Author: News Desk
സാധാരണക്കാരെ ലക്ഷ്യമിട്ടുളള സ്വയം തൊഴില്‍ വായ്പാ പദ്ധതിയാണ് കേന്ദ്രസര്‍ക്കാരിന്റെ പിഎംഇജിപി (പ്രധാനമന്ത്രിയുടെ തൊഴില്‍ ഉല്‍പാദക പദ്ധതി). 18 വയസിന് മുകളിലുളള ആര്‍ക്കും ലളിതമായ വ്യവസ്ഥകളില്‍ ഈ പദ്ധതിയില്‍ നിന്നും സബ്‌സിഡിയോടെ സ്വയം തൊഴില്‍ വായ്പയെടുക്കാം. എട്ടാം ക്ലാസ് പാസായവര്‍ക്ക് 25 ലക്ഷം രൂപ വരെ വായ്പ ലഭിക്കും. പൊതുവിഭാഗത്തില്‍ ഉള്‍പെടുന്നവര്‍ പദ്ധതിച്ചെലവിന്റെ 10 ശതമാനവും സംവരണ വിഭാഗങ്ങള്‍ 5 ശതമാനവും മാത്രം കണ്ടെത്തിയാല്‍ മതിയാകും. മാനുഫാക്ചറിംഗ് യൂണിറ്റിന് 25 ലക്ഷം രൂപ വരെയും സര്‍വ്വീസ് യൂണിറ്റിന് 10 ലക്ഷം രൂപ വരെയും വായ്പ ലഭിക്കും. ഇത്രയധികം സബ്‌സിഡി ആനുകൂല്യങ്ങള്‍ ഉളള മറ്റൊരു സ്‌കീം നിലവിലില്ലെന്നതാണ് പിഎംജിപിയുടെ മറ്റൊരു പ്രത്യേകത. ജനറല്‍ കാറ്റഗറിയും സ്‌പെഷല്‍ കാറ്റഗറിയുമായി തിരിച്ചാണ് സബ്‌സിഡി നല്‍കുന്നത്. വനിതകളും എസ്‌സി-എസ്ടി വിഭാഗങ്ങളും ഭിന്നശേഷിക്കാരും ഉള്‍പ്പെടെ സ്‌പെഷല്‍ കാറ്റഗറിയിലാണ് ഉള്‍പ്പെടുക. കൃഷിക്ക് നേരിട്ട് സഹായം ലഭിക്കില്ല. കൂടുതൽ ലോൺ വിവരങ്ങൾക്ക് ക്ലിക്ക് ചെയ്യുക All about PMGP scheme.Prime Minister’s Employment…
സ്റ്റാര്‍ട്ടപ്പുകള്‍ക്കുളള ഫണ്ട് രാജ്യത്തിന് അകത്തുനിന്ന് ഉണ്ടാകണം. രാജ്യത്തെ പരമ്പരാഗത ബിസിനസ് സംരംഭങ്ങളും വ്യവസായികളും ഇവിടുത്തെ സ്റ്റാര്‍ട്ടപ്പ് സംരംഭങ്ങളില്‍ പണം നിക്ഷേപിക്കാന്‍ തയ്യാറാകണം. രാജ്യത്തിന് അകത്ത് തന്നെ നിക്ഷേപകര്‍ ഉളളപ്പോള്‍ എന്തിനാണ് നമ്മള്‍ പുറത്തുനിന്നുളളവരെ ആശ്രയിക്കുന്നത്. ആഭ്യന്തര മൂലധനത്തിന്റെ കുറവാണ് ഇവിടുത്തെ സംരംഭകരെ പുറത്തുനിന്നുളള നിക്ഷേപകരെ കണ്ടെത്താന്‍ നിര്‍ബന്ധിതമാക്കുന്നത്. വിജയ് ശേഖര്‍ ശര്‍മ പേടിഎം സിഇഒ
വിദ്യാര്‍ത്ഥികളുടെ ഐഡിയ ബിസിനസ്സാക്കാന്‍ സര്‍ക്കാര്‍ ഫണ്ടു നല്‍കുകയാണ്. കേരള സ്റ്റാര്‍ട്ടപ് മിഷന്‍ വഴി തുടക്കത്തില്‍ 100 നൂതന ആശയങ്ങളാണ് സര്‍ക്കാര്‍ ക്ഷണിക്കുന്നത്. സംസ്ഥാനത്തെ 193 എഞ്ചിനീയറിംഗ് കോളേജുകളില്‍ രൂപീകരിച്ചിട്ടുള്ള ഇന്നവേഷന്‍ എന്‍ട്രപ്രണര്‍ഷിപ് ഡവലപ്‌മെന്റ് സെന്ററുകളില്‍ നിന്ന് 150 ആശയങ്ങളാണ് കേരള സ്റ്റാര്‍ട്ടപ് മിഷനും ഐടി ഡിപാര്‍ട്ട്‌മെന്റിനും ലഭിച്ചത്. ഇതില്‍ ഷോര്‍ട്ട് ലിസ്റ്റു ചെയ്ത 19 പ്രോജക്റ്റുകള്‍ക്ക് കിന്‍ഫ്രയില്‍ നടന്ന ഐഡിയത്തോണില്‍ അവതരിപ്പിക്കാന്‍ അവസരം ലഭിച്ചു. ഐടി സെക്രട്ടറി എം. ശിവശങ്കര്‍ നേരിട്ടെത്തിയാണ് പിച്ചിംഗില്‍ പങ്കെടുത്ത വിദ്യാര്‍ത്ഥികളുമായി സംവദിക്കുകയും അവരുടെ ആശയങ്ങളെ കേള്‍ക്കുകയും ചെയ്തത്. സ്റ്റാര്‍ട്ടപ് മിഷന്‍ സിഇഒ ഡോ. സജി ഗോപിനാഥ്, മുന്‍ സിഇഒ ഡോ. ജയശങ്കര്‍ പ്രസാദ് എന്നിവരും ഐഡിയ ഡേയ്ക്ക് നേതൃത്വം നല്‍കി. മൗലികമായ ഒരു ആശയം പോലും കേരളത്തില്‍ ഇനി യാഥാര്‍ത്ഥ്യമാകാതെ പോകരുത് എന്ന കാഴ്ചപ്പാടോടെയാണ് വിദ്യാര്‍ത്ഥികള്‍ക്കായി ഐഡിയത്തോണ്‍ സംഘടിപിച്ചത്. പ്രതിരോധ ആവശ്യങ്ങള്‍ക്കുപയോഗിക്കാവുന്ന റോബോട്ടു മുതല്‍ കുരുമുളക് പറിച്ച് വേര്‍തിരിച്ചെടുക്കാവുന്ന ഉപകരണം വരെയുള്ള തികച്ചും വ്യത്യസ്തങ്ങളായ ആയങ്ങളാണ്…
മലയാളിയുടെ സംരംഭക ആശയങ്ങള്‍ക്ക് പുതിയ വഴിത്തിരിവ് നല്‍കിയ കാര്‍ഷിക വിളയാണ് ചക്ക. വിദേശരാജ്യങ്ങളിലേക്ക് പോലും നമ്മുടെ നാട്ടിലെ ചക്കയില്‍ നിന്നുളള ഉല്‍പ്പന്നങ്ങള്‍ ഇന്ന് കയറ്റുമതി ചെയ്യുന്നു. പല തരത്തിലുളള മൂല്യ വര്‍ദ്ധിത ഉല്‍പ്പന്നങ്ങള്‍ ഉണ്ടാക്കാമെന്നതിനാല്‍ സംയോജിത സംരംഭമെന്ന വിശാലമായ സാദ്ധ്യതയാണ് കര്‍ഷകര്‍ക്ക് മുന്നില്‍ തുറന്നിടുന്നത്. ചക്കയില്‍ നിന്നുളള ഉല്‍പ്പന്നങ്ങളുടെ ബിസിനസ് ആശയങ്ങളും വിപണന സാദ്ധ്യതകളും വിശദമാക്കുകയാണ് ആലപ്പുഴ കൃഷിവിജ്ഞാന കേന്ദ്രത്തിലെ സബ്ജക്ട് സ്‌പെഷലിസ്റ്റ് ജിസി ജോര്‍ജ്. ഉപ്പേരി മുതല്‍ ചോക്‌ലേറ്റും ജ്യൂസും ഐസ്‌ക്രീമും ഉള്‍പ്പെടെ ചക്കയില്‍ നിന്ന് ഉണ്ടാക്കാം. ചിക്കന്‍ 65 ന് പകരക്കാരനായി ചക്ക 65 പോലും ഇന്ന് വിപണിയില്‍ കാണാം. ആരോഗ്യപരമായ സവിശേഷതകള്‍ അടങ്ങിയിട്ടുളളതുകൊണ്ടു തന്നെ ഉല്‍പ്പന്നങ്ങള്‍ക്ക് മാര്‍ക്കറ്റും കണ്ടുപിടിക്കാന്‍ ബുദ്ധിമുട്ടില്ല. ബ്രേക്ക്ഫാസ്റ്റ് ഭക്ഷണശീലങ്ങളായ പുട്ടും ഉപ്പുമാവും ന്യൂഡില്‍സും ചപ്പാത്തിയുമൊക്കെ ഉണ്ടാക്കാന്‍ ഇന്ന് ഉണക്കി പൊടിച്ച ചക്ക ഉപയോഗിക്കുന്നു. ചക്കയുടെ ചകിണിയില്‍ നിന്നും ചക്കക്കുരുവില്‍ നിന്നുമൊക്കെ പലതരത്തിലുളള ഉല്‍പ്പന്നങ്ങളാണ് പുറത്തിറങ്ങുന്നത്. അധികവും ഭക്ഷണസാധനങ്ങള്‍. ഒന്നരമാസം മുതല്‍ 60 ദിവസം…
എന്‍ട്രപ്രണേഴ്സ് സംരംഭത്തെ കുറിച്ച് ചിന്തിക്കുന്പോള്‍ ഏറ്റവും പ്രധാനമായി കാണേണ്ടത് റിഡന്‍ഡന്‍ഡ് മാര്‍ക്കറ്റിംഗ് വയബിലിറ്റിയാണ്. സ്ഥിരമുള്ള ക്ലയിന്‍സിനെ കിട്ടാതാകുന്ന സാഹചര്യത്തിലും ബിസിനസ്സിന് ഇടിവുതട്ടാതെ മുന്നോട്ട് പോകാന്‍ ഒരു സെക്കന്‍ഡറി മാര്‍ക്കറ്റിംഗ് സംവിധാനം ഉണ്ടാകണം. കേരളത്തിലെ പുതിയ തലമുറ എന്‍ട്രപ്രണേഴ്സിനോട് ഫിക്കി കേരള ഹെഡ് സേവി മാത്യു ഉപദേശിക്കുന്നത്, കരുത്തുറ്റ മാര്‍ക്കറ്റിംഗ് നയമുണ്ടാകണമെന്നാണ്.
സംസ്ഥാനത്തെ എന്‍ട്രപ്രൂണര്‍ എക്കോസിസ്റ്റത്തെ ആകെ ഉടച്ചുവാര്‍ത്ത സ്റ്റാര്‍ട്ടപ് മിഷന്‍, യുവാക്കളുടെ സംരംഭക സ്പനങ്ങള്‍ യാഥാര്‍ത്ഥ്യമാക്കാന്‍ സഹായിക്കുന്ന കാറ്റലിസ്റ്റ് ഏജന്‍റാണിന്ന്. ഇന്ത്യന്‍ ഇന്‍സ്റ്റ്യിറ്റൂട്ട് ഓഫ് മാനേജ്മെന്‍റിലെ പ്രൊഫസറായിരുന്ന ഡോ. സജി ഗോപിനാഥ്, കേരള സ്റ്റാര്‍ട്ടപ് മിഷന്‍റെ സാരഥിയാകുന്പോള്‍, ലോകത്തെ ഏത് ഇന്‍കുബേഷന്‍ സംവിധാനത്തോടും കിടപിടിക്കാവുന്ന ഒന്നായി കേരള സ്റ്റാര്‍ട്ടപ് മിഷനെ വളര്‍ത്തിയെടുക്കുക എന്ന ബൃഹത്തായ ദൗത്യമാണ് ഏറ്റെടുക്കുന്നത്. channeliam.com ന് അനുവദിച്ച പ്രത്യേക അഭിമുഖം. ഇന്ന് മൂന്ന് ഇന്‍കുബേഷന്‍ സെന്‍ററുകളും, ഇരുനൂറോളം കോളേജുകളില്‍ ബൂട്ട് ക്യാന്പുകളും, സ്കൂളുകളില്‍ നടപ്പാക്കുന്ന പ്രത്യേക പദ്ധതികളും ഉള്‍പ്പെടെ വളരെ ബൃഹത്തായ നെറ്റ് വര്‍ക്കാണ് കേരള സ്റ്റാര്‍ട്ടപ് മിഷനുള്ളത്. നൂറുകണക്കിന് യുവ പ്രതിഭകളാണ് സ്വന്തം ആശയത്തെ സ്റ്റാര്‍ട്ടപ് മിഷന്‍റെ ഇന്‍കുബേഷന്‍ സൗകര്യങ്ങളുപയോഗിച്ച് മികച്ച പ്രോഡക്ററാക്കി മാറ്റുന്നത്. സര്‍ക്കാരിന്‍റെ ടെക്കനോളജി സ്റ്റാര്‍ട്ടപ് പോളിസി നടപ്പാക്കുന്ന നോഡല്‍ ഏജന്‍സി കൂടിയായ കേരള സ്റ്റാര്‍ട്ടപ് മിഷന്‍ സ്കൂള്‍ തലം മുതല്‍ എഞ്ചിനീയറിംഗ് കോളേജുകള്‍ വരെ പടര്‍ന്നു വളര്‍ന്ന സമാനതകളില്ലാത്ത ടെക്കനോളജി നെറ്റ് വര്‍ക്കായി…
ഡിജിറ്റല്‍ പണമിടപാടുകള്‍ ലളിതമായി നടത്താന്‍ സഹായിക്കുന്ന മൊബൈല്‍ ആപ് ആണ് ഭാരത് ഇന്റര്‍ഫേസ് ഫോര്‍ മണി അഥവാ ഭീം. പണം അയയ്ക്കാനും സ്വീകരിക്കാനും ക്യൂ ആര്‍ കോഡ് സ്‌കാന്‍ ചെയ്ത് ഇടപാട് നടത്താനും ഭീമിലൂടെ കഴിയും. കൈകാര്യം ചെയ്യാനുളള എളുപ്പവും വേഗവും ആണ് ഭീമിനെ പോപ്പുലര്‍ ആക്കിയത്. പണം നല്‍കേണ്ട ആളുടെ അക്കൗണ്ട് നമ്പര്‍ പോലും അറിയേണ്ട ആവശ്യമില്ലെന്നതാണ് പ്രത്യേകത. ആധാര്‍ നമ്പര്‍ വഴിയും വര്‍ച്വല്‍ പ്രൈവറ്റ് അഡ്രസ് വഴിയും പണം അയയ്ക്കാന്‍ ഭീമിലൂടെ സാധിക്കും.
പാലും പാലുല്‍പ്പന്നങ്ങളും ധാരാളം ഉപയോഗിക്കുന്നവരാണ് നമ്മള്‍. ഇതിനോട് അനുബന്ധമായ ബിസിനസുകള്‍ക്കും വലിയ ഡിമാന്റാണ് കണ്ടുവരുന്നത്. വലിയ മുതല്‍മുടക്കില്ലാതെ വീട്ടമ്മമാര്‍ക്ക് വീട്ടിലിരുന്ന് തുടങ്ങാന്‍ കഴിയുന്ന ബിസിനസാണ് തൈര് ബിസിനസ്. ലളിതമായി തുടങ്ങാമെന്നതും മുതല്‍മുടക്കിന്റെ ഇരട്ടി ലാഭം നേടാമെന്നതുമാണ് ഈ ബിസിനസിനെ ആകര്‍ഷകമാക്കുന്നത്. ഒരു പായ്ക്കിംഗ് മെഷീന്‍ മാത്രം മതിയാകും. മാര്‍ക്കറ്റില്‍ ഡിമാന്റുളള ഉല്‍പ്പന്നമാണെന്നത് വിപണിസാധ്യതയും ഉറപ്പ് നല്‍കുന്നു. 200 ഗ്രാമിന്റെയും 500 ഗ്രാമിന്റെയും ഒക്കെ ചെറിയ പായ്ക്കറ്റുകളാക്കി വില്‍പന നടത്താം. വിപണി കണ്ടെത്താന്‍ കൂടുതല്‍ അന്വേഷണങ്ങളും ആവശ്യമില്ല. വീടിന് തൊട്ടടുത്തുളള സൂപ്പര്‍മാര്‍ക്കറ്റുകളിലൂടെയും വെജിറ്റബിള്‍ ഷോപ്പുകളിലൂടെയും വില്‍ക്കാം. മാത്രമല്ല വിവാഹ സദ്യകള്‍ ഏറ്റെടുത്ത് നടത്തുന്ന കരാറുകാരില്‍ നിന്നും കാറ്ററിംഗ് ബിസിനസുകാരില്‍ നിന്നും ബള്‍ക്ക് ഓര്‍ഡറുകളും ശേഖരിക്കാം. ചെറിയ രീതിയില്‍ തുടങ്ങി വിപുലപ്പെടുത്താവുന്ന ബിസിനസാണിത്. അധികം അധ്വാനം വേണ്ടെന്നതാണ് എടുത്തുപറയേണ്ട കാര്യം. പ്രൊഡക്ടിന്റെ ക്വാളിറ്റി ഇവിടെ പ്രധാനമാണ്. നല്ല തൈരാണെങ്കില്‍ ഡിമാന്റ് ഉയരുകയും ബിസിനസ് വിപുലപ്പെടുത്താനും കഴിയും. റെഡി ടു ഡ്രിങ്ക് മോരുകളിലേക്കും മറ്റ് ഉല്‍പ്പന്നങ്ങളിലേക്കും…
ഏതൊരാള്‍ക്കും വരുമാനം മാനേജ് ചെയ്യാന്‍ പ്രോഗ്നോ അഡ്വൈസര്‍ ഡോട്ട് കോമിനെ സമീപിക്കാം. ഇന്ത്യയിലെ ആദ്യത്തെ ഡിജിറ്റല്‍ ഓണ്‍ലൈന്‍ ഫിനാന്‍ഷ്യന്‍ അഡ്വൈസര്‍. ഓണ്‍ലൈന്‍ സര്‍വീസിലൂടെ പണം എങ്ങനെ മാനേജ് ചെയ്യണമെന്ന് ഇവര്‍ മാര്‍ഗ്ഗനിര്‍ദ്ദേശം തരും. എത്ര ചെറിയ വരുമാനവും സ്മാര്‍ട്ടായി മാനേജ് ചെയ്യാമെന്നത് പ്രോഗ്നോയുടെ പ്രത്യേകതയാണ്. ഒരു പ്രൊഡക്റ്റിന്‍റേയും ഏജന്‍റല്ലാത്തതിനാല്‍ ക്ലയിന്റിനോട് മാത്രമാണ് തങ്ങള്‍ക്ക് കമ്മിറ്റ്മെന്‍റെന്ന് പ്രോഗ്നോ അഡ്വൈസര്‍ വ്യക്തമാക്കുന്നു. കെഎസ്ഐഡിസി സഹായത്തോടെയാണ് പ്രോഗ്നോ അഡ്വൈസര്‍ പ്രവര്‍ത്തിക്കുന്നത്.
ചില ദേശസാല്‍കൃത ബാങ്കുകളെ വീണ്ടും സ്വകാര്യവല്‍ക്കരിക്കേണ്ട (റീപ്രൈവറ്റൈസ്) സമയമായി. ബാങ്കുകളുടെ എണ്ണം ചുരുക്കി നിലവിലുളളത് കൂടുതല്‍ ഹെല്‍ത്തി ആക്കിയാല്‍ നമ്മുടെ സിസ്റ്റത്തിന് ഗുണകരമാകും. സ്വകാര്യ മൂലധന സമാഹരണം,ആസ്തി വില്‍പന, ലയനം, ഓഹരിവിറ്റഴിക്കല്‍, ശക്തമായ തിരുത്തല്‍ നടപടികള്‍ തുടങ്ങിയവയാണ് ഇന്ന് ബാങ്കുകള്‍ നേരിടുന്ന പ്രശ്‌നങ്ങള്‍ക്കുളള പരിഹാരം. വിരാല്‍ ആചാര്യ ആര്‍ബിഐ ഡെപ്യൂട്ടി ഗവര്‍ണര്‍