Author: News Desk
ഐപിഎൽ എത്തിയതോടെ പഞ്ചാബ് കിങ്സ് സഹഉടമയും ബോളിവുഡ് താരവുമായ പ്രീതി സിന്റ വാർത്തകളിൽ നിറയുകയാണ്. താരത്തിന്റെ ആസ്തി സംബന്ധിച്ച വിവരങ്ങളും ഇതോടൊപ്പം വാർത്തകളിൽ ഇടംപിടിക്കുന്നു. മണികൺട്രോളിന്റെ 2023ലെ കണക്ക് പ്രകാരം $30 മില്യൺ അഥവാ 183 കോടി രൂപയാണ് പ്രീതിയുടെ ആസ്തി. വർഷങ്ങൾ നീണ്ട സിനിമാ കരിയർ, ബിസിനസ് ഡീലുകൾ, ബ്രാൻഡ് എൻഡോഴ്സമെന്റുകൾ എന്നിവയിലൂടെയാണ് താരം വമ്പൻ സമ്പാദ്യം ഉണ്ടാക്കിയത്. നിലവിൽ സിനിമാ അഭിനയത്തിൽ നിന്നും വിട്ടുനിൽക്കുന്ന താരം ബിസിനസ് ഡീലുകൾ, ബ്രാൻഡ് എൻഡോഴ്സമെന്റുകൾ എന്നിവയിലൂടെ ഇപ്പോഴും വൻ തുക സമ്പാദിക്കുന്നു. ഒരു ബ്രാൻഡിന് ഐക്കൺ ആകാൻ വേണ്ടി താരം 1.5 കോടി രൂപയാണ് കൈപ്പറ്റുന്നത്. അഭിനയത്തിനു പുറമേ താരം മികച്ച നിക്ഷേപക കൂടിയാണ്. 2008ൽ 35 കോടി രൂപ നിക്ഷേപിച്ചാണ് പ്രീതി പഞ്ചാബ് കിങ്സ് സഹ ഉടമയായത്. അന്ന് 76 മില്യൺ ഡോളറായിരുന്നു ടീമിന്റെ മൂല്യം. 2022ലെ കണക്ക് പ്രകാരം ഈ മൂല്യം 925 മില്യൺ ഡോളറാണ്. സിനിമാ നിർമാണത്തിലും…
വിഴിഞ്ഞം അന്താരാഷ്ട്ര തുറമുഖ പദ്ധതിക്കായി അനുവദിക്കുന്ന വയബിലിറ്റി ഗ്യാപ് ഫണ്ടിലെ (VGF) കേന്ദ്ര സര്‍ക്കാര്‍ വിഹിതമായ 817.80 കോടി രൂപ സ്വീകരിക്കാന്‍ കേരളം തീരുമാനിച്ചു. ഇതിന് സംസ്ഥാന സര്‍ക്കാര്‍ നെറ്റ് പ്രസന്‍റ് വാല്യു വ്യവസ്ഥയില്‍ തുക തിരിച്ചടക്കണമെന്ന് കേന്ദ്ര സര്‍ക്കാര്‍ നിഷ്കര്‍ഷിച്ചിട്ടുണ്ട്. വിഴിഞ്ഞം അന്താരാഷ്ട്ര തുറമുഖത്ത് പുതിയ മത്സ്യബന്ധന തുറമുഖം നിർമ്മിക്കാൻ 271 കോടി രൂപയുടെ പദ്ധതിക്ക് മന്ത്രിസഭാ യോഗം അനുമതി നൽകി. അനുവദിക്കുന്ന വയബിലിറ്റി ഗ്യാപ് ഫണ്ടിലെ കേന്ദ്ര വിഹിതം സംസ്ഥാന സര്‍ക്കാര്‍ നെറ്റ് പ്രസന്‍റ് വാല്യു വ്യവസ്ഥയില്‍ തുക തിരിച്ചടക്കണമെന്ന് കേന്ദ്ര സര്‍ക്കാര്‍ നിഷ്കര്‍ഷിച്ചിട്ടുണ്ട്. ഇതിൽ മാറ്റം വരുത്തണമെന്ന് സർക്കാർ ആവശ്യപ്പെട്ടിട്ടും കേന്ദ്ര സർക്കാർ അനുകൂല നിലപാട് എടുക്കാൻ തയാറായില്ല. എങ്കിലും വിഴിഞ്ഞത്തിന്റെ ഭാവി വികസനം മുന്നിൽ കണ്ടാണ് കേന്ദ്ര വിഹിതം സ്വീകരിക്കാനുള്ള തീരുമാനം എടുക്കുന്നതെന്നു തുറമുഖ മന്ത്രി വി.എൻ വാസവൻ അറിയിച്ചു. തുറമുഖത്തിന്റെ 7700 കോടി രൂപ ചെലവുള്ള ആദ്യഘട്ടത്തില്‍ ഏതാണ്ട് 4600 കോടി…
രാജ്യത്തെ ആദ്യ വെർട്ടിക്കൽ ലിഫ്റ്റ് കടൽപ്പാലമായ പാമ്പൻ പാലത്തിലൂടെ ഏപ്രിൽ 6ന് ട്രെയിൻ ഗതാഗതം ആരംഭിക്കും. പ്രധാനമന്ത്രി നരേന്ദ്ര മോഡി ഉദ്ഘാടനം ചെയ്യുന്ന പുതിയ പാമ്പൻ പാലം രാമേശ്വരം ദ്വീപിനെ മണ്ഡപം വഴി തമിഴ്നാടുമായി ബന്ധിപ്പിക്കും. ചെന്നൈയിലെ പുതിയ എസി സബ് അർബൻ സർവീസ് അടക്കമുള്ള മറ്റു ചില റെയിൽവേ പദ്ധതികളും മോഡി ഇതേ ദിവസം ഉദ്ഘാടനം ചെയ്യും. പൊതുമേഖലാ സ്ഥാപനമായ റെയിൽ വികാസ് നിഗം ലിമിറ്റഡാണ് 580 കോടി രൂപ ചിലവിൽ 2.1 കിലോമീറ്റർ നീളമുള്ള പാലം നിർമിച്ചത്. 2019ലാണ് പാലത്തിന്റെ നിർമാണ പ്രവർത്തനങ്ങൾ ആരംഭിച്ചത്. പാലത്തിന്റെ നിർമാണം കഴിഞ്ഞ സെപ്റ്റംബറിൽ പൂർത്തിയായിരുന്നു. 1914ൽ പണിത പഴയ പാലത്തിന്റെ അറ്റകുറ്റപ്പണി അസാധ്യമായതിനെത്തുടർന്നാണ് സമാന്തരമായി പുതിയ പാലം നിർമിക്കാൻ തീരുമാനമായത്. പഴയ പാലത്തിലൂടെയുള്ള തീവണ്ടി ഗതാഗതം അപകട മുന്നറിയിപ്പിനെത്തുടർന്ന് 2022 ഡിസംബർ മുതൽ നിർത്തിവെച്ചിരുന്നു. കേരളത്തിൽനിന്നുള്ള അമൃത എക്‌സ്പ്രസ് ഉൾപ്പെടെയുള്ള തീവണ്ടികൾ പുതിയ പാലം തുറക്കുന്നതോടെ രാമേശ്വരം വരെ ഓടും. നൂറ്…
8000 കോടി രൂപയ്ക്ക് തന്റെ സ്റ്റാർട്ടപ്പ് വിറ്റ് ഇനിയെന്ത് ചെയ്യണം എന്നറിയില്ലെന്ന് പറഞ്ഞ് കുറച്ചു മുൻപ് വാർത്തകളിൽ ഇടം പിടിച്ച ഇന്ത്യൻ വംശജനായ സംരംഭകനാണ് വിനയ് ഹിരെമത്. ടെക് കമ്പനിയായ ലൂമിന്റെ സഹസ്ഥാപകനായ വിനയ് 2023ലാണ് തന്റെ സംരംഭം ഒരു ബില്യൺ ഡോളറിന് അറ്റ്ലാസിയന് വിറ്റത്. 50 മുതൽ 70 മില്യൺ ഡോളർ വരെയായിരുന്നു അദ്ദേഹം അതിലൂടെ നേടിയത്. എന്നാൽ ഇപ്പോൾ തനിക്ക് വരുമാനമില്ല എന്നും താൻ ഇന്റേൺഷിപ്പുകൾക്കായി ശ്രമിക്കുകയാണെന്നും വെളിപ്പെടുത്തി വീണ്ടും വാർത്തകളിൽ നിറയുകയാണ് അദ്ദേഹം. 33കാരനായ വിനയ് മണിവൈസ് പോഡ്‌കാസ്റ്റിലാണ് ഇക്കാര്യം വെളിപ്പെടുത്തിയത്. പോഡ്‌കാസ്റ്റിന്റെ അവതാരകനായ സാം പാറിനോട് 60 മില്യൺ ഡോളർ റിട്ടൻഷൻ ബോണസിൽ നിന്ന് പിന്മാറിയതായും അതിൽ ഖേദിക്കുന്നില്ലെന്നും അദ്ദേഹം വെളിപ്പെടുത്തി. പോഡ്‌കാസ്റ്റിൽ സ്റ്റാർട്ടപ്പ് വിറ്റതിലൂടെ ലഭിച്ച കൃത്യമായ തുക വെളിപ്പെടുത്താൻ അദ്ദേഹം വിസമ്മതിച്ചു. എന്നാൽ അത് 30 മുതൽ 100 മില്യൺ ഡോളർ വരെയാണെന്ന് സ്ഥിരീകരിച്ചിട്ടുമുണ്ട്. ഇതോടെ സാം 50 മുതൽ 70 മില്യൺ…
ലോകമലയാളികൾ കാത്തിരുന്ന മോഹൻലാൽ-പൃത്ഥ്വിരാജ് ചിത്രം തിയേറ്ററുകളിൽ എത്തിയിരിക്കുകയാണ്. ചിത്രത്തിന്റെ ആദ്യ ഷോയ്ക്ക് ശേഷം മികച്ച പ്രേക്ഷക പ്രതികരണമാണ് എമ്പുരാന് ലഭിക്കുന്നത്. ആരാധകർ തിയേറ്ററുകൾ പൂരപ്പറമ്പാക്കിയപ്പോൾ ആദ്യ ദിനം തന്നെ ചിത്രം കലക്ഷൻ റെക്കോർഡുകൾ തകർക്കുമെന്നാണ് റിപ്പോർട്ട്. ആദ്യ ദിനം കേരളത്തിൽ മാത്രം 750 സ്ക്രീനുകളിലാണ് ചിത്രം പ്രദർശനത്തിനുള്ളത്. പടം സൂപ്പറാണെന്നാണ് ആദ്യ ഷോ കഴിഞ്ഞപ്പോഴുള്ള പ്രേക്ഷക പ്രതികരണം. കിടിലൻ പടമാണെന്നും ഹോളിവുഡ് സിനിമ കാണുന്ന പോലെയുണ്ട് എന്നുമാണ് ആദ്യ ഷോയ്ക്ക് ശേഷം പ്രേക്ഷകർ പ്രതികരിച്ചത്. ആളുകളെ പിടിച്ചിരുത്തുന്ന ചിത്രം മികച്ച ദൃശ്യാനുഭവം നൽകുന്നതാണെന്നും ആളുകൾ പ്രതികരിച്ചു. എമ്പുരാൻ കലക്ഷൻ ആയിരംകോടി കടക്കുമെന്നാണ് ചില ആരാധകർ ആദ്യ ഷോ കഴിഞ്ഞ് പ്രതികരിച്ചിട്ടുള്ളത്. മലയാളത്തിലെ ഹോളിവുഡ് മൂവിയെന്നും പ്രേക്ഷകർ എമ്പുരാനെ വിശേഷിപ്പിക്കുന്നു. പടം അടിമുടി ‘സ്വാഗ്’ ആണെന്നും മേക്കിങ്ങിൽ ചിത്രത്തിന് നൂറിൽ നൂറ് മാർക്കും നൽകുന്നതായും പ്രേക്ഷകർ പറഞ്ഞു. സമൂഹമാധ്യമങ്ങളിലും ചിത്രം മികച്ച റിവ്യൂ നേടുന്നു. രാവിലെ ആറുമണിയോടെയാണ് മോഹൻലാൽ നായകനായി പൃഥ്വിരാജ് സംവിധാനം…
സുഗമവും കാര്യക്ഷമവുമായ പ്രവർത്തനങ്ങൾ ഉറപ്പാക്കുന്നതിന് വിഴിഞ്ഞം തുറമുഖ അധികാരികളും പങ്കാളിത്ത ഏജൻസികളും തമ്മിലുള്ള സഹകരണം നിർണായകമാണെന്ന് കേന്ദ്ര നികുതി, കസ്റ്റംസ് ചീഫ് കമ്മീഷണർ എസ്.കെ. റഹ്മാൻ. വിഴിഞ്ഞം അന്താരാഷ്ട്ര തുറമുഖത്ത് കസ്റ്റംസ് ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നന്മയോടെയുള്ള വളർച്ച എന്ന ദർശനനവുമായി മുന്നോട്ടുപോകണമെന്ന് അദ്ദേഹം പറഞ്ഞു. കസ്റ്റംസ് ഓഫീസിന്റെ ഉദ്ഘാടനം വിഴിഞ്ഞം തുറമുഖത്തിന്റെ പ്രവർത്തനത്തിൽ സുപ്രധാന നാഴികക്കല്ലാണ്. സമുദ്ര വ്യാപാരത്തിനും ലോജിസ്റ്റിക്സിനുമുള്ള കേന്ദ്രമെന്ന നിലയിൽ തുറമുഖത്തിന്റെ പങ്ക് ഇതിലൂടെ ശക്തിപ്പെടും. തുറമുഖത്തെ വ്യാപാര സൗകര്യങ്ങളും സുരക്ഷാ നടപടികളും ശക്തിപ്പെടുത്തുന്നതിനും അടിസ്ഥാന സൗകര്യ വികസനം സഹായകരമാകും. സന്ദർശനത്തിന്റെ ഭാഗമായി തുറമുഖ പ്രവർത്തനങ്ങളെയും വരാനിരിക്കുന്ന വികസനങ്ങളെയും കുറിച്ച് എവിപിപിഎൽ ഉദ്യോഗസ്ഥരുമായി ചീഫ് കമ്മീഷണർ ചർച്ച നടത്തി. മറൈൻ കൺട്രോൾ റൂം, ഓപ്പറേഷൻസ് സെന്റർ, റിമോട്ട് ഓപ്പറേഷൻസ് ഡെസ്ക്, സെക്യൂരിറ്റി കൺട്രോൾ സെന്റർ എന്നിവയുൾപ്പെടെയുള്ള പ്രധാന പ്രവർത്തന സൗകര്യങ്ങൾ അദ്ദേഹം സന്ദർശിച്ചു. കമ്മീഷൻ ചെയ്യാനിരിക്കുന്ന കണ്ടെയ്നർ സ്കാനർ സൗകര്യവും അദ്ദേഹം പരിശോധിച്ചു. കൊച്ചി…
വർഷങ്ങളായി വമ്പൻ പരിപാടികളിൽ ജനക്കൂട്ടത്തെ നിയന്ത്രിക്കുന്നതിലും, സെലിബ്രിറ്റികൾക്ക് സുരക്ഷ ഒരുക്കുന്നതിലുമെല്ലാം ബൗൺസർമാരാരുടെ പങ്കാളിത്തം നിർണായകമാണ്. സാധാരണയായി പുരുഷന്മാർ ഈ തൊഴിലിൽ ആധിപത്യം പുലർത്തുന്നുണ്ടെങ്കിലും ശാരീരിക ക്ഷമതയും മാനസിക ശക്തിയും കൈമുതലാക്കി നിരവധി സ്ത്രീകൾ ഇപ്പോൾ ഈ രംഗത്തേക്ക് വരുന്നുണ്ട്. അത്തരത്തിലുള്ള വനിതാ ബൗൺസറാണ് അനു കുഞ്ഞുമോൻ. കഴിഞ്ഞ ദിവസം കൊച്ചിയിലെത്തിയ സൂപ്പർതാരം മോഹൻലാലിന് ഒപ്പം ശ്രദ്ധിക്കപ്പെട്ട സെലിബ്രിറ്റി ബൗൺസറാണ് അനു. കറുത്ത ടീ-ഷർട്ടും ജീൻസും ധരിച്ച് ആത്മവിശ്വാസത്തോടെ മോഹൻലാലിന് വഴിയൊരുക്കുന്ന അനുവിന്റെ ദൃശ്യങ്ങൾ ഇതിനകം സമൂഹമാധ്യമങ്ങളിൽ അടക്കം ശ്രദ്ധ നേടിക്കഴിഞ്ഞു. പുരുഷാധിപത്യമുള്ള വാച്ച് ആൻഡ് വാർഡ് സ്റ്റാഫിൽ നിന്ന് വ്യത്യസ്തമായി സ്റ്റീരിയോടൈപ്പുകളെ തകർക്കുകയാണ് അനു. കേരളത്തിൽ പ്രൊഫഷണൽ ബൗൺസർമാരായി വ്യക്തിമുദ്ര പതിപ്പിക്കുന്ന വനിതാ ശക്തിയുടെ മുഖമായാണ് സമൂഹമാധ്യമങ്ങളിൽ അനു നിറയുന്നത്. ഫിസിക്കൽ ഫിറ്റ്‌നസ് നൽകിയ ആത്മവിശ്വാസവുമായാണ് 37കാരിയായ അനു ബൗൺസർ പ്രൊഫഷനിലേക്ക് വന്നത്. ആളുകളോട് ആത്മവിശ്വാസത്തോടെ ഇടപെട്ടാൽ ലഭിക്കേണ്ട ബഹുമാനം താനെ ലഭിക്കുമെന്നാണ് അനുവിന്റെ പക്ഷം. പല തരത്തിലുള്ള വെല്ലുവിളികൾ മറികടന്നാണ്…
മുൻ കേന്ദ്രമന്ത്രിയും ടെക്‌നോക്രാറ്റുമായ രാജീവ് ചന്ദ്രശേഖറിനെ കേരളത്തിലെ പാർട്ടിയുടെ പ്രസിഡന്റായി തിരഞ്ഞെടുത്തിരിക്കുകയാണ് ഭാരതീയ ജനതാ പാർട്ടി. കഴിഞ്ഞ വർഷത്തെ ലോക്‌സഭാ തിരഞ്ഞെടുപ്പിൽ തിരുവനന്തപുരത്ത് കോൺഗ്രസിന്റെ ശശി തരൂരിനെതിരെ മികച്ച പോരാട്ടം നടത്തിയ ചന്ദ്രശേഖർ കേരളത്തെ പരിവർത്തനം ചെയ്യുക എന്നതാണ് തന്റെ ദൗത്യമെന്ന് പ്രഖ്യാപിച്ചാണ് ബിജെപി അധ്യക്ഷനായി അധികാരമേറ്റിരിക്കുന്നത്. ആരാണ് രാജീവ് ചന്ദ്രശേഖർ?ഗുജറാത്തിലെ അഹമ്മദാബാദിലായിരുന്നു രാജീവിന്റെ ജനനം. അദ്ദേഹത്തിന്റെ കുടുംബ വേരുകൾ തൃശൂരിലാണ്. 1991ൽ രാജീവ് ഭാര്യാപിതാവ് ടിപിജി നമ്പ്യാരുടെ ഉടമസ്ഥതയിലുള്ള ബിപിഎൽ ഗ്രൂപ്പിൽ ചേർന്നു. പിന്നീട് ബിപിഎൽ മൊബൈൽ സ്ഥാപിച്ച് രാജ്യത്ത് ടെലികോം വിപ്ലവം സൃഷ്ടിച്ചു. 2015ൽ ചന്ദ്രശേഖർ ജൂപ്പിറ്റർ കാപിറ്റൽ പ്രൈവറ്റ് ലിമിറ്റഡ് എന്ന സംരംഭം സ്ഥാപിച്ചു. പിന്നീട് മാധ്യമ വ്യവസായ രംഗത്തേക്കും അദ്ദേഹം തന്റെ പ്രവർത്തനം വ്യാപിപ്പിച്ചു. രണ്ട് പതിറ്റാണ്ട് നീണ്ട രാഷ്ട്രീയ ജീവിതത്തിൽ ചന്ദ്രശേഖർ മൂന്ന് തവണ കർണാടകയിൽ നിന്നുള്ള രാജ്യസഭാംഗമായി. ഇതിനു പുറമേ അദ്ദേഹം ബിജെപി ദേശീയ വക്താവായും സേവനമനുഷ്ഠിച്ചിട്ടുണ്ട്. ഇലക്ട്രോണിക്സ്, ഐടി, സ്കിൽ ഡെവലപ്മെന്റ്,…
ചൂടെങ്കിലും ചക്കക്കാലം കൂടിയാണ് വേനൽ. എരിപൊരി ചൂടിലും മധുരം നിറയ്ക്കാൻ ചക്കയ്ക്ക് ആകും. മധുരത്തിനപ്പുറം ചക്കയ്ക്ക് ആരോഗ്യ ഗുണങ്ങളും ഏറെ. കറുമുറെ കൊറിക്കാനുള്ള ചക്ക വറുത്തത് മുതൽ വീഗൻ മീറ്റ് വരെയായി ഉപയോഗിക്കാവുന്ന സൂപ്പർഫുഡ് ആണ് ചക്ക. ചില ചക്കമാഹാത്മ്യങ്ങൾ നോക്കാം. വലിപ്പത്തിൽ മാത്രമല്ല പോഷക ഗുണത്തിലും സമൃദ്ധമാണ് ചക്ക. കേരളത്തിനു പുറമേ കർണാടക, പശ്ചിമ ബംഗാൾ, തമിഴ്‌നാട് തുടങ്ങിയ സംസ്ഥാനങ്ങളിലും ചക്ക നൂറ്റാണ്ടുകളായി പ്രധാന ഭക്ഷണമാണ്. വലിപ്പത്തിനും രുചിക്കും അപ്പുറം ചക്കയിൽ ഫൈബർ, വിറ്റാമിനുകൾ, ആന്റിഓക്‌സിഡന്റുകൾ എന്നിവ ധാരാളമുണ്ട്. വിറ്റാമിൻ സി, പൊട്ടാസ്യം എന്നിവയാൽ സമ്പുഷ്ടമായ ചക്ക കൊടും ചൂടിൽ ശരീരത്തിൽ ജലാംശം നിലനിർത്താൻ സഹായിക്കുന്നു. ആഗോളതലത്തിൽ ഭക്ഷ്യ അരക്ഷിതാവസ്ഥയ്ക്ക് വരെ ചക്ക പരിഹാരമാകുമെന്ന് ഭക്ഷ്യശാസ്ത്രജ്ഞർ ചൂണ്ടിക്കാണിക്കുന്നു. നെല്ല്, ഗോതമ്പ് തുടങ്ങിയ ജലം കൂടുതലായി ഉപയോഗിക്കുന്ന വിളകളിൽ നിന്ന് വ്യത്യസ്തമായി കുറഞ്ഞ പരിചരണത്തോടെ വരണ്ട കാലാവസ്ഥയിലും ചക്ക വളരുന്നു. ചക്കയ്ക്ക് വളവും വളരെ കുറച്ചു മതി. കാലാവസ്ഥാ വെല്ലുവിളികൾ നേരിടുന്ന…
2016ൽ സിബി മണിവണ്ണൻ സ്ഥാപിച്ച ഗ്രാമിയ (Gramiyaa) ഗുണനിലവാരത്തിലും സ്കേലബിലിറ്റിയിലും ശ്രദ്ധ കേന്ദ്രീകരിച്ച് കോൾഡ്-പ്രസ്സ്ഡ് ഓയിൽ വ്യവസായത്തിൽ പേരെടുക്കുകയാണ്. നിലക്കടല, എള്ള്, തേങ്ങ തുടങ്ങിയവയിൽ നിന്നും വുഡ് പ്രസ്ഡ് രീതിയിൽ എണ്ണ എടുക്കുന്നതിലാണ് ഗ്രാമിയയുടെ വൈദഗ്ദ്ധ്യം. ഇതിനായി കമ്പനി സ്വയം രൂപകൽപന ചെയ്ത നൂതന ഉൽ‌പാദന സൗകര്യത്തിലൂടെയാണ് പ്രവർത്തിക്കുന്നത്. സ്ഥിരത, ശുചിത്വം എന്നിവയിലെ കർശന നിയന്ത്രണത്തോടെയുള്ള ഗ്രാമിയയുടെ പ്രവർത്തനം ഉൽപ്പന്നങ്ങളുടെ പരിശുദ്ധി ഉറപ്പാക്കുന്നു. പരമ്പരാഗതമായി വിഘടിച്ചു നിൽക്കുന്ന ഈ മേഖലയിൽ നിന്ന് വ്യത്യസ്തമായി ഗ്രാമിയ ഘടനാപരവും സ്കെയിലബിളുമായ മോഡൽ സ്വീകരിക്കുന്നു. പരമ്പരാഗത വുഡ് ആൻഡ് സ്റ്റോൺ മിൽ സാങ്കേതിക വിദ്യകളും ആധുനികവും ശുചിത്വമുള്ളതുമായ സൗകര്യങ്ങളുമായി സംയോജിപ്പിച്ചാണ് ഗ്രാമിയയുടെ പ്രവർത്തനം. ഈ രീതി ഉയർന്ന സുരക്ഷയും സ്ഥിരതയും ഉള്ള എണ്ണ ഉത്പാദിപ്പിക്കാൻ സഹായിക്കുന്നു. മികച്ച ഉൽപ്പന്നങ്ങളോടുള്ള കമ്പനിയുടെ പ്രതിബദ്ധത ശക്തമായ ബ്രാൻഡ് സാന്നിധ്യവും ഉപഭോക്തൃ വിശ്വാസ്യതയും വളർത്തിയെടുത്തു. തങ്ങളുടെ വിപുലീകരണത്തിന് കരുത്ത് പകരുന്നതിനായി ഗ്രാമിയ അടുത്തിടെ നടന്ന പ്രീ-സീരീസ് എ റൗണ്ട് ഉൾപ്പെടെയുള്ളവയിൽ…