അനേകം വ്യക്തി ദുരന്തങ്ങൾക്കു ശേഷമാണ് ടാറ്റ ഗ്രൂപ്പ് മുൻ ചെയർമാൻ സൈറസ് മിസ്ത്രിയുടെ ഭാര്യ റോഹിഖ ഇന്ത്യയിലെ അതിസമ്പന്ന വനിതയായത്. 2022ലാണ് സൈറസ് മിസ്ത്രി വാഹനാപകടത്തിൽ അന്തരിച്ചത്. അതിനു മാസങ്ങൾക്കു മുൻപ് മിസ്ത്രിയുടെ പിതാവും പല്ലോൻജി ഗ്രൂപ്പ് ഉടമയുമായ പല്ലോൻജി മിസ്ത്രി മരിച്ചിരുന്നു.
ഭർത്താവിന്റെ അകാല മരണത്തിനു ശേഷം പല്ലോൻജി ഗ്രൂപ്പിലെ സൈറസിന്റെ ആസ്തിയെല്ലാം റോഹിഖയുടെ പേരിലായി. ഇവ കൂടാതെ ടാറ്റ സൺസിലെ സൈറസിന്റെ ഓഹരികളും റോഹിഖയ്ക്ക് ലഭിച്ചു. ഇതോടെ ഇന്ത്യയിലെ ഏറ്റവും സമ്പന്നയായ രണ്ടാമത്തെ വനിതയായി റോഹിഖ മാറുകയായിരുന്നു. ഫോർബ്സിന്റെ സമ്പന്ന പട്ടിക പ്രകാരം 77000 കോടിയാണ് റോഹിഖയുടെ ആസ്തി.
സൈറസ് മിസ്ത്രി ഇന്ത്യൻ ബിസിനസ് രംഗത്തെ പ്രമുഖ നാമമായിരുന്നു. 2012 മുതൽ ടാറ്റ സൺസ് ചെയർമാനായ അദ്ദേഹം 2016 വരെ ആ സ്ഥാനത്ത് തുടർന്നു. രത്തൻ ടാറ്റയുടെ അർധ സഹോദരനും ഇപ്പോഴത്തെ ടാറ്റ ട്രസ്റ്റ് ചെയർമാനുമായ നോയൽ ടാറ്റയുമായി സൈറസിന് അടുത്ത ബന്ധമുണ്ടായിരുന്നു. സൈറസിന്റെ സഹോദരി ആലു മിസത്രിയെയാണ് നോയൽ വിവാഹം കഴിച്ചത്. 2016ൽ ചെയർമാൻ സ്ഥാനത്ത്ു നിന്നും സൈറസിനെ മാറ്റിയെങ്കിലും അദ്ദേഹത്തിന്റെ കുടുംബത്തിന് 18 ശതമാനത്തോളം ഓഹരി ടാറ്റ സൺസിലുണ്ട്. ടാറ്റ സൺസിന്റെ ഏറ്റവും വലിയ ഓഹരി ഉടമകൾ കൂടിയാണ് മിസ്ത്രി കുടുംബം.
റോഹിഖ-സൈറസ് ദമ്പതികൾക്ക് സഹൻ, ഫിറോസ് എന്ന രണ്ട് മക്കളുണ്ട്. റോഹിഖയുടെ സഹോദരൻ 2017ൽ ബോംബെ ഹൈക്കോടതി ജഡ്ജായിരുന്നു. അവരുടെ മുത്തച്ഛനും പ്രമുഖ അഭിഭാഷകനും ബോംബൈ ഹൈക്കോടതി ചീഫ് ജസ്റ്റിസുമായിരുന്നു.
Rohiqa Cyrus Mistry, widow of Cyrus Mistry, emerges as one of India’s wealthiest women with a net worth of $9.3 billion, inheriting stakes in the Tata Group. Discover her journey, family legacy, and ties to the Tata empire.
