ആകാമെന്നതിനെക്കുറിച്ചാണ് ചാനല്‍ അയാം, മീ മെറ്റ് മീ യോഗ സെന്ററുമായി ചേര്‍ന്ന് അവതരിപ്പിക്കുന്ന യോഗ ടിപ്സില്‍ ഇക്കുറി വിശദീകരിക്കുന്നത്. മീ മെറ്റ് മീ ഫൗണ്ടര്‍ നൂതന്‍ മനോഹര്‍ ആണ് ടിപ്സ് നിങ്ങള്‍ക്കായി അവതരിപ്പിക്കുന്നത്. (പ്രാക്ടീസ് ചെയ്യുന്ന വിധം വിശദമായി വീഡിയോയില്‍) എന്‍ട്രപ്രണര്‍ക്കും ബിസിനസ് ചെയ്യുന്നവര്‍ക്കുമെല്ലാം എല്ലാ ദിവസവും ഒരുപോലെ സന്തോഷം നിറഞ്ഞതാകണമെന്നില്ല. മനസ് മടുപ്പിക്കുന്ന, ടെന്‍ഷന്‍ നിറഞ്ഞ നിമിഷങ്ങള്‍ അപ്രതീക്ഷിതമായി വന്നുചേരാം. എന്നാല്‍ ഇതിനെയൊക്കെ അതിജീവിക്കാനാവശ്യമായ ഊര്‍ജ്ജമാണ് എന്‍ട്രപ്രണര്‍ക്ക് ആദ്യം വേണ്ടത്. മനസ് എത്ര പോസിറ്റീവ് ആണെങ്കിലും ചില ദിവസങ്ങളില്‍ എഴുന്നേല്‍ക്കുമ്പോള്‍ ശരീരത്തിന് അത്ര എനര്‍ജി തോന്നാറില്ല. ശരീരത്തിന് ഉന്‍മേഷവും മനസ്സിന് നല്ല കോണ്‍ഫിഡെന്‍സും നല്‍കുന്ന ടെക്‌നിക്കുകളും നാച്വറല്‍ പ്രാക്റ്റീസുകളും ഇന്ത്യയ്ക്ക് പരിചിതമാണ്. അതാണ് യോഗ നമുക്ക് പഠിപ്പിച്ചു തരുന്നത്.…
ജിഎസ്ടി (ഗുഡ്‌സ് ആന്‍ഡ് സര്‍വ്വീസ് ടാക്‌സ്) ഇഫക്ടീവായി നടപ്പാകാന്‍ അനിവാര്യമായ ഘടകമാണ് ഇന്‍പുട്ട് ടാക്‌സ് ക്രെഡിറ്റ്. എന്‍ട്രപ്രണര്‍ക്ക് ബിസിനസില്‍ ലാഭമുണ്ടാക്കാനും ഉപഭോക്താക്കളിലേക്ക് അതിന്റെ ആനുകൂല്യം എത്തിക്കാനും ഇന്‍പുട്ട് ടാക്‌സ് ക്രെഡിറ്റ് ശരിയായി പ്രയോജനപ്പെടുത്തണം. ജിഎസ്ടിയില്‍ നിര്‍ണായകമായ ഇന്‍പുട്ട് ടാക്‌സ് ക്രെഡിറ്റിന്റെ ലക്ഷ്യവും പ്രയോജനങ്ങളും കോസ്റ്റ് അക്കൗണ്ടന്റ് പുഷ്പി മുരിക്കന്‍ വിശദീകരിക്കുന്നു. ഇന്‍പുട്ട് ടാക്‌സ് ക്രെഡിറ്റ് ജിഎസ്ടിയില്‍ ഒരു ഉല്‍പ്പന്നത്തിന് എന്‍ട്രപ്രണര്‍ ടാക്‌സ് അടയ്ക്കുമ്പോള്‍ അതിന്റെ നിര്‍മാണത്തിന് ഉപയോഗിച്ച അസംസ്‌കൃത വസ്തുക്കളുടെ നികുതി കഴിച്ച് ബാക്കി തുക അടച്ചാല്‍ മതി. ഇങ്ങനെ അടച്ച ടാക്‌സിന്റെ ക്രെഡിറ്റ് എടുക്കുന്നതാണ് ഇന്‍പുട്ട് ടാക്‌സ് ക്രെഡിറ്റ്. എന്‍ട്രപ്രണര്‍ക്ക് ബിസിനസില്‍ നഷ്ടമുണ്ടാകാതിരിക്കണമെങ്കില്‍ ഇന്‍പുട്ട് ടാക്‌സ് ക്രെഡിറ്റിന്റെ ആനുകൂല്യം കൃത്യമായി പ്രയോജനപ്പെടുത്തണം. എങ്ങനെ ലഭിക്കും? ഇന്‍പുട്ട് ടാക്‌സ് ക്രെഡിറ്റ് ലഭിക്കണമെങ്കില്‍ ചില നിബന്ധനകള്‍ ഉണ്ട്. നമുക്ക് ലഭിച്ച ബില്ലില്‍ ജിഎസ്ടി രേഖപ്പെടുത്തിയിട്ടുണ്ടാകണം. അത് സാധനങ്ങള്‍ നല്‍കിയ സപ്ലെയര്‍ സര്‍ക്കാരിന് റെമിറ്റ് ചെയ്തിട്ടുമുണ്ടാകണം. സപ്ലെയര്‍ നല്‍കിയ ഇന്‍വോയിസും കൈവശം സൂക്ഷിക്കണം. ജിഎസ്ടിആര്‍…
കേരളത്തില്‍ ഇനി ഒരു സംരംഭകര്‍ക്കും നിരാശനായി മടങ്ങേണ്ടി വരില്ലെന്ന് മുഖ്യമന്ത്രി പിണറായി വിജയന്‍. ഫണ്ട് ലഭിക്കുന്നതിനുള്‍പ്പെടെ മുന്‍പുണ്ടായിരുന്ന പ്രയാസങ്ങള്‍ സംരംഭകര്‍ക്ക് ഇന്ന് നേരിടുന്നില്ല. രാജ്യത്തെ മികച്ച വ്യവസായ-നിക്ഷേപ സൗഹൃദ സംസ്ഥാനമാക്കി കേരളത്തെ മാറ്റിയെടുക്കാനാണ് ശ്രമിക്കുന്നതെന്നും മുഖ്യമന്ത്രി യെസ് 2017 ല്‍ വ്യക്തമാക്കി. സംരംഭങ്ങളിലെ കാലാനുസൃതമായ മാറ്റങ്ങളെ പൂര്‍ണമനസോടെ ഉള്‍ക്കൊളളുന്ന നിലപാടാണ് സര്‍ക്കാരിനുളളത്. നിലവില്‍ പിന്തുടരുന്ന ചില പരമ്പരാഗത രീതികള്‍ പുതുതലമുറ സംരംഭങ്ങള്‍ക്ക് മാത്രമല്ല സാധാരണ നിലയിലുളള സംരംഭങ്ങള്‍ക്കും അനുയോജ്യമല്ലെന്ന് തിരിച്ചറിഞ്ഞിട്ടുണ്ട്. ആ തിരിച്ചറിവില്‍ നിന്ന് മാറ്റം കൊണ്ടുവരാനാണ് ശ്രമിക്കുന്നത്. പരമ്പരാഗത രീതിയില്‍ കുടുങ്ങിക്കിടക്കാതെ നൂതന മാര്‍ഗങ്ങള്‍ കണ്ടെത്തണം. ഇത്തരം മാറ്റങ്ങള്‍ക്ക് വഴിതുറക്കുന്നതാണ് സ്റ്റാര്‍ട്ടപ്പുകള്‍. ആശയത്തിലെ പുതുമയാണ് സ്റ്റാര്‍ട്ടപ്പുകളുടെ പ്രത്യേകത. സംരംഭങ്ങളെക്കുറിച്ചുളള യുവജനങ്ങളുടെ കാഴ്ചപ്പാടില്‍ വലിയ മാറ്റം ഉണ്ടായിട്ടുണ്ട്. പഠനശേഷം തൊഴില്‍ എന്ന സങ്കല്‍പത്തില്‍ നിന്നും പഠനത്തോടൊപ്പം ജോലിയെന്ന രീതിയിലേക്ക് അത് മാറി. നല്ല ആശയങ്ങള്‍ക്കായി പരിശ്രമിക്കുകയാണ് ചെയ്യേണ്ടത്. കെഎസ്ഐഡിസി പോലുളള സര്‍ക്കാര്‍ സംവിധാനങ്ങള്‍ യുവസംരംഭകര്‍ക്കും നവസംരംഭകര്‍ക്കും വേണ്ടി നിരവധി സേവനങ്ങള്‍ ചെയ്തു…
ഡ്രൈവിംഗിനിടെയിലെ മൊബൈല്‍ ഉപയോഗമാണ് വര്‍ദ്ധിച്ചുവരുന്ന വാഹനാപകടങ്ങളുടെ കാരണങ്ങളിലൊന്നായി വിലയിരുത്തപ്പെടുന്നത്. ടെക്‌നോളജിയുടെ സഹായത്തോടെ ഈ പ്രശ്‌നത്തിന് പരിഹാരവുമായി എത്തി അന്താരാഷ്ട്ര ശ്രദ്ധ നേടുകയാണ് പാലക്കാട്ടുകാരനായ സുനില്‍ വാലത്ത്. ഡ്രൈവിംഗിനിടെ മൊബൈലില്‍ വരുന്ന സന്ദേശങ്ങളും റോഡിനെക്കുറിച്ചുളള വിവരങ്ങളും നാവിഗേഷനും തത്സമയം വാഹനമോടിക്കുന്നയാള്‍ക്ക് കൈമാറുന്ന എക്‌സ്‌പ്ലോറൈഡിന് അന്താരാഷ്ട്രവിപണിയില്‍ വലിയ സ്വീകാര്യതയാണ് ലഭിച്ചത്. ഒപ്റ്റിക്കല്‍ എന്‍ജിനീയറിംഗ് ടെക്നോളജി ഉപയോഗിച്ച് പ്രവര്‍ത്തിക്കുന്ന എക്‌സ്‌പ്ലോറൈഡ്, ടെക്നോളജി ഇന്നവേഷനിലെ മലയാളി മികവിന് മറ്റൊരു ഉദാഹരണമായി മാറിക്കഴിഞ്ഞു. ഓണ്‍ലൈനില്‍ വാഹനത്തിന്റെ സ്പീഡ് ഉള്‍പ്പെടെയുളള വിവരങ്ങള്‍ കളക്ട് ചെയ്യുന്ന എക്‌സ്‌പ്ലോറൈഡ് ഡ്രൈവര്‍ക്ക് വേണ്ട ഇന്‍ഫര്‍മേഷന്‍സ് തത്സമയം നല്‍കുന്നു. ഓഫ്‌ലൈനില്‍ മാപ്പ് സേവ് ചെയ്ത് നെറ്റ് കണക്ഷന്‍ ഇല്ലാത്തപ്പോഴും പ്രയോജനപ്പെടുത്താം. വാഹനത്തിന്റെ ഡാഷ് ബോര്‍ഡില്‍ ഫിക്‌സ് ചെയ്യാവുന്ന എക്യുപ്‌മെന്റ് ട്രാന്‍സ്പരന്റ് ഡിസ്‌പ്ലേയായതിനാല്‍ കാഴ്ചയും മറയ്ക്കുന്നില്ല. ആന്‍ഡ്രോയ്ഡ് ഐഒഎസ് പ്ലാറ്റ്ഫോമുകളില് നിന്നും ആപ്പ് ഡൗണ്‍ലോഡ് ചെയ്യാം. അമേരിക്കയില്‍ ബിസിനസ് കേന്ദ്രീകരിച്ച് ലോകമെങ്ങും എക്‌സ്‌പ്ലോറൈഡിന്റെ സാധ്യത എത്തിക്കുകയാണ് സുനില്‍. കൊച്ചിയില്‍ സ്റ്റാര്‍ട്ടപ്പായി തുടങ്ങി ചെറിയ രീതിയില്‍ ഫണ്ട് റെയ്‌സ്…
കൊച്ചിയില്‍ കെഎസ്ഐഡിസി സംഘടിപ്പിച്ച യംഗ് എന്‍ട്രപ്രണേഴ്‌സ് സമ്മിറ്റ് (യെസ്) കേരളത്തിലെ സംരംഭകത്വം കൊതിക്കുന്ന യുവമനസ്സുകള്‍ക്ക് തികച്ചും ആവേശമായി. ഡിസറപ്റ്റ് , ഡിസ്‌കവര്‍, ഡെവലപ്പ് (ത്രീഡി) എന്ന ആശയത്തില്‍ നടന്ന യെസില്‍ ഐടിക്ക് അപ്പുറമുളള സംരംഭക ആശയങ്ങളാണ് ഇക്കുറി നിറഞ്ഞുനിന്നത്.കേരളത്തിലെ വിവിധ ക്യാംപസുകളുകളില്‍ നിന്നായി 2000 ത്തിലധികം കുട്ടികള്‍ സമ്മിറ്റില്‍ പങ്കെടുത്തു. പരമ്പരാഗത രീതികളില്‍ കാലാനുസൃതമായ മാറ്റങ്ങള്‍ വരുത്താന്‍ കഴിയണമെന്നും പുതിയ സംരംഭങ്ങള്‍ക്ക് സര്‍ക്കാര്‍ എല്ലാവിധ പ്രോത്സാഹനവും നല്‍കുമെന്നും യെസ് ഉദ്ഘാടനം ചെയ്ത മുഖ്യമന്ത്രി പിണറായി വിജയന്‍ പറഞ്ഞു. യുവ സംരംഭകര്‍ക്കുളള അടിസ്ഥാന സൗകര്യ വികസനത്തിനായി സര്‍ക്കാര്‍ നിയമനിര്‍മാണത്തിന് ഒരുങ്ങുകയാണെന്ന് സംസ്ഥാന വ്യവസായ മന്ത്രി എ.സി മൊയ്തീന്‍ പറഞ്ഞു. സംരംഭങ്ങള്‍ വേഗത്തിലാക്കാന്‍ സഹായിക്കുന്ന ഇന്‍വെസ്റ്റ്‌മെന്റ് പ്രമോഷന്‍ ഡെവലപ്‌മെന്റ് ആക്ട് വൈകാതെ നിലവില്‍ വരും. പുതിയ സംരംഭങ്ങള്‍ക്ക് ഭൂമി ലഭ്യതയുടെ കുറവ് പരിഹരിക്കാന്‍ 5000 ഏക്കര്‍ ഭൂമി ഏറ്റെടുക്കാന്‍ സര്‍ക്കാര്‍ തയ്യാറെടുക്കുകയാണെന്നും മന്ത്രി വ്യക്തമാക്കി. യെസില്‍ എത്തിയ യുവസംരംഭകര്‍ക്ക് പുതിയ ഊര്‍ജ്ജം പകരുന്നതായിരുന്നു മുഖ്യമന്ത്രിയുടെയും…
ഇന്ത്യയിലെ ഏറ്റവും മികച്ച സംരംഭക സംസ്ഥാനമായി മാറാനുളള കഠിന പ്രയത്‌നത്തിലാണ് തെലങ്കാന. സംരംഭങ്ങള്‍ക്ക് ഏര്‍ളി സ്റ്റേജ് ഫണ്ടിംഗ് ഉറപ്പിക്കുന്നതിന് പുറമേ മോഹിപ്പിക്കുന്ന സൗകര്യങ്ങളും ഇവിടെ വാഗ്ദാനം ചെയ്യുന്നു. സ്വകാര്യ മിസൈല്‍ നിര്‍മാണ യൂണിറ്റ് മുതല്‍ പ്രതിരോധ-എയ്‌റോസ്‌പേസ് മേഖലയില്‍ നിരവധി സംരംഭങ്ങളാണ് തെലങ്കാനയില്‍ ചുവടുറപ്പിക്കാന്‍ ഒരുങ്ങുന്നത്. ഇന്ത്യയിലെ ഏറ്റവും വലിയ ടെക്നോളജി ഇന്‍കുബേറ്റര്‍ റ്റി ഹബ്ബിന്റെ വിജയം തെലങ്കാനയ്ക്ക് നല്‍കിയ ആത്മവിശ്വാസം ചെറുതായിരുന്നില്ല. അവിടെ നിന്നാണ് ടെക്‌നോളജിയില്‍ കൂടുതല്‍ സംരംഭങ്ങള്‍ക്കായി തെലങ്കാന ശ്രമം തുടങ്ങിയത്. സ്റ്റാര്‍ട്ടപ്പിനും ഇലക്ട്രോണിക്‌സ് ടെക്‌നോളജിക്കും ഒപ്പം മാനുഫാക്ചറിംഗിനും പ്രാധാന്യം നല്‍കിക്കൊണ്ടുളള പ്രവര്‍ത്തനമാണ് തെലങ്കാന നടത്തുന്നത്. ഇലക്ട്രോണിക് സിസ്റ്റം ഡിസൈന്‍ മാനുഫാക്ചറിംഗ് സെക്ടറില്‍ വരുന്ന കോടികളുടെ നിക്ഷേപത്തെ പ്രതീക്ഷയോടെയാണ് തെലങ്കാന കാത്തിരിക്കുന്നത്. 2020 ആകുമ്പോഴേക്കും 7.5 മില്യന്‍ ഇലക്ട്രോണിക്‌സ് ഉല്‍പ്പന്നങ്ങള്‍ നിര്‍മിക്കാനാണ് ലക്ഷ്യമിടുന്നതെന്ന് സംസ്ഥാന ഐടി മന്ത്രി കെ.ടി രാമറാവു പറഞ്ഞു. രാജ്യത്തെ നിര്‍ദ്ദിഷ്ട 3500 ഏക്കര്‍ ഇലക്ട്രോണിക് മാനുഫാക്ചറിംഗ് ക്ലസ്റ്ററില്‍ 1000 ഏക്കറോളം ഹൈദരാബാദിലാണ്. ആയിരത്തോളം സ്റ്റാര്‍ട്ടപ്പുകളെ ഒരുമിച്ച്…
വ്യവസായികള്‍ക്കും നിക്ഷേപകര്‍ക്കും കേരളത്തില്‍ സംരംഭങ്ങള്‍ തുടങ്ങുന്നതിന് തടസമായി നില്‍ക്കുന്ന ഘടകങ്ങള്‍ ഒഴിവാക്കും. വേഗത്തില്‍ സംരംഭങ്ങള്‍ തുടങ്ങാനും അതിന് സൗകര്യങ്ങള്‍ ഒരുക്കാനും വേണമെങ്കില്‍ അവരുടെ മാര്‍ക്കറ്റിംഗ് ഉള്‍പ്പെടെയുളള കാര്യങ്ങളില്‍ സഹായിക്കാനും സര്‍ക്കാര്‍ ശ്രമിക്കും. യുവ സംരംഭകര്‍ക്കുളള അടിസ്ഥാന സൗകര്യ വികസനത്തിനായി പുതിയ നിയമനിര്‍മാണത്തിന് സര്‍ക്കാര്‍ ഒരുങ്ങുകയാണ്. എ.സി മൊയ്തീന്‍ വ്യവസായ മന്ത്രി