Author: News Desk

ഉത്തർപ്രദേശിൽ ചിത്രകൂട് ജില്ലയിലെ തുളസി വെള്ളച്ചാട്ടത്തിൻ്റെ മനോഹാരിത നുകരാൻ ഗ്ലാസ് സ്കൈവാക്ക് .ലോക്സഭാ തിരഞ്ഞെടുപ്പിന് ശേഷം അനാച്ഛാദനം ചെയ്യാൻ തയ്യാറായിരിക്കുന്ന ആദ്യ ഗ്ലാസ് സ്കൈവാക്ക് പാലം ഉത്തർപ്രദേശ് ടൂറിസം വകുപ്പിന്റെ സംസ്ഥാനത്തെ സ്പിരിച്വൽ ടൂറിസം വർദ്ധിപ്പിക്കാനുള്ള പദ്ധതികളിൽ ഒന്നാണ്. തുളസി വെള്ളച്ചാട്ടത്തിൻ്റെ സ്ഥലത്ത് നിർമ്മിച്ചിരിക്കുന്ന 25 മീറ്റർ നീളമുള്ള വില്ലും അമ്പും ആകൃതിയിലുള്ള പാലം ശ്രീരാമൻ ഉപയോഗിച്ച ആയുധങ്ങളിൽ നിന്ന് പ്രചോദനം ഉൾക്കൊണ്ടതാണ്. സന്ദർശകരുടെ സുരക്ഷയും സൗകര്യവും ഉറപ്പാക്കുന്ന പാലത്തിനു ഒരു ചതുരശ്ര മീറ്ററിന് 500 കിലോഗ്രാം ഭാരം വഹിക്കാൻ ശേഷിയുണ്ട്. ചിത്രകൂട് വനത്തിൻ്റെ അതിമനോഹരമായ കാഴ്ചകൾക്കൊപ്പം വെള്ളച്ചാട്ടം ഏകദേശം 40 അടി താഴെയുള്ള ഒരു കുളത്തിലേക്ക് വീഴുന്ന കാഴ്ച ധാരാളം സന്ദർശകരെ ആകർഷിക്കുന്നു. ഗ്ലാസും സ്റ്റീലും കൊണ്ട് നിർമ്മിച്ച ഈ എഞ്ചിനീയറിംഗ് വിസ്മയം ശക്തിയുടെയും വീര്യത്തിൻ്റെയും പ്രതീകമായാണ് രൂപകൽപ്പന ചെയ്തിരിക്കുന്നത്. ഇതിന് ഏകദേശം 3.70 കോടി ചിലവ് വരും. ഇത് പ്രദേശത്തെ ഇക്കോടൂറിസം വർദ്ധിപ്പിക്കുമെന്ന് പ്രതീക്ഷിക്കുന്നു. യഥാർത്ഥത്തിൽ ശബരി വെള്ളച്ചാട്ടം…

ബിരുദ ധാരികൾക്കും ഇനി  പിഎച്ച്ഡി നേടിയെടുക്കുക അല്പം കൂടി എളുപ്പത്തിലാകും.  4 വർഷത്തെ ബാച്ചിലേഴ്സ് ഡിഗ്രിക്കു കുറഞ്ഞത്  75% മാർക്കുണ്ടെങ്കിൽ  നേരിട്ട് നെറ്റ് പരീക്ഷയെഴുതുവാനും,  പിഎച്ച്ഡി ഗവേഷണം തുടരാനും അനുമതി നൽകി യൂണിവേഴ്സിറ്റി ഗ്രാൻ്റ്സ് കമ്മീഷൻ .  യുജിസി നിബന്ധനകൾ പ്രകാരം നാഷണൽ എലിജിബിലിറ്റി ടെസ്റ്റിന് (NET) കുറഞ്ഞത് 55% മാർക്കോടെ ബിരുദാനന്തര ബിരുദം ആവശ്യമായിരുന്നു. നാല് വർഷത്തെ  ബിരുദമുള്ള വിദ്യാർത്ഥികൾക്ക് ഇപ്പോൾ നേരിട്ട് നെറ്റ് പരീക്ഷ എഴുതാനും പിഎച്ച്ഡി നേടാനും കഴിയുമെന്ന് യൂണിവേഴ്സിറ്റി ഗ്രാൻ്റ്സ് കമ്മീഷൻ  ചെയർമാൻ ജഗദേഷ് കുമാർ പറഞ്ഞു. ജൂനിയർ റിസർച്ച് ഫെലോഷിപ്പ് (ജെആർഎഫ്) ഉള്ളതോ അല്ലാതെയോ പിഎച്ച്ഡി നേടുന്നതിന്, ഉദ്യോഗാർത്ഥികൾക്ക് അവരുടെ നാല് വർഷത്തെ ബിരുദ കോഴ്സിൽ കുറഞ്ഞത് 75% മാർക്കോ തത്തുല്യ ഗ്രേഡുകളോ ആവശ്യമാണ്. നാഷണൽ എലിജിബിലിറ്റി ടെസ്റ്റിന് (NET) ഒരു ഉദ്യോഗാർത്ഥിക്ക് കുറഞ്ഞത് 55% മാർക്കോടെ ബിരുദാനന്തര ബിരുദം ആവശ്യമാണ് എന്ന നിബന്ധനയിലാണ് അയവ് വരുത്തിയത് . നാലു വർഷത്തെ ബിരുദമുള്ള ഉദ്യോഗാർത്ഥികൾക്ക്…

ഇൻഡിഗോയുടെ പേറ്റൻ്റ് ബ്രാൻഡായ ഇൻ്റർ ഗ്ലോബ് എൻ്റർപ്രൈസസ്, ഇന്ത്യയിൽ എയർ ടാക്സി സേവനം ഉടൻ ആരംഭിക്കും. ഡൽഹി-ഗുഡ്ഗാവ് എയർ ടാക്‌സി സർവീസ് ഉടൻ ആരംഭിക്കാൻ indigo തയാറായി കഴിഞ്ഞു. ഡൽഹിയിലെ കൊണാട്ട് പ്ലേസിനും ഹരിയാനയിലെ ഗുഡ്ഗാവ് റൂട്ടിനുമിടയിൽ 2026-ൽ സർവീസ് ആരംഭിക്കാൻ സാധ്യതയുണ്ടെന്ന് റിപ്പോർട്ടുണ്ട്. യുഎസ് ആസ്ഥാനമായുള്ള ആർച്ചർ ഏവിയേഷൻ രാജ്യത്ത് ഇന്ഡിഗോക്ക് 200 ഇലക്ട്രിക് വെർട്ടിക്കൽ ടേക്ക് ഓഫ് ആൻഡ് ലാൻഡിംഗ് വിമാനങ്ങൾ നൽകുമെന്നും ഈ വിഭാഗത്തിൽ 1 ബില്യൺ ഡോളർ നിക്ഷേപിക്കുമെന്നും റിപ്പോർട്ടുണ്ട്. 30-40 മിനിറ്റിനുള്ളിൽ പൂർണ്ണമായി ചാർജ് ചെയ്യപ്പെടുന്ന ബാറ്ററി സജ്ജീകരണത്താൽ ഈ വിമാനങ്ങൾ പ്രവർത്തിക്കുമെന്ന് റിപ്പോർട്ടുകൾ സൂചിപ്പിക്കുന്നു. സംയുക്ത സംരംഭം മുംബൈയിലും ബംഗളൂരുവിലും സമാനമായ സേവനങ്ങൾ ആരംഭിക്കുമെന്ന് പ്രതീക്ഷിക്കുന്നു. യുഎസ് റെഗുലേറ്റർ ഫെഡറൽ ഏവിയേഷൻ അഡ്മിനിസ്ട്രേഷനുമായി കമ്പനി ചർച്ചകൾ നടത്തി വരികയാണെന്നും വിമാനങ്ങൾക്കായുള്ള സർട്ടിഫിക്കേഷൻ നടപടികൾ പുരോഗമിച്ച ഘട്ടത്തിലാണെന്നും ആർച്ചർ ഏവിയേഷൻ സ്ഥാപകനും സിഇഒയുമായ ആദം ഗോൾഡ്‌സ്റ്റൈൻ അറിയിച്ചു. എയർ ടാക്സി വഴിയുള്ള…

നാട്ടിൻപുറങ്ങളിലോടുന്ന സ്വകാര്യ ബസ്സുകൾ ഈ കൊടും ചൂടിൽ എന്നെങ്കിലും എസി സംവിധാനത്തോടെ യാത്രക്കാരെ സ്വീകരിക്കുമെന്ന് നാം കരുതിയിട്ടുണ്ടോ? ഇന്ത്യയിലെ ആദ്യത്തെ സോളാർ എ സി സ്വകാര്യ ലൈൻ ബസ് കണ്ണൂരിൽ യാത്രക്കാരുടെ മനസ്സും, നിരത്തും കൈയടക്കികഴിഞ്ഞു. കണ്ണാടി പറമ്പ് കണ്ണൂർ ജില്ലാ ആശുപത്രി റൂട്ടിൽ സർവീസ് നടത്തുന്ന സംഗീത്‌ എന്ന ബസ്സിലെ ശീതീകരണം പ്രവർത്തിക്കുന്നത് ബസിനു മുകളിൽ ഘടിപ്പിച്ചിരിക്കുന്ന സോളാർ പാനലിൽ ആണ് എന്നത് ബസ്സിനെ കൂടുതൽ വൈവിധ്യവും ജനകീയവുമാക്കുന്നു. കണ്ണാടിപ്പറമ്പ് സ്വദേശിയും പ്രവാസിയുമായ സതീഷിന്റെ ആശയമാണ് എസി ബസിന്ബ പിന്നിൽ. അത് വിജയകരമാകുകയും ചെയ്തു. ബസ്സിന്‌ മുകളിൽ ഘടിപ്പിച്ചിരിക്കുന്ന മൂന്നു സോളാർ പാനലിൽ നിന്നുമാണ് സൗരോർജം ലഭിക്കുക. എഞ്ചിനുമായി ഒരു ബന്ധവുമില്ലാതെ നേരെഎ സി കംപ്രസ്സർ യൂണിറ്റിലേക്ക് വൈദ്യുതിയെത്തും. വീടുകളിൽ വയ്ക്കുന്ന വൈദ്യുതി കുറഞ്ഞ അളവിൽ ഉപയോഗിക്കുന്ന സ്പ്ലിറ്റ് എ സി യൂണിറ്റ് ബസിൽ ഘടിപ്പിക്കാനായി എന്നതാണ് മേന്മ. സർവീസ് തുടങ്ങി പത്തു മിനുട്ടു കൊണ്ട് യാത്രക്കാർ തണുത്തു…

മുകളിലെ ഡെക്കിൽ ആഡംബരപൂർണമായ സ്വർണ്ണ സിംഹാസനം പോലെയുള്ള ചാരുകസേരയും, വിശാലമായ ഇരിപ്പിടവും, ഒരു ബാർ ഏരിയയും.ഇത് ഒരു ശതകോടീശ്വരൻ സ്വന്തമാക്കിയ 4175 കോടി രൂപ വിലമതിക്കുന്ന ലോകത്തിലെ ഏറ്റവും ചെലവേറിയതും ആഡംബരപൂർണ്ണവുമായ ബോയിംഗ് 747 സ്വകാര്യ ജെറ്റ് . ആ ശതകോടീശ്വരൻ ഇലോൺ മസ്‌കോ ബെർണാഡ് അർനോൾട്ടോ മുകേഷ് അംബാനിയോ അല്ല. ഇത് സൗദി അറേബ്യയിലെ രാജകുമാരനും വ്യവസായിയുമായ അൽ വലീദ് ബിൻ തലാൽ അൽ സൗദിൻ്റെ ഉടമസ്ഥതയിലുള്ള ആഡംബര സ്വകാര്യ ജെറ്റ്. ലോകത്തെ ഏറ്റവും ചെലവേറിയതും ആഡംബരപൂർണവുമായ സ്വകാര്യ ജെറ്റിന് ഏകദേശം 500 മില്യൺ ഡോളർ , അതായത് 4175 കോടി രൂപ- ചിലവ് വരും. ഫോർബ്സ് പ്രകാരം 18.7 ബില്യൺ ഡോളർ (ഏകദേശം 1,56,198 കോടി രൂപ) ആസ്തിയുള്ള സൗദി രാജകുടുംബത്തിലെ ഏറ്റവും ധനികരായ അംഗങ്ങളിൽ ഒരാളാണ് സൗദി രാജകുമാരൻ. സൗദി രാജകുമാരൻ്റെ ബോയിംഗ് 747 അദ്ദേഹത്തിൻ്റെ നിർദ്ദേശങ്ങൾക്കനുസരിച്ച് വിപുലമായി പരിഷ്കരിച്ചിട്ടുണ്ട്. വലുപ്പമുള്ള കിടക്ക, സ്വകാര്യ കുളിമുറി, നിസ്കാര…

തിരുവനന്തപുരം സിറ്റിയിൽ സിറ്റി ടൂറുകൾക്കായി ഏർപ്പെടുത്തിയ  കെഎസ്ആർടിസി ഇലക്ട്രിക് ഡബിൾ ഡെക്കർ ബസ് സർവീസ് ഏറെ വിജയകരം.  ഇത്തരത്തിലുള്ള ഇന്ത്യയിലെ ആദ്യത്തെ സർവീസാണ് ഓപ്പൺ ഡെക്ക് ബസ്. തിരുവനന്തപുരം നഗരക്കാഴ്ചകള്‍ ആസ്വദിക്കാനായി എത്തുന്നവര്‍ക്കാണ് കെഎസ്ആര്‍ടിസി ഡബിള്‍ ഡക്കര്‍ ബസ് സര്‍വീസ് നടത്തുന്നത്.  വിനോദസഞ്ചാരികൾക്കായി തിരുവനന്തപുരം നഗരത്തിൻ്റെ വിസ്മയിപ്പിക്കുന്ന സൗന്ദര്യം ആസ്വദിക്കാൻ മികച്ച സൗകര്യങ്ങളാണ് ബസിൽ ഒരുക്കിയിരിക്കുന്നത്. ഉച്ചകഴിഞ്ഞ് 3 മണിക്ക് ആരംഭിക്കുന്ന ട്രിപ്പുകൾ രാത്രി 10 മണി വരെ ഓരോ മണിക്കൂറിലും പ്രവർത്തിക്കും.  കിഴക്കേക്കോട്ടയിൽ നിന്ന് പുറപ്പെടുന്ന ബസ് സ്റ്റാച്യു, പാളയം, വെള്ളയമ്പലം, കവടിയാർ, വിജെടി ഹാൾ, പേട്ട, ചക്ക, ശംഖുമുഖം, ലുലു മാൾ എന്നിവിടങ്ങളിൽ നിന്ന് കിഴക്കേക്കോട്ടയിലേക്ക് മടങ്ങും. ബസ്സിനുള്ളിൽ ലഘുഭക്ഷണം, വെള്ളം, മറ്റ് പലഹാരങ്ങൾ എന്നിവ വാങ്ങാനുള്ള സൗകര്യങ്ങൾ ഏർപ്പെടുത്തണമെന്ന് യാത്രക്കാർ ഗതാഗത മന്ത്രിയോട് ആവശ്യപ്പെട്ടതിനെത്തുടർന്ന് സൗകര്യം ഏർപ്പെടുത്തിയിട്ടുണ്ട്. കൂടാതെ, ചാർട്ടേഡ് യാത്രകൾ രാവിലെ 6 മുതൽ ഉച്ചയ്ക്ക് 2 വരെ ബുക്ക് ചെയ്യാം. വിവാഹ ഷൂട്ടുകൾ, ജന്മദിന…

വ്യാജ പ്രചാരണം: സംസ്ഥാനത്ത് 12 പേര്‍ക്കെതിരെ കേസ്പെരുമാറ്റച്ചട്ടലംഘനം: സംസ്ഥാനത്ത് നടപടിയെടുത്തത് രണ്ട് ലക്ഷത്തിലധികം പരാതികള്‍ക്ക്സി വിജില്‍ വഴി ആകെ ലഭിച്ചത് 2,09,661 പരാതികള്‍ തിരഞ്ഞെടുപ്പ് പെരുമാറ്റച്ചട്ടലംഘനം സംബന്ധിച്ച പരാതികള്‍ അറിയിക്കാന്‍ തിരഞ്ഞെടുപ്പ് കമ്മീഷന്‍ സജ്ജമാക്കിയ സി വിജില്‍ (cVIGIL സിറ്റിസണ്‍സ് വിജില്‍) മൊബൈല്‍ ആപ്പ് വഴി ലഭിച്ച പരാതികളില്‍ സംസ്ഥാനത്ത് ഇതുവരെ 2,06152 പരാതികളില്‍ നടപടി എടുത്തതായി മുഖ്യതിരഞ്ഞെടുപ്പ് ഓഫീസര്‍ സഞ്ജയ് കൗള്‍ അറിയിച്ചു. മാര്‍ച്ച് 16 മുതല്‍ ഏപ്രില്‍ 20 വരെ ആപ്പ് വഴി ആകെ ലഭിച്ചത് 2,09661 പരാതികളാണ്. 426 പരാതികളില്‍ നടപടി പുരോഗമിക്കുന്നു.തിരഞ്ഞെടുപ്പ് പ്രക്രിയയുടെ വിശ്വാസ്യതയെ ബാധിക്കുന്ന വ്യാജ പ്രചാരണങ്ങള്‍ക്കെതിരെ കര്‍ശന നിയമ നടപടിയെടുക്കുമെന്ന് സഞ്ജയ് കൗള്‍ അറിയിച്ചു. ഇലക്ട്രോണിക് വോട്ടിംഗ് മെഷീന്‍ തട്ടിപ്പാണെന്ന രീതിയില്‍ വ്യാജപ്രചാരണം നടത്തിയതിന് സംസ്ഥാനത്ത് 12 കേസുകള്‍ രജിസ്റ്റര്‍ ചെയ്തിട്ടുണ്ട്. എറണാകുളം സിറ്റി, തൃശ്ശൂര്‍ സിറ്റി എന്നിവിടങ്ങളില്‍ രണ്ടു വീതവും, തിരുവനന്തപുരം റൂറല്‍, കൊല്ലം സിറ്റി, പത്തനംതിട്ട, ആലപ്പുഴ, പാലക്കാട്, ഇടുക്കി…

ഔദ്യോഗിക ലോഞ്ച്  തീരുമാനിച്ചിട്ടില്ലെങ്കിലും, ഒരു ചെറിയ ഇടവേളയ്ക്ക് ശേഷം ടാറ്റായുടെ  നാനോ ഇലക്ട്രിക് അവതാരത്തിൽ വരികയാണ്. ടാറ്റായുടെ ഏറ്റവും ചെലവ് കുറഞ്ഞ നാനോ, 6 ലക്ഷം കടക്കാത്ത വിലയിൽ  ഇന്ത്യയിലെ ഏറ്റവും താങ്ങാനാവുന്ന ഇലക്ട്രിക്ക് വാഹനങ്ങളിൽ ഒന്നായി മാറും.   ചെലവ് കുറയ്ക്കുക തന്നെയാകും EVയുടെ ലക്ഷ്യമെങ്കിലും എയർ കണ്ടീഷനിംഗ്, പവർ സ്റ്റിയറിംഗ്, ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, എയർബാഗുകൾ, എബിഎസ് തുടങ്ങിയ അടിസ്ഥാന സുരക്ഷാ ഫീച്ചറുകൾ നാനോ ഇവിയിൽ ഉണ്ടാകും. 15-20 kWh ലിഥിയം-അയൺ ബാറ്ററി പായ്ക്ക് ഒറ്റ ചാർജിന് 150-200 കിലോമീറ്റർ റേഞ്ച് നൽകും. സിറ്റി ഡ്രൈവിംഗിന് അനുയോജ്യമായ, മിതമായ പവർ ഔട്ട്പുട്ട് നൽകാൻ സാധ്യതയുള്ള ഒരു ഇലക്ട്രിക് മോട്ടോർ നാനോയിലുണ്ടാകും. എൽഇഡി ലൈറ്റുകൾ പോലെയുള്ള ആധുനിക ഘടകങ്ങൾ, കൂടുതൽ നവോന്മേഷം നൽകുന്ന ഇൻ്റീരിയർ എന്നിവ പ്രതീക്ഷിക്കാം. ബജറ്റിന് താങ്ങാനാവുന്ന കാർ വാങ്ങുന്നവർ, സീറോ എമിഷൻ സിറ്റി റൈഡ് ആഗ്രഹിക്കുന്നവർ, നഗര ഉപയോഗത്തിനായി രണ്ടാമത്തെയോ മൂന്നാമത്തെയോ കാർ തിരയുന്ന ആളുകൾ,…

ഹൈക്കോടതിയെയും ഫോർട്ട്കൊച്ചിയെയും ബന്ധിപ്പിക്കുന്ന കൊച്ചി വാട്ടർ മെട്രോ സർവീസ് ആരംഭിച്ചു. വിനോദസഞ്ചാരികളെ ലക്ഷ്യമിട്ട് തുടങ്ങിയ സർവീസിനായി കൊച്ചി വാട്ടർ മെട്രോയുടെ 100 സീറ്റർ ബോട്ട് ഞായറാഴ്ച മുതൽ സർവ്വീസ് തുടങ്ങി.കൊച്ചിയിലെ പ്രധാന വിനോദസഞ്ചാര കേന്ദ്രങ്ങളിലൊന്നായ ഫോർട്ട് കൊച്ചിയിലേക്കുള്ള ഗതാഗതം സുഗമമാക്കുകയാണ് ലക്‌ഷ്യം. രാവിലെ 7 നും വൈകുന്നേരം 7 നും ഇടയിൽ ഓരോ 30 മിനിറ്റിലും ഒരു ഫെറി സർവീസ് പ്രവർത്തിക്കും. ഒരാൾക്ക് 40 രൂപയാണ് ടിക്കറ്റ് നിരക്ക്. കൊച്ചി മെട്രോ റെയിൽ ലിമിറ്റഡ് KMRL ഓർഡർ നൽകിയ പതിനാലാമത്തെ ഫെറി, കൊച്ചിൻ ഷിപ്പ്‌യാർഡ് അടുത്തിടെ കൈമാറി. കെഎംആർഎൽ ആകെ 23 ഫെറികൾക്ക് ഓർഡർ നൽകിയിരുന്നു. ഈ പ്രദേശത്തെ വാട്ടർ മെട്രോ ടൂറിസ്റ്റ് കേന്ദ്രത്തിലെ ഗതാഗത തടസ്സങ്ങൾ ലഘൂകരിക്കുമെന്ന് പ്രതീക്ഷിക്കുന്നതായി കെഎംആർഎൽ വാർത്താക്കുറിപ്പിൽ അറിയിച്ചു. ഇന്ത്യയിൽ ആദ്യമായി വാട്ടർ മെട്രോ സർവീസ് ആരംഭിച്ച നഗരമാണ് കൊച്ചി. മുസിരിസ് എന്ന് പേരിട്ടിരിക്കുന്ന അതിൻ്റെ ആദ്യ ബോട്ട് 2021 ഡിസംബറിൽ സർവീസ് തുടങ്ങി .…

കൊച്ചി ഐടി മേഖലയ്ക്ക് പുതിയ അനുഭവമായിരിക്കും ലുലുവിന്റെ ട്വിൻ ടവറുകൾ. 1,400 കോടി ചെലവിട്ട് ലുലു ഗ്രൂപ്പ് കൊച്ചി സ്മാര്‍ട്ട് സിറ്റിയില്‍ നിര്‍മിക്കുന്ന കേരളത്തിലെ ഏറ്റവും വലിയ ഇരട്ട ടവറുകളുടെ നിര്‍മാണം അന്തിമഘട്ടത്തിലേക്ക് നീങ്ങുന്നു. 12.74 ഏക്കറില്‍ 33 ലക്ഷം ചതുരശ്ര അടിയില്‍ 30 നിലകളിലായി വരുന്ന ലുലു ഇരട്ട ടവറിൽ പതിനായിരക്കണക്കിന് തൊഴിലവസരങ്ങൾ ആണ് ഒരുങ്ങുന്നത്. അത്യന്താധുനിക നിലവാരത്തിലുള്ള റീട്ടെയിൽ സ്പേസുകൾ, ഫുഡ് കോർട്ടും, കഫേകളും, ജിമ്മും അടക്കമുള്ള സൗകര്യങ്ങൾ എന്നിവയൊക്കെയുള്ള  ഇരട്ട ടവറിന്റെ നിര്‍മാണ പ്രവര്‍ത്തനങ്ങള്‍ 97 ശതമാനവും പൂര്‍ത്തിയായി. ഒക്ടോബര്‍-നവംബറോടെ ഇരട്ട ടവറുകള്‍ ഉദ്ഘാടനം ചെയ്യാനാകുമെന്നാണ് പ്രതീക്ഷിക്കുന്നത്. 153 മീറ്ററാണ് ടവറിന്റെ ഉയരം. മുപ്പതിനായിരം ഐ.ടി പ്രൊഫഷണലുകള്‍ക്ക് ജോലി ചെയ്യാന്‍ പറ്റുന്ന സ്‌പേസാണ് ഇവിടെ ഒരുക്കിയിട്ടുള്ളത്. 1,400 കോടി രൂപയാണ് പദ്ധതിയുടെ ചെലവ്. മള്‍ട്ടിനാഷണല്‍ കമ്പനികള്‍ പലതും ഇതിനകം തന്നെ ഇവിടെ വർക്കിങ് സ്പേസ് ബുക്ക് ചെയ്തിട്ടുണ്ട്. 2,000ത്തോളം സീറ്റുകളുള്ള ഫുഡ് കോര്‍ട്ട്, കുട്ടികള്‍ക്കായുള്ള ക്രഷ് സൗകര്യം,…