Author: News Desk

ഇലക്ട്രിക് വാഹന രംഗത്ത് വമ്പൻ നിക്ഷേപങ്ങളുമായി ചെന്നൈ ആസ്ഥാനമായുള്ള വാണിജ്യ വാഹന നിർമാതാക്കളായ അശോക് ലെയ്‌ലാൻഡ്. ലെയ്‌ലാൻഡിന്റെ ഇലക്ട്രിക് മൊബിലിറ്റി അനുബന്ധ സ്ഥാപനമായ സ്വിച്ച് മൊബിലിറ്റിയുടെ ഹോൾഡിംഗ് കമ്പനിയായ ഒപ്റ്റെയർ പി‌എൽ‌സിയിൽ (Optare PLC) 500 കോടി രൂപ നിക്ഷേപിക്കുമെന്ന് കമ്പനി പ്രഖ്യാപിച്ചു. 2025 സാമ്പത്തിക വർഷത്തിന്റെ അവസാന പാദത്തിൽ നിക്ഷേപം നടത്താനാണ് പദ്ധതി. ഹിന്ദുജ ഫിനാൻസിന്റെ മൂലധന പര്യാപ്തതാ ആവശ്യങ്ങൾ നിറവേറ്റുന്നതിനായി കമ്പനി 200 കോടി രൂപ ഹിന്ദുജ ഫിനാൻസിൽ നിക്ഷേപിക്കുമെന്നും അശോക് ലെയ്‌ലാൻഡ് പ്രതിനിധി വെളിപ്പെടുത്തി. അധിക ഫണ്ടിംഗിലൂടെ സ്വിച്ച് മൊബിലിറ്റിയുടെ നിലവിലുള്ള മൂലധന ചെലവുകൾക്കും വിപുലീകരണ പദ്ധതികൾക്കും പിന്തുണ നൽകുകയാണ് ലക്ഷ്യം. കഴിഞ്ഞ വർഷം സ്വിച്ച് മൊബിലിറ്റിയിലേക്ക് അശോക് ലെയ്‌ലാൻഡ് 1,200 കോടി രൂപയുടെ ഇക്വിറ്റി ഇൻഫ്യൂഷൻ അനുവദിച്ചിരുന്നു. അശോക് ലെയ്‌ലാൻഡിന്റെ ഇലക്ട്രിക് വാഹന വിഭാഗമായ സ്വിച്ച് മൊബിലിറ്റി 2025 സാമ്പത്തിക വർഷത്തിന്റെ മൂന്നാം പാദത്തിൽ 1,800ലധികം ഇലക്ട്രിക് ബസുകളുടെ ഓർഡറുകളാണ് നേടിയത്. മൗറീഷ്യസിൽ നിന്നുള്ള 100…

സുപ്രധാന റിയൽ എസ്റ്റേറ്റ് ഇടപാടിൽ മുംബൈയിൽ 423.38 കോടി രൂപയുടെ ഭൂമി ഏറ്റെടുത്ത് ബഹുരാഷ്ട്ര റിയൽ എസ്റ്റേറ്റ് ഡെവലപ്പർമാരായ ശോഭ ലിമിറ്റഡ് (Sobha Limited). ലാൻഡ്മാർക്ക് ഡെവലപ്പേർസുമായി ചേർന്ന് മുംബൈയിലെ പരേലിലുള്ള ജെർബായ് വാഡിയ റോഡിലാണ് ശോഭ ലിമിറ്റഡ് 2.11 ഏക്കർ ഭൂമി ഏറ്റെടുത്തിരിക്കുന്നത്. 2025 ജനുവരി 23ന് ആയിരുന്നു കരാർ റജിസ്റ്റർ ചെയ്തത്. ശോഭ റിയാൽറ്റേർസിന്റെ ഭൂമി ഏറ്റെടുക്കൽ പ്രൈം സെൻട്രൽ മുംബൈ പ്രദേശത്തെ പ്രീമിയം റെസിഡൻഷ്യൽ, വാണിജ്യ ഇടങ്ങളുടെ പുനർവികസനത്തിലും വിപുലീകരണത്തിലും പ്രധാന ചുവടുവയ്പ്പാണെന്ന് റിയൽ എസ്റ്റേറ്റ് ഡാറ്റാ അനലിറ്റിക്സ് സ്ഥാപനമായ സിആർഇ മാട്രിക്സ് പങ്കിട്ട ഡാറ്റ വിലയിരുത്തുന്നു. പ്രോപ്പർട്ടി റജിസ്ട്രേഷൻ രേഖകൾ പ്രകാരം രണ്ട് ഡെവലപ്പർമാരും വ്യത്യസ്ത ഓഹരികളാണ് നേടിയിരിക്കുന്നത്. ലാൻഡ്മാർക്ക് ഡെവലപ്പേഴ്‌സ് 212.05 കോടി രൂപ വിലമതിക്കുന്ന 10,953 ചതുരശ്ര മീറ്റർ ഫ്രീ-സെയിൽ ഘടകവും ശോഭ ലിമിറ്റഡ് 211.32 കോടി രൂപ വിലമതിക്കുന്ന 21,621.24 ചതുരശ്ര മീറ്റർ ഭൂമിയും ആണ് സ്വന്തമാക്കിയത്. Landmark Developers and…

2025 ഫോർബ്‌സ് ഇന്ത്യ 30 അണ്ടർ 30 പട്ടികയിൽ ഇടംപിടിച്ച് നടി അപർണ ബാലമുരളി. സാങ്കേതിക വിദ്യ, ധനകാര്യം, കല, കായികം, വിനോദം എന്നിങ്ങനെ മുപ്പത് മേഖലകളിലെ മുപ്പത് വയസ്സിൽ താഴെയുള്ള മികച്ച സംരംഭകരേയും യുവതീ യുവാക്കളേയുമാണ് ഫോർബ്സ് 30 അണ്ടർ 30യിലൂടെ തിരഞ്ഞെടുത്തത്. വിനോദവ്യവസായത്തിന് നൽകിയ സംഭാവനകളാണ് അപർണയെ നേട്ടത്തിലെത്തിച്ചത്. 29 വയസ്സിനുള്ളിൽ ദേശീയ പുരസ്കാര നേട്ടങ്ങൾ അടക്കം സ്വന്തമാക്കിയ താരമാണ് അപർണ. ധനുഷ് നായകനായ തമിഴ് ചിത്രം രായൻ, ആസിഫ് അലിക്കൊപ്പം അഭിനയിച്ച കിഷ്കിന്ധാ കാണ്ഡം എന്നീ ചിത്രങ്ങളിലെ പ്രകടനവും മുൻനിർത്തിയാണ് അപർണ ഫോർബ്‌സ് ഇന്ത്യ 30 അണ്ടർ 30 പട്ടികയിൽ ഇടംപിടിച്ചിരിക്കുന്നത്. ഫോർബ്സ് ഇന്ത്യയുടെ സോഷ്യൽ മീഡിയ ഹാൻഡിൽ വഴിയാണ് പുരസ്കാര വാർത്ത പങ്കിട്ടിരിക്കുന്നത്. അഭിനയപ്രാധാന്യമുള്ള വേഷങ്ങളിലൂടെ തെന്നിന്ത്യയിൽ വൻ ജനപ്രീതി നേടിയ താരമായ അപർണ അടുത്തിടെ രാജ്.ബി.ഷെട്ടി നായകനായ രുധിരത്തിലൂടെ ശ്രദ്ധേയ പ്രകടനം കാഴ്ചവെച്ചിരുന്നു. കേരളത്തിൽ നിന്നുള്ള സ്റ്റാർട്ടപ്പ് ആയ ഫ്യൂസെലേജ് ഇന്നൊവേഷൻസ് (Fuselage…

പ്രധാനമന്ത്രി നരേന്ദ്ര മോഡിയുമായി കൂടിക്കാഴ്ച്ച നടത്തി ഗൂഗിൾ സിഇഒ സുന്ദർ പിച്ചൈ. പാരീസിൽ നടന്ന ആർട്ടിഫിഷ്യൽ ഇന്റലിജൻസ് ഉച്ചകോടിയിലാണ് ഇരുവരും കൂടിക്കാഴ്ച നടത്തിയത്. ഇന്ത്യയുടെ ഡിജിറ്റൽ പരിവർത്തനം എന്ന വിഷയത്തിൽ ഇരുവരും ചർച്ച നടത്തി. കൂടിക്കാഴ്ചയുടെ ചിത്രങ്ങളും കുറിപ്പും സുന്ദർ പിച്ചൈ സമൂഹമാധ്യമങ്ങളിൽ പങ്കു വെച്ചിട്ടുണ്ട്. ഇന്ത്യയുടെ ഡിജിറ്റൽ രംഗത്തെ വളർച്ചയിൽ എഐ പ്രധാന പങ്കുവഹിക്കുന്നതായും നിർമിത ബുദ്ധിക്ക് ഇന്ത്യയിലേക്ക് അതിശയകരമായ അവസരങ്ങളും മാറ്റങ്ങളും കൊണ്ടുവരാൻ കഴിയുമെന്നും ഇരുവരും ചർച്ചയിൽ വിലയിരുത്തി. സമൂഹ മാധ്യമമായ എക്‌സിൽ പങ്കുവെച്ച മോഡിയുമായുള്ള കൂടിക്കാഴ്ചയുടെ ചിത്രത്തിനൊപ്പം സുന്ദർ പിച്ചൈ ഇങ്ങനെ കുറിച്ചു-‘പാരീസിൽ നടക്കുന്ന എഐ ഉച്ചകോടിയ്ക്കിടെ പ്രധാനമന്ത്രി നരേന്ദ്ര മോഡിയുമായി കൂടിക്കാഴ്ച്ച നടത്താൻ കഴിഞ്ഞത് ഏറെ ആഹ്‌ളാദകരമായ അനുഭവമായി. നിർമിത ബുദ്ധിക്ക് ഇന്ത്യയിലേക്കു കൊണ്ടു വരാൻ കഴിയുന്ന അവിശ്വസനീയമായ അവസരങ്ങളെക്കുറിച്ചും ഇന്ത്യയുടെ ഡിജിറ്റൽ പരിവർത്തനത്തിൽ ഗൂഗിളുമായി എങ്ങനെ സഹകരിച്ച് പ്രവർത്തിക്കാമെന്നും ഞങ്ങൾ പരസ്പരം സംസാരിച്ചു’. രാഷ്ട്രത്തലവന്മാരും ആഗോള ടെക് സിഇഒമാരും പങ്കെടുത്ത എഐ ഉച്ചകോടിയിൽ ഫ്രഞ്ച്…

യൂട്യൂബ് ഷോയായ ഇന്ത്യാസ് ഗോട്ട് ലേറ്റന്റിൽ കേരളത്തെക്കുറിച്ചുള്ള അധിക്ഷേപകരമായ പരാമർശവുമായി സ്റ്റാൻഡ് അപ്പ് കൊമേഡിയൻ ജസ്പ്രീത് സിംഗ്. ജസ്പ്രീത് പരിപാടിയുടെ ഇടയ്ക്ക് കേരളത്തെ പരിഹസിക്കുന്ന വീഡിയോ സമൂഹ മാധ്യമങ്ങളിൽ വൻ വിമർശനമാണ് ഏറ്റുവാങ്ങുന്നത്. ഇന്ത്യാസ് ഗോട്ട് ലേറ്റന്റിൽ കേരളത്തിൽ നിന്നുള്ള മത്സരാർത്ഥിയോട് രാഷ്ട്രീയ ചായ്വിനെക്കുറിച്ച് ചോദ്യമുണ്ടായി. താൻ രാഷ്ട്രീയം ശ്രദ്ധിക്കാറില്ലെന്നും ഇന്നുവരെ വോട്ട് ചെയ്തിട്ടില്ലെന്നുമായിരുന്നു മത്സരാർത്ഥിയുടെ മറുപടി. ഇതോടെയാണ് ഷോയിലെ ജഡ്ജായ ജസ്പ്രീത് ‘കേരള സാർ, നൂറ് ശതമാനം സാക്ഷരത സാർ’ എന്ന് പരിഹാസരൂപേണ പറഞ്ഞത്. ജസ്പ്രീത് സിംഗ് കേരളത്തെ പരിഹസിക്കുന്ന വീഡിയോ ഇതോടെ എക്സ് പ്ലാറ്റ്ഫോമിൽ വൈറലാവുകയായിരുന്നു. ഇതിനുപിന്നാലെ മലയാളികളിൽ നിന്ന് അദ്ദേഹത്തിന് വലിയ പ്രതിഷേധമാണ് നേരിടേണ്ടി വരുന്നത്. ജസ്പ്രീതിന്റെ പരാമർശം അധിക്ഷേപകരവും അപമാനകരവുമാണെന്ന് നെറ്റിസൺസ് വിശേഷിപ്പിച്ചു. ‘നോർത്ത് ഇന്ത്യൻ സാർ, ഞങ്ങൾക്ക് കണ്ടൻ്റ് ഇല്ല സാർ. ഞങ്ങൾ കേരള സിനിമകൾ റീമേക്ക് ചെയ്യും സാർ’ എന്നിങ്ങനെ നിരവധി പരിഹാസ കമന്റുകളാണ് ജസ്പ്രീതിന്റെ പരാമർശത്തിന് മറുപടിയായി വരുന്നത്. ഇതേ ഷോയിലെ…

ഷാരൂഖിനൊപ്പം അഭിനയ അരങ്ങേറ്റം, ബോളിവുഡിൽ നിന്നും പിന്തിരിയൽ, മടങ്ങിവരവ്…ഇങ്ങനെ സംഭവബഹുലമാണ് സഞ്ജയ് മിശ്ര എന്ന നടന്റെ ജീവിതം. ഇന്ന് ഇന്ത്യൻ സിനിമയിലെ ഏറ്റവും മികച്ച അഭിനേതാക്കളിൽ ഒരാളാണ് സഞ്ജയ് മിശ്ര. നാഷണൽ സ്കൂൾ ഓഫ് ഡ്രാമയിൽ നിന്നും അഭിനയം പഠിച്ചിറങ്ങിയ സഞ്ജയ് ആദ്യകാലത്ത് ടെലിവിഷൻ സീരിയലുകളിലും പരസ്യങ്ങളിലും അഭിനയിച്ചു. 1995ൽ ഷാരൂഖ് ഖാൻ നായകനായ ചിത്രത്തിലൂടെയായിരുന്നു അദ്ദേഹത്തിന്റെ ബോളിവുഡ് അരങ്ങേറ്റം. പിന്നീട് രാജ്കുമാർ, സത്യ, ദിൽസെ തുടങ്ങിയ ചിത്രങ്ങളിലും അദ്ദേഹം മുഖം കാണിച്ചു. അക്കാലത്ത് ഓഫീസ്-ഓഫീസ് എന്ന ടിവി സിറ്റ്കോമിലെ പ്രകടനത്തിലൂടെ അദ്ദേഹം ശ്രദ്ധിക്കപ്പെട്ടു. തുടർന്നു കുറച്ചുകാലം അദ്ദേഹം ടെലിവിഷൻ രംഗത്ത് മാത്രം ശ്രദ്ധ കേന്ദ്രീകരിച്ചു. 2006ൽ ഗോൽമാൽ എന്ന ചിത്രമാണ് സിനിമാരംഗത്ത് സഞ്ജയ് മിശ്രയ്ക്ക് വഴിത്തിരിവായത്. തുടർന്ന് വെൽക്കം, ധമാൽ, ഗുരു, ഗോൽമാൽ റിട്ടേൺസ് എന്നിങ്ങനെ നിരവധി ചിത്രങ്ങളിൽ അദ്ദേഹം നല്ല വേഷങ്ങൾ ചെയ്തു. ആയിടയ്ക്കാണ് അദ്ദേഹത്തിന്റെ പിതാവിന്റെ മരണം സംഭവിച്ചത്. പിതാവിന്റെ മരണം തന്നെ പ്രത്യേക രീതിയിൽ സ്വാധീനിച്ചതായി…

ബോളിവുഡിലെ ബഹുമുഖ പ്രതിഭ എന്നാണ് ഫർഹാൻ അക്തർ അറിയപ്പെടുന്നത്. സംവിധാനം, അഭിനയം, സംഗീതം, പാട്ടെഴുത്ത് എന്നിങ്ങനെ സിനിമാരംഗത്തെ വിവിധ മേഖലകളിൽ താരം സജീവമാണ്. നിർമാണരംഗത്തും വേരുറപ്പിച്ച താരത്തിന് സ്വന്തം നിർമാണ കമ്പനിയും ഉണ്ട്. സിനിമാ രംഗത്തിനു പുറമേ നിരവധി നിക്ഷേപങ്ങളിലൂടെയും 150 കോടിയോളം രൂപയാണ് താരത്തിന്റെ സമ്പാദ്യം. 2001ൽ ദിൽ ചഹ്താ ഹേ എന്ന ചിത്രത്തിലൂടെ സിനിമാരംഗത്തെത്തിയ ഫർഹാൻ അതിനുമുൻപ് തന്നെ റിതേഷ് സിദ്വാനിയുമായി ചേർന്ന് എക്സൽ എന്റർടെയ്ൻമെന്റ് എന്ന സിനിമാ നിർമാണ സംരംഭം ആരംഭിച്ചിരുന്നു. മിർസാപൂർ, ദിൽ ദഡക്നേ ദോ, മെയ്ഡ് ഇൻ ഹെവൻ തുടങ്ങി നിരവധി ചിത്രങ്ങളും വെബ് ഷോകളും കമ്പനി നിർമിച്ചു. ബ്രാൻഡ് ഐക്കൺ എന്ന നിലയിലും മികച്ച സമ്പാദ്യം ഫർഹാൻ ഉണ്ടാക്കുന്നു. Nu Republic, Titan Xylys, VIVO, Park Avenue, Abil Group, IndusInd Bank, Amway India തുടങ്ങി നിരവധി ബ്രാൻഡുകളുടെ മുഖമാണ് ഫർഹാൻ. സമൂഹ മാധ്യമങ്ങളിലൂടെയും താരം വൻ തുക ബ്രാൻഡിങ്ങിലൂടെ…

ട്രാന്‍സ്ഫ്യൂഷന്‍ സേവനങ്ങളിലെ പ്രധാന വെല്ലുവിളിയായ അനുയോജ്യമായ രക്തം കണ്ടെത്താനുള്ള ബുദ്ധിമുട്ടിന് പരിഹാരമായി അപൂര്‍വ രക്തദാതാക്കളെ തിരിച്ചറിയാനുള്ള റെയര്‍ ബ്ലഡ് ഡോണര്‍ രജിസ്ട്രി കേരളം പുറത്തിറക്കി. രാജ്യത്താകെ വ്യാപിപ്പിക്കുകയാണ് കേരള മോഡല്‍ റെയര്‍ ബ്ലഡ് ഡോണര്‍ രജിസ്ട്രി . നിരവധി ആന്റിജനുകള്‍ പരിശോധിച്ച ശേഷമാണ് കേരള ബ്ലഡ് ട്രാന്‍സ്ഫ്യൂഷന്‍ കൗണ്‍സില്‍ അപൂര്‍വ രക്തദാതാക്കളുടെ രജിസ്ട്രി സജ്ജമാക്കിയത്. ഉടന്‍ തന്നെ രജിസ്ട്രിയുടെ സേവനം സംസ്ഥാനത്താകെ ലഭ്യമാക്കും. കൊച്ചിയില്‍ എല്ലാ സംസ്ഥാനങ്ങളിലേയും പ്രതിനിധികള്‍ പങ്കെടുത്ത ബ്ലഡ് ട്രാന്‍സ്ഫ്യൂഷന്‍ സര്‍വീസിന്റെ ദേശീയ കോണ്‍ക്ലേവിലാണ് റെയര്‍ ബ്ലഡ് ഡോണര്‍ രജിസ്ട്രി പ്രകാശനം ചെയ്തതത്. കേരള മോഡല്‍ റെയര്‍ ബ്ലഡ് ഡോണര്‍ രജിസ്ട്രി രാജ്യത്താകെ വ്യാപിപ്പിക്കുമെന്ന് കേന്ദ്ര ബ്ലഡ് ട്രാന്‍സ്ഫ്യൂഷന്‍ സര്‍വീസസ് ഡയറക്ടര്‍ അറിയിച്ചിട്ടുണ്ട്. തിരുവനന്തപുരം, കോട്ടയം, തൃശൂര്‍, കോഴിക്കോട് സര്‍ക്കാര്‍ മെഡിക്കല്‍ കോളേജുകളെ ഏകോപിപ്പിച്ചാണ് ഈ പദ്ധതി പൂര്‍ത്തിയാക്കിയത്. കേരള സ്റ്റേറ്റ് ബ്ലഡ് ട്രാന്‍സ്ഫ്യൂഷന്‍ കൗണ്‍സില്‍ തിരുവനന്തപുരം സര്‍ക്കാര്‍ മെഡിക്കല്‍ കോളേജ് രക്ത ബാങ്കിനെ സ്റ്റേറ്റ് നോഡല്‍ സെന്ററായി…

ആഗോള തലത്തിൽ വിമാന യാത്രികരുടെ എണ്ണം ദിനംപ്രതി കൂടിക്കൊണ്ടിരിക്കുകയാണ്. ലോകത്തെ ഏറ്റവും തിരക്കേറിയ പത്ത് വിമാനത്താവളങ്ങൾ ഏതെല്ലാമാണെന്ന് നോക്കാം. 1. ദുബായ് രാജ്യാന്തര വിമാനത്താവളംലോകത്തെ ഏറ്റവും തിരക്കേറിയ വിമാനത്താവളം ദുബായ് രാജ്യാന്തര വിമാനത്താവളമാണ്. ലോകത്തിന്റെ നാനാഭാഗങ്ങളിൽ നിന്നുള്ള ദശലക്ഷ കണക്കിന് യാത്രക്കാരാണ് ദുബായ് എയർപോർട്ടിലൂടെ ഓരോ മാസവും യാത്ര ചെയ്യുന്നത്. 92.3 ദശലക്ഷം യാത്രക്കാരാണ് ദുബായ് എയർപോർട്ട് വഴി കഴിഞ്ഞ വർഷം യാത്ര ചെയ്തത്. 2. ലണ്ടൻ ഹീത്രു എയർപോർട്ട്കഴിഞ്ഞ വർഷം 83.9 ദശലക്ഷം  യാത്രക്കാർ യാത്ര ചെയ്ത ലണ്ടൻ ഹീത്രു വിമാനത്താവളമാണ് ഏറ്റവും തിരക്കേറിയ രണ്ടാമത്തെ വിമാനത്താവളം. ബ്രിട്ടീഷ് എയർവേസിന്റെ ആസ്ഥാനമാണ് എന്നതാണ് ഹീത്രു എയർപോർട്ടിൽ തിരക്കേറാൻ കാരണം. 3. സിയോൾ ഇഞ്ചിയോൺ എയർപോർട്ട്ദക്ഷിണ കൊറിയയുടെ തലസ്ഥാനമായ സിയോളിലെ ഇഞ്ചിയോൺ എയർപോർട്ട് വഴി 70 മില്യൺ പേരാണ് യാത്ര ചെയ്തത്. എഷ്യ, യൂറോപ്, അമേരിക്കൻ ഭൂഖണ്ഡങ്ങൾ എന്നിവയെ ബന്ധിപ്പിക്കുന്ന പ്രധാന വിമാനത്താവളമാണിത്. 4. സിംഗപ്പൂർ ചാങ്കി അന്താരാഷ്ട്ര വിമാനത്താവളം67.7 മില്യൺ…

കർണ്ണാടയിൽ ദീർഘകാല പദ്ധതികളിൽ നിക്ഷേപിക്കാൻ മഹീന്ദ്ര ഗ്രൂപ്പ് ഒരുങ്ങുന്നു. റിന്യൂവബിൾ എനർജി, എയ്റോസ്പേസ്, ഹോസ്പിറ്റാലിറ്റി, റിയൽ എസ്റ്റേറ്റ് സെക്ടറുകളിൽ ആണ് നിക്ഷേപം നടത്തുക. ഏതാണ് 40,000 കോടി രൂപ നിക്ഷേപിക്കാനാണ് ലക്ഷ്യമിടുന്നതെന്ന് ചെയർമാൻ ആനന്ദ് മഹീന്ദ്ര പറഞ്ഞു. ഇൻവെസ്റ്റ് കർണ്ണാടക സമ്മിറ്റിലാണ് ആനന്ദ് മഹീന്ദ്ര വലിയ നിക്ഷേപ പ്രഖ്യാപനം നടത്തിയത്. കർണ്ണാടകയിൽ ദീർഘകാല പദ്ധതികളിൽ നിക്ഷേപിക്കാൻ സന്തോഷമേയുള്ളുവെന്ന് ആനന്ദ് മഹീന്ദ്ര പറഞ്ഞു. മഹീന്ദ്രയുടെ പുനരുപയോഗ ഊർജ്ജ മേഖലയിൽ കർണ്ണാടക പ്രധാന പങ്കാണ് വഹിക്കുന്നതെന്ന് അദ്ദേഹം പറഞ്ഞു. റിന്യൂബിൾ ഊർജ്ജ രംഗത്തെ മഹീന്ദ്രയുടെ കമ്പനിയായ Mahindra Susten (മഹീന്ദ്ര സസ്റ്റൻ) കർണ്ണാടകയിൽ 5 ഗിഗാവാട്ട് ശേഷിയുള്ള സോളാർ, ഹൈബ്രിഡ് പദ്ധതികൾ നിർമ്മിക്കുമെന്ന് ആനന്ദ് വ്യക്തമാക്കി. 8000-ത്തോളം തൊഴിലവസരങ്ങൾ സൃഷ്ടിക്കുമെന്നും അദ്ദേഹം വ്യക്തമാക്കി. കർണ്ണാടകയിൽ ഇതിനകം മികവ് തെളിയിച്ച മഹീന്ദ്ര ഹോളിഡെയ്സ് കൂടുതൽ റിസോർട്ടുകൾ സംസ്ഥാനത്ത് തുറക്കുമെന്നും അദ്ദേഹം പറഞ്ഞു. ഹോസ്പിറ്റാലിറ്റി രംഗത്ത് 1000 കോടി നിക്ഷേപിക്കാനാണ് ലക്ഷ്യമെന്നും അദ്ദേഹം കൂട്ടിച്ചേർത്തു. Mahindra Group…