Author: News Desk

ലോകത്തിലെ ഏറ്റവും വലിയ കായിക മാമാങ്കമായ ഒളിമ്പിക്സിന്റെ വേദിയിൽ തന്നെയാണ് കായികപ്രേമികളുടെ കണ്ണും മനസും. വര്ഷങ്ങളുടെ പ്രയത്നവും കഠിനാധ്വാനവുമൊക്കെയായി ഈ വേദിയിലേക്ക് എത്തുന്ന എല്ലാവരും മെഡൽ നേടാറില്ല. ഏറ്റവും വലിയ കായിക വേദിയിൽ മത്സരിക്കാനുള്ള അഭിനിവേശത്താൽ ഇവിടെയെത്തുന്ന കായിക താരങ്ങളിൽ പലർക്കും മെഡലിന്റെ തിളക്കം ഇല്ലെങ്കിലും ലോകമെമ്പാടുമുള്ള മനുഷ്യർക്ക് പ്രചോദനമാകാൻ കഴിയുന്ന ഒരു കഥ പറയാൻ ഉണ്ടാവും. അത്തരം ചില നല്ല നിമിഷങ്ങൾ കൂടി നമുക്ക് സമ്മാനിക്കുന്നുന്നുണ്ട് ഇത്തവണത്തെ പാരീസ് ഒളിമ്പിക്‌സും. യയ്‌ലാഗുൽ റമസനോവ(അസർബൈജാൻ അമ്പെയ്ത്ത്) പാരീസ് ഒളിമ്പിക്സിന്റെ വേദിയിലും എല്ലാ പ്രതിസന്ധികളെയും തരണം ചെയ്തുവന്ന ചിലർ ഉണ്ടായിരുന്നു. അതിൽ ഒരാൾ ആണ് യയ്‌ലാഗുൽ റമസനോവ. 34 കാരിയായ റമസനോവ ആറര മാസം ഗർഭിണിയാണ് പാരീസ് ഒളിമ്പിക്‌സിന്റെ വേദിയിലേക്ക് പോയത്.  കണ്ണട ധരിച്ചുകൊണ്ട് ആണ്  റമസനോവ വനിതകളുടെ വ്യക്തിഗത റികർവ് അമ്പെയ്ത്ത് ഇനത്തിൽ മത്സരിച്ചത്. 2016 ൽ റിയോ ഗെയിംസിൽ പങ്കെടുത്ത സ്വഹാബിയായ ഓൾഗ സെൻയുക്കിന് ശേഷം ഒളിമ്പിക് കട്ട് നേടുന്ന…

ഇന്ത്യയിലെ മാത്രമല്ല ഏഷ്യയിലെ തന്നെ ഏറ്റവും വലിയ ധനികനാണ് മുകേഷ് അംബാനി. അദ്ദേഹം നേതൃത്ത്വം നൽകുന്ന റിലയൻസ് ഇൻഡസ്ട്രീസ് രാജ്യത്തെ ഏറ്റവും വിപണി മൂല്യം കൂടിയ കമ്പനിയും. മുകേഷ് അംബാനിയുടെ പിതാവായ ധീരുഭായ് അംബാനി സ്ഥാപിച്ചതാണ് റിലയൻസ് ഇൻഡസ്ട്രീസ്. ധീരുഭായ് അംബാനിയുമായി ബന്ധപ്പെട്ട് ഉയർന്നു കേൾക്കുന്ന ഒരു പേരാണ് ആനന്ദ് ജെയിൻ എന്ന വ്യക്തിയുടേത്. ധീരുഭായിയുടെ ‘മൂന്നാമത്തെ മകൻ എന്ന വിളിപ്പേരിലാണ് അദ്ദേഹം അറിയപ്പെടുന്നത്. അത്രയ്ക്കും ദൃഢമായ ഒരു ബന്ധം ആനന്ദിന് അംബാനി കുടുംബവുമായിട്ടുണ്ട്. 1975ൽ ജനിച്ച ജെയിൻ ഇന്ന് ജയ് കോർപ് ലിമിറ്റഡ് എന്ന കമ്പനിയുടെ ചെയർമാനാണ്. മൂന്ന് പതിറ്റാണ്ടിലധികമായുള്ള ബിസിനസ് അനുഭവ സമ്പത്തുള്ള വ്യക്തിയാണ് ജെയിൻ. റിയൽ എസ്റ്റേറ്റ്, ഫിനാൻസ്, ക്യാപിറ്റൽ മാർക്കറ്റ്സ് എന്നീ മേഖലകളിലാണ് അദ്ദേഹം പ്രവർത്തിച്ചിട്ടുള്ളത്. പൊതുവെ AJ എന്ന വിളിപ്പേരിൽ അറിയപ്പെടുന്ന ജെയിനിന് റിലയൻസ് ഇൻഡസ്ട്രീസുമായും, ചെയർമാൻ മുകേഷ് അംബാനിയുമായും അടുത്ത ബന്ധമാണുള്ളത്. മുംബൈയിലെ Hill Grange ഹൈസ്കൂൾ പഠനകാലം മുതൽ ഇരുവരും സുഹൃത്തുക്കളുമാണ്.…

അഞ്ചാം പ്രാവശ്യം പ്രധാനമന്ത്രിയായിരിക്കെയാണ് ഹസീന ഷെയ്ഖ്, അഭയം തേടി ചെറിയൊരു ഹെലികോപ്റ്ററിൽ ഇന്ത്യയിലെത്തിയിരിക്കുന്നത്. ബംഗ്ലാദേശിലെ സംവരണ–സർക്കാർ വിരുദ്ധ പ്രക്ഷോഭം ഷെയ്ഖ് ഹസീനയുടെ രാജിയിൽ കലാശിക്കുകയായിരുന്നു. പിന്നാലെ രാജ്യത്തിന്റെ നിയന്ത്രണം സൈന്യം ഏറ്റെടുത്തു. സമരത്തിൽ അണിചേരാൻ സർക്കാർ, സ്വകാര്യ ജീവനക്കാരും ആഹ്വാനം ചെയ്തതോടെ ഓഫിസുകളുടെ പ്രവർത്തനം നിലച്ചു. പ്രധാനമന്ത്രി ചർച്ചയ്ക്കു വിളിച്ചെങ്കിലും പ്രക്ഷോഭകർ തയാറായില്ല. വിദ്യാർഥികളല്ല, ഭീകരരാണു പ്രക്ഷോഭത്തിനു പിന്നിലെന്നും ഉരുക്കുമുഷ്ടി ഉപയോഗിച്ച് അടിച്ചമർത്തുമെന്നും ഹസീന പ്രഖ്യാപിച്ചു. പിന്നാലെ പാർട്ടി പ്രവർത്തകർ രംഗത്തിറങ്ങി. ഇതോടെ രാജ്യമാകെ കലാപം ആളിപ്പടർന്നു. ഹസീനയ്ക്കു രാജ്യം വിടേണ്ടിയും വന്നു. ഏറ്റവും കൂടുതൽ കാലം ബംഗ്ലദേശിന്റെ പ്രധാനമന്ത്രിയായിരുന്ന വ്യക്തിയാണു 76 വയസ്സുള്ള ഷെയ്ഖ് ഹസീന. പലപ്പോഴായി 19 വധശ്രമങ്ങള്‍ അതിജീവിച്ച വനിത. എതിരാളികളെ അടിച്ചമർത്തുന്ന നേതാവ് എന്നാണ് ഹസീനയെ അറിയപ്പെടുന്നത്. പക്ഷെ ഈ ഉരുക്കുവനിതയ്ക്ക് ഇപ്പോഴത്തെ പ്രക്ഷോഭത്തിനു മുന്നിൽ പിടിച്ചുനിൽക്കാനായില്ല. ബംഗ്ലദേശ് രാഷ്ട്രപിതാവ് ഷെയ്ഖ് മുജീബുർ റഹ്മാന്റെയും ബീഗം ഫാസില തുന്നീസയുടെയും മകളാണ് ഹസീന. പഠനകാലത്തുതന്നെ സ്റ്റുഡന്റ്‌സ് ലീഗില്‍…

പത്ത് കോടിയുടെ മൺസൂൺ ബമ്പർ ലോട്ടറി നറുക്കെടുപ്പിൽ ഭാഗ്യം കടാക്ഷിക്കാത്തവർക്ക് മറ്റൊരു സുവർണാവസരം. കേരള സംസ്ഥാന ഭാഗ്യക്കുറി വകുപ്പിൻ്റെ കീഴിലുള്ള തിരുവോണം ബമ്പർ ലോട്ടറി നറുക്കെടുപ്പാണ് ഇനി വരാനിരിക്കുന്ന മറ്റൊരു ബമ്പർ നറുക്കെടുപ്പ്. 25 കോടി രൂപയാണ് ഓണം ബമ്പർ ലോട്ടറിയിലൂടെ ഒന്നാം സമ്മാനമായി ഭാഗ്യവാന് ലഭിക്കുക. 2024 ഒക്ടോബർ 9നാണ് ഓണം ബമ്പർ ലോട്ടറി നറുക്കെടുപ്പ്. ഓണം ബമ്പർ, വിഷു ബമ്പർ, മൺസൂൺ ബമ്പർ, ക്രിസ്മസ് – ന്യൂഇയർ ബമ്പർ, സമ്മർ ബമ്പർ, പൂജാ ബമ്പർ എന്നീ ബമ്പർ ടിക്കറ്റുകളാണ് കേരള സംസ്ഥാന ഭാഗ്യക്കുറി വകുപ്പ് പുറത്തിറക്കുന്നത്. ഇതിൽ ഏറ്റവുമധികം ആളുകൾ സ്വന്തമാക്കുന്ന ബമ്പർ ടിക്കറ്റാണ് ഓണം ബമ്പർ. ലക്ഷക്കണക്കിന് ടിക്കറ്റുകളാണ് ഓരോ വർഷവും വിറ്റഴിയുന്നത്. തമിഴ്നാട്ടിൽ നിന്നടക്കമുള്ളവർ ഓണം ബമ്പർ ടിക്കറ്റ് സ്വന്തമാക്കാൻ കേരളത്തിൽ എത്താറുണ്ട്. ഇത്തവണയും വിപുലമായ ഒരുക്കത്തോടെയാണ് ഓണം ബമ്പർ (ബിആർ 99) ടിക്കറ്റ് വിൽപ്പന. 25 കോടി രൂപയാണ് ഇക്കുറിയും ഒന്നാം സമ്മാനമായ ബമ്പർ…

പ്രകൃതി ദുരന്തത്തിൽ വിറങ്ങലിച്ചു നിൽക്കുന്ന വയനാട് ജനതക്ക് സാമ്പത്തിക സഹായം പ്രഖ്യാപിച്ച് യു.എ.ഇയിലെ ഇമാറാത്തി സഹോദരിമാർ. മലയാളം പറഞ്ഞ് സമൂഹമാധ്യമങ്ങളിൽ വൈറലായ നൂറയും മറിയയുമാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകിയത്. സംഭാവന നൽകിയ തുക ഇരുവരും വെളിപ്പെടുത്തിയിട്ടില്ല. മലയാളം സംസാരിച്ചുള്ള വിഡിയോകളിലൂടെയും റീലുകളിലൂടെയും ഇരുവരും മലയാളികൾക്ക് സുപരിചിതരാണ്. ഇവരുടെ വിഡിയോകൾക്ക് കേരളത്തിൽനിന്ന് വലിയ രീതിയിലുള്ള ഫോളോവേഴ്സുമുണ്ട്. അടുത്തിടെ പുറത്തിറങ്ങിയ നടൻ മമ്മൂട്ടി നായകനായ ടർബോ സിനിമ അറബിയിലേക്ക് മൊഴിമാറ്റം നടത്തിയപ്പോൾ പ്രധാന കഥാപാത്രങ്ങൾക്ക് ശബ്ദം നൽകിയത് ഇരുവരുമായിരുന്നു. മലയാളികളുടെ ആഘോഷപരിപാടികളിലും നിറസാന്നിധ്യമാണീ ഇമാറാത്തി സഹോദരിമാർ. കേരളത്തിലുണ്ടായ ദുരന്തത്തിൽ അതീവ ദുഃഖം രേഖപ്പെടുത്തിയ ഇരുവരും തങ്ങളാലാവുന്ന സാമ്പത്തിക സഹായം നൽകാൻ തീരുമാനിക്കുകയായിരുന്നു. പ്രവാസി സമൂഹവും വലിയ രീതിയിലുള്ള സാമ്പത്തിക സഹായം വയനാടിനായി പ്രഖ്യാപിക്കുന്നുണ്ട്. The Emarathi sisters, Noora and Marya, known for their Malayalam-speaking videos, have donated to the Chief Minister’s relief fund to…

കേരളത്തിൽ നിന്നും എയർ കേരള അടുത്ത വർഷമാദ്യം പറന്നുയരും. അതിനു തൊട്ടുപിന്നാലെ മറ്റൊരു വിമാന കമ്പനി കൂടി കേരളം ആസ്ഥാനമാക്കി പിറവിയെടുക്കുകയാണ്. ഗൾഫ് മേഖലയിലെ പ്രവാസികളുടെ യാത്രാക്ലേശം കുറയ്ക്കുക എന്ന ലക്ഷ്യത്തോടെ കേരളം ആസ്ഥാനമായ അൽ ഹിന്ദ് ഗ്രൂപ്പാണ് ഗൾഫ് സെക്ടർ ലക്ഷ്യമിട്ട് അൽ ഹിന്ദ് എയർ വിമാനക്കമ്പനി സ്ഥാപിക്കാനൊരുങ്ങുന്നത്. കേന്ദ്ര സർക്കാരിൽ നിന്നുള്ള വ്യോമയാന അനുമതികൾ നേടിയെടുക്കുന്ന തിരക്കിലാണ് അൽ ഹിന്ദ് ഗ്രൂപ്പ്. കമ്പനിയുടെ പ്രൊമോട്ടോറായ മൊഹമദ് ഹാരിസ് ദേശിയ മാധ്യമങ്ങളെ അറിയിച്ചതാണികാര്യം. തുടക്കത്തിൽ 20 വിമാനങ്ങൾ ഉപയോഗിച്ച് കമ്പനി ആഭ്യന്തര, ഗൾഫ് മേഖലയിലേക്കാകും വിമാന സർവീസുകൾ നടത്തുക. ആഭ്യന്തര സർവീസുകൾക്ക് എടിആർ, രാജ്യാന്തര സർവീസുകൾക്ക് എയർ ബസിന്റെ എ320 വിമാനങ്ങൾ എന്നിവ എത്തിക്കും. വിമാനക്കമ്പനിക്ക് വ്യോമയാന മന്ത്രാലയത്തിന്റെ സുരക്ഷാ അനുമതി ലഭിച്ചുകഴിഞ്ഞു. കേന്ദ്ര വ്യേമയാന മന്ത്രാലയത്തിൽ നിന്ന് അന്തിമ പ്രവർത്തനാനുമതി (No Obection Certificate) ലഭിക്കണം. ഡയറക്ടറേറ്റ് ജനറൽ ഓഫ് സിവിൽ ഏവിയേഷനിൽ നിന്ന് എയർ ഓപ്പറേറ്റർ സർട്ടിഫിക്കറ്റ്…

വയനാട് മുണ്ടക്കൈ, ചൂരൽമല ഉരുൾ പൊട്ടലിനെ അതിജീവിച്ച മനുഷ്യരെ സഹായിക്കാനായി സാലറി ചാലഞ്ചുമായി സർക്കാർ. ജീവനക്കാരുടെ അഞ്ചുദിവസത്തിന് മുകളിലുള്ള ശമ്പളമാണ് സർക്കാർ ലക്ഷ്യമിടുന്നത്. ഇതുസംബന്ധിച്ച നിർദേശം സർക്കാർ സർവീസ് സംഘടനകളുടെ മുന്നിൽ വെച്ചിട്ടുണ്ട്. സംഘടനകളുമായി സമവായത്തിലെത്തിയാൽ ദുരിതാശ്വാസ നിധിയിലേക്ക് സർക്കാർ ജീവനക്കാരുടെ ശമ്പളം പിടിക്കും. വയനാടിനു വേണ്ടി ജീവനക്കാരുടെ 5 ദിവസത്തെ ശമ്പളം പിടിച്ചാൽ ദുരിതാശ്വാസ നിധിയിലെത്തുക 565 കോടി രൂപയാണ് എന്നാണ് കണക്കുകൾ. 10 ദിവസത്തെ ശമ്പളം ആണ് പിടിക്കുന്നതെങ്കിൽ 1130 കോടി ദുരിതാശ്വാസ നിധിയിൽ എത്തും. പത്ത് ദിവസത്തെ ശമ്പളം നൽകേണ്ടിവരുമെന്നാണ് മുഖ്യമന്ത്രി സർവീസ് സംഘടനകളുടെ യോഗത്തില്‍ അറിയിച്ചത്. എന്നാൽ അഞ്ച് ദിവസത്തെ ശമ്പളം നൽകാമെന്നാണ് സർവീസ് സംഘടനകൾ ധാരണയിലെത്തിയത്. ശമ്പള വിഹിതം നിർബന്ധമാക്കി ഉത്തരവിടരുതെന്നും സർവ്വീസ് സംഘടനകൾ ആവശ്യപ്പെട്ടിട്ടുണട്. താല്പര്യമുള്ളവരിൽ നിന്ന് തുക ഈടാക്കണമെന്നും ഗഡുക്കളായി നൽകാൻ അവസരം ഒരുക്കണമെന്നും സംഘടനകൾ ആവശ്യപ്പെട്ടു. ഇതു സംബന്ധിച്ച് സർക്കാർ ഉടൻ ഉത്തരവിറക്കും. ഉരുള്‍പൊട്ടല്‍ ദുരിത ബാധിതരുടെ പുനരധിവാസത്തിന് വേണ്ടി…

ഓൺലൈൻ ഭക്ഷണവിതരണ പ്ലാറ്റ്ഫോമായ സൊമാറ്റോ എട്ടുമാസത്തിനിടെ പ്ലാറ്റ്ഫോം ഫീസ് ഇനത്തില്‍ വാരിക്കൂട്ടിയത് 83 കോടി രൂപ. കഴിഞ്ഞ ആഗസ്തില്‍ പ്ലാറ്റ്ഫോം ഫീസ് ഏര്‍പ്പെടുത്തിയശേഷം കമ്പനിയുടെ വരുമാനത്തിൽ 27 ശതമാനം വർധന ആണ് രേഖപ്പെടുത്തിയിരിക്കുന്നത്. ഒരു പൊതിക്ക് രണ്ടുരൂപ ആയിരുന്ന പ്ലാറ്റ്ഫോം ഫീസ് ഇപ്പോള്‍ പ്രധാനനഗരങ്ങളില്‍ ആറുരൂപയാക്കിയിട്ടുണ്ട്. 2024ൽ അവസാനിച്ച സാമ്പത്തികവർഷത്തിൽ 7,792 കോടിയാണ് കമ്പനിയുടെ വരുമാനം. ഭക്ഷണവിതരണ സ്ഥാപനമായ സ്വിഗ്ഗിയും പ്ലാറ്റ്ഫോം ഫീസ് വാങ്ങുന്നുണ്ട്. സൊമാറ്റോ പ്ലാറ്റ്‌ഫോം ചാർജ് 25 ശതമാനം വർധിപ്പിച്ച് ഓർഡറിന് 5 രൂപയാക്കിയിരുന്നു. ഓരോ തവണ ഓർഡർ ചെയ്യുമ്പോഴും അഞ്ച് രൂപ ഇനി അധികമായി നൽകേണ്ടി വരും. നേരത്തെ ഒരു ഓർഡറിന് നാല് രൂപയായിരുന്നു. ജനുവരിയിൽ ആണ് പ്ലാറ്റ്ഫോം ഫീസ് ഓർഡറിന് 3 രൂപയിൽ നിന്ന് 4 രൂപയായി ഉയർത്തിയത്. കഴിഞ്ഞ വർഷം ഓഗസ്റ്റിൽ 2 രൂപ ഉണ്ടായിരുന്ന ഫീസ് 3 രൂപയായി ഉയർത്തുകയായിരുന്നു. ഡെലിവറി നിരക്കുകൾക്ക് പുറമെയാണ് സൊമാറ്റോ പ്ലാറ്റ്‌ഫോം ഫീസ് ഈടാക്കുന്നത്. അതേ സമയം…

യുഎസിൽ നിന്നും ഏറ്റവും കൂടുതൽ പ്രതിഫലം വാങ്ങുന്ന സിഇഒമാരിൽ ഒരാൾ ഇന്ത്യക്കാരനാണ് എന്ന് പറയുന്നത് ഇന്ത്യയിലുള്ള എല്ലാവർക്കും അഭിമാനം തന്നെയാണ്. പ്രമുഖ ഡാറ്റാ അനലിറ്റിക്‌സ് സ്ഥാപനമായ സി-സ്യൂട്ട് കോമ്പ് പുറത്തിറക്കിയ ഏറ്റവും കൂടുതൽ വരുമാനമുള്ള സിഇഒമാരുടെ രണ്ട് ലിസ്റ്റുകളിലും പേര് വന്നിരിക്കുന്ന ആ ഇന്ത്യക്കാരൻ പാലോ ആൾട്ടോ നെറ്റ്‌വർക്കിൻ്റെ സിഇഒയും ചെയർമാനുമായ ഇന്ത്യക്കാരൻ നികേഷ് അറോറയാണ്. രണ്ടു മെട്രിക്സുകൾ പ്രകാരം ആണ് ഈ കണക്കുകൾ നിശ്ചയിക്കുന്നത്. ഒന്ന് ഓഫർ ചെയ്യുന്ന ശമ്പളവും, രണ്ട് ലഭിച്ച ശമ്പളവും. 2023-ൽ കയ്യിൽ ലഭിച്ച ശമ്പളത്തിന്റെ അടിസ്ഥാനത്തിൽ യുഎസിൽ ഏറ്റവും കൂടുതൽ വരുമാനം നേടുന്ന സിഇഒമാരുടെ പട്ടികയിൽ അറോറ പത്താം സ്ഥാനത്താണ്. ഒരു വർഷം ലഭിച്ച മൊത്തം ശമ്പളത്തിന്റെയും കണക്ക് $266.4 മില്യൺ ആണ്. കൂടാതെ, 151.4 മില്യൺ ഡോളർ വരുമാനമുള്ള അറോറയ്ക്ക് 2023-ൽ ഓഫർ ചെയ്തിരുന്ന ശമ്പളം പ്രകാരം യുഎസിൽ ഏറ്റവും കൂടുതൽ വരുമാനം നേടുന്ന സിഇഒമാരിൽ നാലാം സ്ഥാനമാണ് ഉള്ളത്. തിങ്കളാഴ്‌ച…

പ്രായത്തിനനുസരിച്ച് മാനസിക ചടുലത നിലനിർത്താൻ പലരും പസിലുകൾ, മെമ്മറി ഗെയിമുകൾ തുടങ്ങിയവയിലേക്ക് തിരിയുന്ന കാഴ്ചയാണ് ഇപ്പോൾ കാണാറുള്ളത്. നമ്മുടെ ദൈനംദിന ശീലങ്ങളും ജീവിതശൈലി തിരഞ്ഞെടുപ്പുകളും  മസ്തിഷ്കത്തിൻ്റെ പ്രവർത്തനത്തിൽ ഒരു പ്രധാന പങ്ക് വഹിക്കുന്നു. നമ്മുടെ പെരുമാറ്റങ്ങളിൽ ചിലത് നമ്മൾ ചിന്തിക്കുന്നതിനേക്കാൾ  വലിയ  ദോഷം നമ്മുടെ മാനസിക ആരോഗ്യത്തിൽ വരുത്തിയേക്കാം.  ഈ ഹാനികരമായ ശീലങ്ങൾ തിരിച്ചറിഞ്ഞ് മാറ്റുന്നതിലൂടെ, പ്രായമാകുമ്പോൾ നമ്മുടെ മനസ്സിനെകൂടുതൽ ബുദ്ധിപരമായി  കൊണ്ടുപോകാൻ  നമുക്ക് സാധിക്കും. കൂടുതലും ഓഫീസ് ജോലികളിലോ ബിസിനസ് ചെയ്യുന്നതോ ആയ ആളുകളിൽ ആണ് ഇത്തരം പ്രശ്നങ്ങൾ കൂടുതലായി ഉണ്ടാവുന്നത്. നീണ്ടുപോകുന്ന സ്ക്രോളിങ്ങ് ഇന്നത്തെ ഡിജിറ്റൽ ലോകത്ത്, ഇത്തരത്തിൽ സ്ക്രോളിംഗിൽ കുടുങ്ങിപ്പോകുന്നത് എളുപ്പമാണ്. അത് സോഷ്യൽ മീഡിയയിലൂടെയോ വാർത്താ വെബ്‌സൈറ്റുകളിലൂടെയോ ലക്ഷ്യമില്ലാതെ ബ്രൗസിംഗ് ചെയ്യുന്ന ബ്ലോഗുകളിലൂടെയോ ആകാം. ഈ ശീലം നിരുപദ്രവകരമാണെന്ന് തോന്നുമെങ്കിലും, ഇത് നമ്മുടെ സമയത്തിൻ്റെ ഏറിയ പങ്കും നശിപ്പിച്ചു കളയുകയാണ്. നമ്മുടെ ബുദ്ധിപരമായ ആരോഗ്യത്തെ പ്രതികൂലമായി ബാധിക്കുകയും ചെയ്യും. ഓഫീസ് ജോലികൾ കഴിഞ്ഞു വരുന്നവരും ബിസിനസ്…