Author: News Desk
ആനന്ദ് മഹീന്ദ്രയുടെ പങ്കാളിയായ അനുരാധ മഹിന്ദ്ര ഒരു സംരംഭകയും അതിലുപരി മനുഷ്യസ്നേഹിയുമാണ്. അനുരാധ മഹിന്ദ്ര മുംബൈയിലെ ഒരു പരമ്പരാഗത ഹിന്ദു കുടുംബത്തിൽ നിന്നാണ്. ഒരു കോളേജ് വിദ്യാർത്ഥിയിൽ നിന്ന് സംരംഭത്തിലേക്കുള്ള ചുവടുവെപ്പും അതിനായുള്ള പരിശ്രമവും പ്രചോദനാത്മക കഥയാണ്. ജേർണലിസ്റ്റായ അനുരാധ, ഇന്ത്യയിലെ പ്രമുഖ ലക്ഷ്വറി മാസികകളിൽ ഒന്നായ വെർവ് ( Verve) മാഗസിന്റെ സ്ഥാപകയാണ്. രാജ്യമെമ്പാടുമുള്ള വായനക്കാർക്കായി “മാൻസ് വേൾഡ്” സഹസ്ഥാപിച്ചതോടെയാണ് അനുരാധയുടെ പ്രസിദ്ധീകരണ മേഖലയിലേക്കുള്ള ചുവടുവെപ്പ് . മാഗസിൻ്റെ ആദ്യത്തെ ശ്രദ്ധേയമായ നേട്ടങ്ങളിലൊന്ന് അതിൻ്റെ ആദ്യ ലക്കത്തിൻ്റെ പുറംചട്ടയിൽ ഷാരൂഖ് ഖാനെ ഉൾപ്പെടുത്തി എന്നതാണ്. അനുരാധയുടെ ഭാവനാശേഷിയും ഗുണനിലവാരത്തോടുള്ള എഴുത്തും മാസികയെ പ്രശസ്തമാക്കി. ഇതോടെ ഇന്ത്യയിലെ പുരുഷന്മാരുടെ ആനുകാലിക പ്രസിദ്ധീകരണങ്ങളിൽ മുൻപന്തിയിലെത്താനും സാധിച്ചു. 1995-ൽ അനുരാധ Verve ആരംഭിച്ചു. അനുരാധ മഹീന്ദ്രയാണ് വെർവിൻ്റെ സ്ഥാപകയും എഡിറ്ററും പ്രസാധകയും . പിന്നീട് ഒരു സാഹിത്യ ജേണലായ ദി ഇന്ത്യൻ ക്വാർട്ടർലി എന്ന പേരിൽ അതിൻ്റെ സഹോദര പ്രസിദ്ധീകരണവും അവർ ആരംഭിച്ചു .…
കഴിഞ്ഞ കുറച്ചു നാളുകളായി സോഷ്യൽ മീഡിയയെ ഇളക്കി മറിക്കുന്ന വാർത്തകളിൽ ഒന്നാണ് മുകേഷ് അംബാനിയുടെ മകൻ അനന്ത് അംബാനിയുടെ വിവാഹ വാർത്ത. മുകേഷ് അംബാനിയുടെയും നിത അംബാനിയുടെയും മകൻ അനന്ത് അംബാനിയുടെയും പ്രതിശ്രുത വധു രാധിക മർച്ചൻ്റിൻ്റെയും വിവാഹം ജൂലൈ 12ന് ബികെസിയിലെ ജിയോ വേൾഡ് സെൻ്ററിൽ ആണ് നടക്കുന്നത്. വിവാഹത്തിന് മുന്നോടിയായി, അംബാനി കുടുംബം രണ്ട് വലിയ പ്രീ-വെഡ്ഡിംഗ് ഇവൻ്റുകൾ സംഘടിപ്പിച്ചിരുന്നു. അതിൽ ലോകമെമ്പാടുമുള്ള സെലിബ്രിറ്റികളും പ്രമുഖ വ്യക്തികളും പങ്കെടുക്കുകയും ചെയ്തു. മാർച്ചിൽ ഗുജറാത്തിലെ ജാംനഗറിലും അടുത്തത് ഇറ്റലിയിലെ ഒരു ക്രൂയിസിലും ആയിരുന്നു നടന്നത്. ജാംനഗറിൽ നടന്ന ഈ വിവാഹ ആഘോഷങ്ങളിലെ ശ്രദ്ധാകേന്ദ്രങ്ങളിൽ ഒരാളായി മാറിയത് സെലിബ്രിറ്റി മെഹന്തി ആർട്ടിസ്റ്റ് വീണാ നഗ്‌ഡ ആയിരുന്നു. വിവാഹത്തിന് മുമ്പുള്ള ബാഷിൽ ആയിരുന്നു വീണയുടെ സാന്നിധ്യം ശ്രദ്ധയ്ക്കപ്പെട്ടത്. അനന്ത് അംബാനിയുടെയും രാധിക മർച്ചൻ്റിൻ്റെയും കൈകളിൽ മാത്രമായിരുന്നില്ല അന്ന് വീണ മെഹന്തി അണിഞ്ഞത്. അവിടെയെത്തിയ അതിഥികൾക്ക് തനതായ മെഹന്തി ഡിസൈനുകൾ പരിചയപ്പെടുത്തുകയും ചെയ്തു. ബോളിവുഡിൽ…
മാജിക് എന്ന കലയെ കേരളത്തിലെ സാധാരണക്കാര്‍ക്കിടയില്‍ ജനപ്രിയമാക്കുന്നതില്‍ പ്രധാന പങ്കുവഹിച്ച വ്യക്തിയാണ് മജീഷ്യന്‍ ഗോപിനാഥ് മുതുകാട്. സ്റ്റേജ് ഷോകളിലൂടെയും ടെലിവിഷന്‍ ഷോകളിലൂടെയും നിരവധി യുവാക്കളെ ഈ രംഗത്തേക്ക് ആകര്‍ഷിക്കാനും അദ്ദേഹത്തിന് സാധിച്ചിട്ടുണ്ട്. നല്ലൊരു മോട്ടിവേഷണൽ സ്പീക്കർ കൂടിയായ അദ്ദേഹം അടുത്തിടെ ഒരു പരിപാടിക്കിടയിൽ ഓരോ മനുഷ്യനും സംസാരിക്കുമ്പോൾ ഓരോ വാക്കുകളും ശ്രദ്ധിക്കേണ്ടതിന്റെ ആവശ്യകതയെ കുറിച്ച് സംസാരിക്കുകയുണ്ടായി. “മുന്നിലേക്ക് നടക്കുന്ന ആളുകൾ ശ്രദ്ധിക്കേണ്ടത് ആൾവേയ്‌സ് വാച്ച് യുവർ വാച്ച്” എന്നാണ് അദ്ദേഹം പറയുന്നത്. “ഇപ്പോൾ ഞാൻ പറഞ്ഞത് സമയത്തിന്റെ വാച്ചല്ല. ഡബ്ലിയു എന്ന് പറയുന്നത് വേർഡ്സ് (വാക്കുകൾ) ആണ്. എ എന്ന് പറയുന്നത് നിങ്ങളുടെ അംബീഷൻസ് ആണ് അല്ലെങ്കിൽ ആക്ഷൻ. ടി എന്ന് പറയുന്നത് നിങ്ങളുടെ തോട്ട്സ് (ചിന്തകൾ). സി എന്ന് പറയുന്നത് നിങ്ങൾ ജീവിതത്തിൽ എത്രമാത്രം കോൺഫിഡന്റ് (ആത്മവിശ്വാസം) ആയിരിക്കണം എന്നാണ്. അവസാനത്തെ എച്ച് എന്ന് പറയുന്നത് ഹാർഡ് വർക്ക് (കഠിനാധ്വാനം) ആണ്. ഇത് നിങ്ങളുടെ കയ്യിൽ ഉണ്ടെങ്കിൽ നിങ്ങൾ ഒരിക്കലും…
ബാഹുബലി ഉൾപ്പെടെ നിരവധി ഹിറ്റ് സിനിമകളുടെ ഭാഗമായിട്ടുള്ള സൂപ്പർ നായിക ആണ് അനുഷ്ക ഷെട്ടി. ഇപ്പോഴിതാ താരം ഒരു അഭിമുഖത്തിലൂടെ തനിക്ക് ബാധിച്ച ഒരു അപൂർവ രോഗത്തെ കുറിച്ച് തുറന്നു പറഞ്ഞിരിക്കുകയാണ്. സ്യൂഡോബള്‍ബര്‍ അഫക്ട് എന്ന രോഗമാണ് തനിക്കെന്ന് അനുഷ്ക തുറന്നു പറയുന്നു. “എനിക്ക് ചിരിക്കുന്ന രോഗമുണ്ട്. ചിരിക്കുന്നത് ഒരു പ്രശ്നമാണോ? എന്ന് നിങ്ങൾ ആലോചിക്കും, എന്തന്നാൽ എന്നെ സംബന്ധിച്ചിടത്തോളം അത് അങ്ങനെയാണ്. ഞാൻ ചിരിക്കാൻ തുടങ്ങിയാൽ, എനിക്ക് 15 മുതൽ 20 മിനിറ്റ് വരെ നിർത്താൻ കഴിയില്ല. കോമഡി രംഗങ്ങൾ കാണുമ്പോഴോ ഷൂട്ട് ചെയ്യുമ്പോഴോ, ഞാൻ അക്ഷരാർത്ഥത്തിൽ ചിരിച്ചുകൊണ്ട് തറയിൽ ഇരുന്നു പോയിട്ടുണ്ട്. ഷൂട്ട് പോലും പലതവണ നിർത്തിവച്ചു” എന്നാണ് അനുഷ്ക പറഞ്ഞത്. 42 ആം വയസിൽ അനുഷ്‌കയെ ബാധിച്ച രോഗം എന്താണെന്നു നോക്കാം. എന്താണ് ഈ രോഗം? മുംബൈയിലെ പവായിയിലെ ഹിരാനന്ദാനി ഹോസ്പിറ്റലിലെ ന്യൂറോളജിസ്റ്റ് ഡോ സച്ചിൻ അഡുകിയ പറയുന്നതനുസരിച്ച്, സ്യൂഡോബുൾബാർ അഫക്റ്റ് (പിബിഎ) എന്നറിയപ്പെടുന്ന ചിരിക്കുന്ന രോഗം,…
ഇന്ത്യയിലെ ഇലക്ട്രിക് വാഹനങ്ങളുടെ സുരക്ഷയും ഗുണനിലവാരവും കഴിഞ്ഞ രണ്ട് വർഷങ്ങളായി കടുത്ത നിരീക്ഷണത്തിലാണ്. കഴിഞ്ഞ അര പതിറ്റാണ്ടിനിടെ ഇന്ത്യയിൽ ഇലക്ട്രിക് വാഹനങ്ങളുടെ ഡിമാൻഡ് കുതിച്ചുയരുകയായിരുന്നു. ഇതിനോടൊപ്പം തന്നെ ഇലക്ട്രിക് വാഹനങ്ങൾ കൊണ്ടുണ്ടായ അപകട വാർത്തകളും വർധിച്ചു വന്നിരുന്നു. ഇലക്ട്രിക്ക് വാഹനങ്ങൾ ഇത്തരത്തിൽ അപകടത്തിൽ പെടുന്നത് കൂടുതലും നിലവാരമില്ലാത്ത ഘടകങ്ങൾ ഈ വാഹനങ്ങളിൽ ഉൾപ്പെടുത്തുന്നത് കൊണ്ടാണ്. ഇത്തരം സംഭവങ്ങൾ തടയുന്നതിനായി, ബ്യൂറോ ഓഫ് ഇന്ത്യൻ സ്റ്റാൻഡേർഡ്സ് (ബിഐഎസ്) ഇലക്ട്രിക് വാഹനങ്ങളുടെ സുരക്ഷയും ഗുണനിലവാരവും ഉയർത്താൻ ലക്ഷ്യമിട്ടുള്ള രണ്ട് പുതിയ പദ്ദതികൾ ആണ് അവതരിപ്പിച്ചിരിക്കുന്നത്. ‘IS 18590: 2024’, ‘IS 18606: 2024’ എന്നാണ് ഈ സുരക്ഷാ സംവിധാനങ്ങളുടെ പേര്. പവർട്രെയിൻ ഉൾപ്പെടെയുള്ള ഇലക്ട്രിക് വാഹനങ്ങളിലെ സുപ്രധാന ഘടകങ്ങളുടെ സുരക്ഷയിലും ഗുണനിലവാരത്തിലും ഇവ ശ്രദ്ധ കേന്ദ്രീകരിക്കുന്നു. ഇരുചക്ര വാഹനങ്ങൾ, ഫോർ വീലറുകൾ, ഗുഡ്സ് ട്രക്കുകൾ എന്നിങ്ങനെ മൂന്ന് വിഭാഗങ്ങളിലായാണ് രണ്ട് പുതിയ മാനദണ്ഡങ്ങൾ ബാധകമാവുന്നത്. ഈ മൂന്ന് വിഭാഗങ്ങൾക്ക് കീഴിലുള്ള എല്ലാ ഇലക്ട്രിക്ക് വാഹനങ്ങളും…
ബോയിങ് സ്റ്റാര്‍ലൈനര്‍ പേടകത്തില്‍ ബഹിരാകാശ യാത്ര പുറപ്പെട്ട ഇന്ത്യന്‍ വംശജയായ സുനിത വില്യംസിന്റെയും സഹയാത്രികന്‍ ബാരി യൂജിന് ബോഷ് വില്‍മോറിന്റെയും തിരിച്ചുവരവ് വൈകുന്നു. ജൂണ്‍ 13 ന് മടക്കയാത്ര നിശ്ചയിച്ചെങ്കിലും നാസ തീയതി പല തവണ മാറ്റിയിരിക്കുകയാണ്. പത്ത് ദിവസം കഴിഞ്ഞിട്ടും ഇവർ തിരികെ വരുന്ന കാര്യത്തിൽ തീരുമാനം ആയിട്ടില്ല. ഇത് ആശങ്കകള്‍ വര്‍ധിപ്പിക്കുന്നതായാണ് റിപ്പോര്‍ട്ട്. ജൂണ്‍ 26ന് മാത്രമേ പേടകം തിരിച്ച് എത്തുകയുള്ളൂ എന്നാണ് ഏറ്റവും പുതിയ അറിയിപ്പ്. ബഹിരാകാശ പേടകത്തിന്റെ സാങ്കേതിക പ്രശ്‌നങ്ങള്‍ അവലോകനം ചെയ്യാന്‍ കൂടുതല്‍ സമയം എടുക്കാൻ ആയിരുന്നു നാസയുടെ തീരുമാനം. പേടകത്തിലെ ഹീലിയം വാതകച്ചോര്‍ച്ചയുള്‍പ്പടെയുള്ളവ വിശദമായി പരിശോധിച്ചു പരിഹരിച്ചശേഷമേ തിരിച്ചുവരവുണ്ടാകുകയുള്ളെന്നാണ് നാസയുടെ കൊമേഴ്‌സ്യല്‍ ക്രൂ പദ്ധതി വിഭാഗം അറിയിച്ചിരിക്കുന്നത്. സുനിത വില്യംസും വില്‍മോറും ബഹിരാകാശത്ത് കുടുങ്ങിയിട്ടില്ലെന്നും ആവശ്യമെങ്കില്‍ എപ്പോള്‍ വേണമെങ്കിലും തിരിച്ചെത്താമെന്ന് ഉദ്യോഗസ്ഥര്‍ ഉറപ്പിച്ചുപറയുന്നുണ്ടെങ്കിലും ആറ് മണിക്കൂര്‍ എടുക്കുന്ന മടക്കയാത്രയില്‍ സുരക്ഷിതമായി ലാന്‍ഡ് ചെയ്യാനുള്ള സ്റ്റാര്‍ലൈനറിന്റെ ശേഷിയെ കുറിച്ചാണ് അഭ്യൂഹങ്ങൾ ഉയരുന്നത്. ജൂണ്‍ 5ന്…
പ്രേക്ഷകര്‍ ഒന്നടങ്കം കാത്തിരിക്കുന്ന പ്രഭാസ് – നാഗ് അശ്വിന്‍ കൂട്ടുകെട്ടിൽ ഒരുങ്ങുന്ന ബ്രഹ്‌മാണ്ഡ ചിത്രം ആണ് കല്‍ക്കി 2898. ജൂണ്‍ 27 നു തീയറ്ററുകളിൽ എത്തുന്ന ഈ ചിത്രത്തിന്റെ പ്രി റിലീസ് ഈവന്റ് കഴിഞ്ഞ ദിവസം നടന്നിരുന്നു. ചിത്രത്തിൻ്റെ സംവിധായകൻ നാഗ് അശ്വിനും താരനിരയും പങ്കെടുത്ത ചടങ്ങിൽ മാധ്യമങ്ങൾക്കും ആരാധകർക്കും ഇടയിൽ കൽക്കി ഒരു പുതിയ ലോകം തന്നെയാണ് ഒരുക്കിയത്. പ്രഭാസ് എന്ന നായകന്റെ താരമൂല്യവും, അമ്മയാകാൻ ഒരുങ്ങുന്ന നടി ദീപിക പദുക്കോണും അടക്കം വലിയ താര നിര തന്നെ ആയിരുന്നു ചടങ്ങിൽ പങ്കെടുത്തത്. പക്ഷെ ചടങ്ങിൽ ഏറ്റവും അധികം ശ്രദ്ധിക്കപ്പെട്ടത് മറ്റൊരാൾ ആയിരുന്നു. ഇന്ത്യൻ സിനിമയുടെ ഇതിഹാസം അമിതാഭ് ബച്ചൻ ആണ് ചടങ്ങിനെ മനോഹരമാക്കിയത്. ബുധനാഴ്ച നടന്ന ചടങ്ങിലേക്ക് നിർമ്മാതാവായ അശ്വിൻ ദത്ത് കടന്നുവന്നതോടെ സ്റ്റേജിൽ ഉണ്ടായിരുന്ന അമിതാഭ് ബച്ചൻ അദ്ദേഹത്തെ പ്രശംസിക്കുകയും ബഹുമാന സൂചകമായി അദ്ദേഹത്തിന്റെ കാലിൽ തൊട്ട് അനുഗ്രഹം വാങ്ങാൻ ശ്രമിക്കുകയും ചെയ്തു. തന്നെക്കാൾ ഒൻപത് വയസ്സിനു…
ഇന്ത്യയുടെ അടിസ്ഥാന സൗകര്യങ്ങൾ വികസിപ്പിക്കുന്നതിന് ഭാഗമായി 30,600 കിലോമീറ്റർ വരുന്ന ഹൈവേ വികസന പദ്ധതി ഒരുങ്ങുന്നു. അടിസ്ഥാന സൗകര്യ വികസനത്തിന് ഒരു വലിയ ഉത്തേജനം എന്ന നിലയിൽ ആണ് ഈ പദ്ധതി തയ്യാറാവുന്നത്. 2031-32 ഓടെ ഏകദേശം 30,600 കിലോമീറ്റർ വരുന്ന ഒരു സമഗ്ര ഹൈവേ വികസന പദ്ധതിയിൽ 22 ലക്ഷം കോടി രൂപയുടെ നിക്ഷേപത്തിനാണ് റോഡ് ഗതാഗത, ഹൈവേ മന്ത്രാലയം കാബിനറ്റ് അനുമതി തേടിയിരിക്കുന്നത്. അടുത്തിടെ ധനമന്ത്രാലയത്തിന് ഈ പദ്ധതി വിവരങ്ങൾ സമർപ്പിച്ചിരുന്നു.18,000 കിലോമീറ്റർ എക്‌സ്പ്രസ് വേകളുടെയും അതിവേഗ ഇടനാഴികളുടെയും നിർമ്മാണം, നഗരങ്ങൾക്ക് ചുറ്റുമുള്ള 4,000 കിലോമീറ്റർ ദേശീയ പാതകളുടെ തിരക്ക് കുറയ്ക്കുക, തന്ത്രപരവും അന്തർദ്ദേശീയവുമായ റോഡുകളുടെ വികസനം എന്നിവയാണ് നിർദ്ദേശത്തിൽ ഉൾപ്പെടുന്നത്. ഈ നിക്ഷേപത്തിൻ്റെ 35 ശതമാനവും സ്വകാര്യമേഖലയിൽനിന്നാണ് പ്രതീക്ഷിക്കുന്നത്. ഹൈവേ വികസനത്തിനുള്ള മാസ്റ്റർ പ്ലാൻ രണ്ട് ഘട്ടങ്ങളിലായി ആണ് നടപ്പാക്കുന്നത്. റോഡ് ട്രാൻസ്‌പോർട്ട് സെക്രട്ടറി അനുരാഗ് ജെയിൻ്റെ അധ്യക്ഷതയിൽ ചേർന്ന ഇൻ്റർ മിനിസ്റ്റീരിയൽ മീറ്റിംഗിൽ, 2028-29 ഓടെ…
യൂറോപ്യന്‍ സൂപ്പര്‍കാര്‍ നിര്‍മാതാക്കളായ ബുഗാട്ടിയുടെ സൂപ്പർ മോഡലായ ടൂര്‍ബിയോണ്‍ എന്ന പുതിയ ഹൈപ്പര്‍കാര്‍ അവതരിപ്പിച്ചു. രണ്ട് സെക്കന്റിൽ പൂജ്യത്തിൽ നിന്ന് 100 കിലോമീറ്റർ വേഗതയാണ് ഈ കാറിനുള്ളത്. ലോകത്തിലെ ഏറ്റവും പവർഫുൾ ആയിട്ടുള്ള റോഡ് കാർ എന്ന വിശേഷണത്തോടെ ആണ് ബുഗാട്ടിയുടെ കരുത്തരിൽ കരുത്തൻ മോഡലായ ടൂർബില്ലൺ എത്തിയിരിക്കുന്നത്. വെറും 250 എണ്ണം മാത്രമാകും ഇവ നിരത്തിലുണ്ടാകുക എന്ന സവിശേഷത കൂടി ഇതിനുണ്ട്. “കരുത്തൻ” എന്ന വിശേഷണം സ്വന്തം പേരിനൊപ്പം അവകാശമായി കൊണ്ടുനടന്നിരുന്ന ബുഗാട്ടി ഷിറോണിന്റെ പകരക്കാരനായാണ് ബുഗാട്ടി ടൂര്‍ബിയോണ്‍ എത്തിയിരിക്കുന്നത്. ലോകത്തിലെ ഏറ്റവും പവർഫുൾ ആയിട്ടുള്ള റോഡ് കാർ , ഹൈപ്പർ കാറുകളിലെ പുതിയ അധ്യായം എന്നിങ്ങിനെ വിശേഷണങ്ങൾ ഏറെയാണ്. ഒരു പീസ് ഓഫ് ആർട്ട് ആണെന്നാണ് ബുഗാട്ടി സിഇഒ മേറ്റ് റിമാക്ക് ഈ കാറിനെ വിശേഷിപ്പിക്കുന്നത്. വെയ്‌റോണിന് ശേഷം അടുത്ത മോഡൽ ഏതാകണം എന്നതിൽ ആശയകുഴപ്പമുണ്ടായിരുന്നു. ഇനി ഒരു ഇലക്ട്രിക് മോഡൽ ഇറക്കുന്നത് വളരെ എളുപ്പമാണ്, പക്ഷെ ബുഗാട്ടിയുടെ…
ഉദ്യോഗാർത്ഥികൾക്കായി ഒരു സന്തോഷ വാർത്ത പങ്കുവയ്ക്കുകയാണ് കൊച്ചി മെട്രോ. കൊച്ചി മെട്രോ റെയില്‍ ലിമിറ്റഡ്(കെഎംആർഎൽ) ട്രാഫിക്ക് മാനേജ്‌മെന്റ് തസ്തികയിലേക്കാണ് ഇപ്പോൾ അപേക്ഷകൾ ക്ഷണിക്കുന്നത്. ഒരു ഒഴിവ് മാത്രമുള്ള ഈ തസ്തികയിലേക്ക് 56 നും 62 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. അപേക്ഷകർ ഇന്ത്യൻ പൗരൻ ആയിരിക്കണം. അഭിമുഖത്തിന്റെ അടിസ്ഥാനത്തില്‍ ആണ് അര്‍ഹരായ ഉദ്യോഗാര്‍ത്ഥികളെ തിരഞ്ഞെടുക്കുന്നത്. ഒരു വര്‍ഷത്തെ പ്രാരംഭ കാലയളവിലേക്ക് പുനര്‍-തൊഴില്‍ അടിസ്ഥാനത്തിലായിരിക്കും നിയമനം നടത്തുന്നത്. മാനേജ്‌മെന്റിന്റെ വിവേചനാധികാരത്തിന്റെ അടിസ്ഥാനത്തില്‍ സ്ഥിരമായ നല്ല പ്രകടനത്തിനും പെരുമാറ്റത്തിനും വിധേയമായി കാലാവധി ഒരു വർഷം കൂടി ദീർഘിപ്പിക്കുകയും ചെയ്യാം. തിരഞ്ഞെടുക്കപ്പെടുന്ന ഉദ്യോഗാർത്ഥിക്ക് പ്രതിമാസം 70000 രൂപവരെ ആണ് ശമ്പളമായി ലഭിക്കുന്നത്. കെഎംആർഎൽ റിക്രൂട്ട്‌മെൻ്റ് 2024-ന് അപേക്ഷിക്കുന്നതിന്, അപേക്ഷകന് ഏതെങ്കിലും വിഷയങ്ങളിൽ ബിരുദം ഉണ്ടായിരിക്കണം. അതിനോടൊപ്പം തന്നെ ഉദ്യോഗാർത്ഥി, കേരളാ പോലീസിൽ ഒരു ഡെപ്യൂട്ടി പോലീസ് സൂപ്രണ്ട് റാങ്കിൽ കുറയാത്ത ഒരു തസ്‌തികയിൽ ജോലി ചെയ്‌ത് വിരമിച്ച ഒരു പോലീസുകാരനായിരിക്കണം. കൊച്ചിയിൽ സ്ഥിരതാമസക്കാരൻ ആയിരിക്കണം. പോലീസിൽ…