Author: News Desk

റോഡ് ദൈർഘ്യത്തിൽ അമേരിക്കയ്ക്ക് തൊട്ടു പുറകിൽ ഇടം പിടിച്ച് ഇന്ത്യ. ലോകത്തെ ഏറ്റവും ദൈർഘ്യമേറിയ റോഡ് നെറ്റ് വർക്ക് ഉള്ള രാജ്യങ്ങളിൽ രണ്ടാം സ്ഥാനത്താണ് ഇന്ത്യ. ഒന്നാമതുള്ള യുഎസ്സിൽ 6.6 മില്ല്യൺ കിലോമീറ്റർ റോഡുകളും ഇന്ത്യയിൽ 6.4 മില്ല്യൺ കിലോമീറ്റർ റോഡുകളുമാണ് ഉള്ളത്. മൂന്നാമതുള്ള ചൈനയിൽ 5.2 മില്ല്യൺ ആണ് റോഡുകളുടെ ദൈർഘ്യം. ഇന്റർസ്റ്റേറ്റ് ഹൈവേകൾക്കൊപ്പം സംസ്ഥാന-ദേശീയ പാതകളും ചേരുന്നതാണ് കണക്ക്. ബ്രസീൽ, റഷ്യ എന്നീ രാജ്യങ്ങളാണ് ബാക്കി സ്ഥാനങ്ങളിൽ. ലോകത്തെ ഏറ്റവും വലിയ രാജ്യമായിട്ടും റഷ്യയിലെ റോഡുകളുടെ ദൈർഘ്യം 1.3 മില്ല്യൺ കിലോമീറ്റർ മാത്രമേ ഉള്ളൂ എന്നത് ശ്രദ്ധേയമാണ്. അതേ സമയം ചെറിയ രാജ്യമായിട്ടും 1.2 മില്ല്യൺ റോഡ് ദൈർഘ്യവുമായി ജപ്പാൻ ആറാം സ്ഥാനത്തുണ്ട്. ഫ്രാൻസ്, ക്യാനഡ, ഓസ്ട്രേലിയ, ജർമനി തുടങ്ങിയ രാജ്യങ്ങളെ പിന്തള്ളിയാണ് ഇന്ത്യ റോഡ് ദൈർഘ്യത്തിൽ മുൻപന്തിയിൽ നിൽക്കുന്നത്. ഗോൾഡൺ ക്വാഡ്രിലാറ്ററൽ പോലുള്ള പദ്ധതികൾ യാത്ര സുഗമമാക്കുന്നതിനൊപ്പം ഇന്ത്യയുടെ ഗ്രാമങ്ങളേയും നഗരങ്ങളേയും ഒന്നിപ്പിച്ച് സാമ്പത്തിക വളർച്ചയിലും പ്രധാന…

ഒരു കാലത്ത് ഇന്ത്യയിലെ ഏറ്റവും മൂല്യമുള്ള സ്റ്റാർട്ടപ്പ് ആയിരുന്ന ബൈജൂസ് ഇന്ന് കിതപ്പിന്റെ പാതയിലാണ്. നിരവധി നിയമപ്രശ്നങ്ങളിലൂടെയും സാമ്പത്തിക പ്രതിസന്ധികളിലൂടെയുമാണ് എഡ് ടെക് സംരംഭമായ ബൈജൂസ് കടന്നു പോകുന്നത്. 2011ലാണ് ബൈജു രവീന്ദ്രനും ഭാര്യ ദിവ്യ ഗോകുൽനാഥും ചേർന്ന് ബൈജൂസ് എന്ന സ്റ്റാർട്ടപ്പ് ആരംഭിച്ചത്. ഹുരൂൺ സമ്പന്ന പട്ടിക പ്രകാരം 4500 കോടി രൂപ ആസ്തിയുണ്ടായിരുന്ന ദിവ്യ ഗോകുൽനാഥ് ഇന്ത്യയിലെ ഏറ്റവും സമ്പന്നയായ വനിതാ സംരംഭകയായിരുന്നു. 1987ൽ ബെംഗളൂരുവിൽ ജനിച്ച ദിവ്യയുടെ അച്ഛൻ അപ്പോളോ ഹോസ്പിറ്റലിലെ നെഫ്രോളജിസ്റ്റാണ്. അമ്മ ദൂരദർശനിൽ പ്രോഗ്രാമിംഗ് എക്സിക്യൂട്ടീവായിരുന്നു. ആർ.വി കോളേജിൽ നിന്നും ബയോടെക്നോളജിയിൽ ബിടെക് നേടിയ ദിവ്യ തുടർന്ന് വിദേശ പഠനത്തിനായുള്ള ജിആർഇ യോഗ്യതയും സ്വന്തമാക്കി. എന്നാൽ വിദേശ പഠനത്തിന് പോകാതിരുന്ന ദിവ്യ ബൈജു രവീന്ദ്രൻ നടത്തിയ വിദ്യാഭ്യാസ സ്ഥപനത്തിലെത്തി. ആദ്യം ബൈജുവിന്റെ ശിഷ്യയായിരുന്ന ദിവ്യ തുടർന്ന് സ്ഥാപനത്തിൽ ജോലിയിൽ പ്രവേശിച്ചു. 2011ൽ ഇരുവരും ചേർന്ന് ബൈജൂസ് എന്ന ഓൺലൈൻ ലേണിങ് പ്ലാറ്റ്ഫോം ആരംഭിച്ചു. കമ്പനിയുടെ…

ഇ-വർക്ക് എന്നതിൽ നിന്നാണ് ഇവോക്ക് എന്ന പേരുണ്ടായത്. ബ്രാൻഡിങ്ങിനോടുള്ള അടങ്ങാത്ത അഭിനിവേശമാണ് എൽദോ ജോയിയെ ഡിജിറ്റൽ ഡിസൈൻ ആനഡ് ഡെവലപ്മെന്റൽ മാർക്കറ്റിങ്ങ് ലോകത്തെത്തിച്ചത്. പതിമൂന്ന് വർഷങ്ങൾക്ക് മുൻപ് ആരംഭിച്ച ഇവോക്ക് ഡിജിറ്റൽ സ്പേസിലുള്ള ഡിസൈനിങ്, ഡെവലപ്മെന്റ് (വെബ് പോ‍ർട്ടൽ, ഇ-കൊമേഴ്സ്, വെബ്സൈറ്റ് ഡെവലപ്മെന്റ്), ഡിജിറ്റൽ മാർക്കറ്റിങ് തുടങ്ങിയവയിൽ പുതിയ വഴികൾ തുറക്കുന്നു. കോർപറേറ്റ് ജോലി വിട്ട് തുടക്കംഇവോക്ക് ആരംഭിക്കുന്നതിനു മുൻപ് എൽദോ സോഫ്റ്റ് വെയർ ഡെവലപ്പർ ആയിരുന്നു. സാംസങ്ങിന്റെ സോഫ്റ്റ് വെയർ ഓപ്പറേഷൻസ് ചെയ്യുന്ന സിസോ എന്ന കോർപറേറ്റ് കമ്പനിയിൽ സീനിയർ സോഫ്റ്റ് വെയർ ഡെവലപ്പർ എന്ന വലിയ പദവി വിട്ടാണ് എൽദോ ബ്രാൻഡിങ് ലോകത്തേക്ക് ഇറങ്ങിയത്. സ്റ്റാൻഡേർഡ് ഓപ്പറേറ്റിങ് പ്രൊസീജർ, ഡിസിപ്ലിൻഡ് സിസ്റ്റം, ഹൈറാർക്കി സിസ്റ്റം തുടങ്ങിയവയിൽ എൽദോ കോർപറേറ്റുകളെ മാതൃകയാക്കുന്നു.   തുടക്കം കടുപ്പംഏതൊരു ബിസിനസ്സിനേയും പോലെത്തന്നെ ഇവോക്കിന്റേയും ആദ്യ മൂന്ന് മാസങ്ങൾ കടുപ്പം നിറഞ്ഞതായിരുന്നു. മാ‍ർക്കറ്റിനെക്കുറിച്ച് അത്ര ധാരണയുണ്ടായിരുന്നില്ല. യുഎസ്-യൂറോപ്പ് ആയിരുന്നു ടാർജറ്റ് ചെയ്ത മാർക്കറ്റ്. ആ…

സാധാരണക്കാർക്കും താങ്ങാനാവുന്ന ആഡംബരം എന്നാണ് ഈ  ‘0484 എയ്റോ ലോഞ്ചിനെ’ നെടുമ്പാശേരി വിമാനത്താവള അധികൃതർ വിശേഷിപ്പിക്കുന്നത്. രാജ്യത്തെ തന്നെ ഏറ്റവും വലിയ എയ്റോ ലോഞ്ച് കൊച്ചി രാജ്യാന്തര വിമാനത്താവളത്തിലെ ടെർമിനൽ 2ൽ പ്രവർത്തനമാരംഭിച്ചതോടെ നല്ല പ്രതികരണമാണ് ലഭിക്കുന്നത്. വിമാനയാത്രക്കാർക്കും സന്ദർശകർക്കും ഉപയോഗിക്കാനായി  സ്യൂട്ടുകൾ അടക്കം 41 മുറികൾ അടങ്ങിയതാണ് ‘0484 എയ്റോ ലോഞ്ച്’. രാജ്യത്തെ തന്നെ ഏറ്റവും വലിയ എയ്റോ ലോ‍ഞ്ചാണ് കൊച്ചി രാജ്യാന്തര വിമാനത്താവളത്തിലേത്. വിമാനത്താവളത്തിനുള്ളിൽ  സെക്യൂരിറ്റി ഹോൾഡ് ഏരിയക്ക് പുറത്ത് ആഭ്യന്തര – അന്താരാഷ്ട്ര ടെർമിനലുകൾക്ക് സമീപത്തായാണ് ലോഞ്ച് ഒരുക്കിയിട്ടുള്ളത്. വിമാനത്താവളത്തിന് അകത്തു തന്നെയാണെങ്കിലും അതീവസുരക്ഷാ മേഖലയ്ക്ക് പുറത്തായതിനാൽ വിമാന യാത്രികർക്കും പുറത്തു നിന്നുള്ളവർക്കും ലോഞ്ച് ഉപയോഗിക്കാൻ സാധിക്കും.  3 സ്യൂട്ടുകൾ അടക്കം 41 മുറികൾ . 50,000 ചതുരശ്ര അടി വിസ്താരത്തിലുള്ള ലോഞ്ചിൽ 37 മുറികൾ, 4 സ്യൂട്ടുകൾ, 3 ബോർഡ്റൂമുകൾ, 2 കോൺഫൻസ് ഹാളുകൾ, കോ-വർക്കിങ് സ്പേസ്, ജിം, സ്പാ, ലൈബ്രറി എന്നിവയാണുള്ളത്. 6, 12,…

പരിസ്ഥിതി സൗഹാർദ യാത്രകൾ ലക്ഷ്യം വെച്ച് ഒരു ലക്ഷം ഇലക്ട്രിക് ബസ്സുകൾ ഇറക്കാനൊരുങ്ങി കേന്ദ്ര ഗവൺമെന്റ്. ഭാരത് അർബൻ മെഗാ ബസ് മിഷൻ എന്ന പദ്ധതി അഞ്ച് വർഷം കൊണ്ടാണ് പൂർത്തിയാക്കുക. 1.75 ലക്ഷം കോടി രൂപയാണ് ചിലവ്. ഇലക്ട്രിക് ബസ്സുകൾക്കൊപ്പം അവ ഓടാൻ ആവശ്യമായ സംഗതികളും പദ്ധതിയിൽ വരും. ഇതിനു പുറമേ 5000 കിലോമീറ്റർ സൈക്കിൾ ട്രാക്കും നി‌ർമിക്കും. 2025ൽ ആരംഭിക്കുന്ന പദ്ധതി പൊതുജനങ്ങളെ പബ്ലിക് വാഹനങ്ങൾ കൂടുതൽ ഉപയോഗിക്കാൻ പ്രേരിപ്പിക്കും. നിലവിൽ 60 ശതമാനമുള്ള പബ്ലിക് വാഹനങ്ങൾ പദ്ധതി വരുന്നതോടെ 80 ശതമാനമാകും. ഇതോടൊപ്പം ഇന്ധനം ആവശ്യമില്ലാത്ത വാഹനങ്ങളുടെ ഉപയോഗവും പ്രോത്സാഹിപ്പിക്കും. വിദേശ രാജ്യങ്ങളിലെ പോലെ ആളുകൾ കൂടുതൽ സൈക്ലിങ്ങിലേക്ക് തിരിയണം എന്ന് ഗവൺമെന്റ് ആഗ്രഹിക്കുന്നു. ഇത്നായി സൈക്കിൾ ട്രാക്കുകൾക്ക് പുറമേ ബൈക്ക് റെന്റലുകളും ആരംഭിക്കും. ചെറുദൂര യാത്രകളിൽ കൂടുതൽ സൈക്കിൾ ആക്കാനാണ് നീക്കം. 1.75 ലക്ഷം കോടിയിൽ 80000 കോടി ബസ് ഓപ്പറേഷനും 45000 കോടി അറ്റകുറ്റപ്പണികൾക്കും…

ഗൾഫ് മേഖലയിലെ വിപുലീകരണത്തിനായി നൂറ് കോടി ദിർഹം സമാഹരിക്കാൻ ഒരുങ്ങി ഭീമ ജ്വല്ലേഴ്സ്. മൂന്ന് വർഷത്തിനുള്ളിൽ ഗൾഫ് മേഖലയിലടക്കം 18 പുതിയ ഷോറൂമുകൾ തുറക്കുമെന്നും ചെയർമാൻ ബി. ഗോവിന്ദൻ പറഞ്ഞു. ജിസിസിയിലെയും ആഗോളതലത്തിലേയും നിക്ഷേപകരിൽ നിന്നാണ് പണം സമാഹരിക്കുക. ഭീമ ആദ്യമായാണ് ഇത്തരത്തിൽ ഫണ്ട് സമാഹരിക്കുന്നത്. നൂറ് വർഷം പാരമ്പര്യമുള്ള ജ്വല്ലറിയാണ് ഭീമ.ആലപ്പുഴയിൽ 1925ൽ ആരംഭിച്ച ഭീമ ജ്വല്ലേഴ്സിന് ഇന്ത്യയിലും യുഎഇയിലും വമ്പൻ സാന്നിധ്യമുണ്ട്. ഇന്ത്യയിൽ അറുപതും യുഎഇയിൽ നാല് ഔട്ലെറ്റുകളുമാണ് ഭീമയ്ക്ക് നിലവിലുള്ളത്. നിക്ഷേപകരുടെ കൂടുതൽ പങ്കാളിത്തം ആഗ്രഹിക്കുന്നതായും ഉപഭോക്താക്കളുടെ പ്രതീക്ഷകൾക്കൊത്ത് മുന്നോട്ട് പോകുമെന്നും ചെയർമാൻ അറിയിച്ചു. ജിസിസി വിപുലീകരണ പദ്ധതിയുടെ ഭാഗമായി ഭീമ 6000 ചതുരശ്ര അടിയുള്ള ഓഫീസ് ദുബായിൽ തുറന്നു. തിരുവിതാംകൂർ രാജകുടുംബാംഗം ആദിത്യവർമ, ഏരീസ് ചെയർമാൻ സോഹൻ റോയ് തുടങ്ങിയവർ പങ്കെടുത്തു. Bhima Jewellers is set to raise AED 100 crore to fund its expansion in the Gulf,…

മഹാരാഷ്ട്ര മുൻ മന്ത്രി ബാബ സിദ്ദിഖി ഒക്ടോബർ 12ന് മുംബൈയിൽ വെടിയേറ്റു മരിച്ചിരുന്നു. ലോറൻസ് ബിഷ്ണോയി എന്ന കുപ്രസിദ്ധ ഗുണ്ടയുടെ സംഘാംഗം ആക്രമണത്തിന്റെ ഉത്തരവാദിത്വം ഏറ്റെടുത്തു. ബോളിവുഡ് താരം സൽമാൻ ഖാന്റെ അടുത്ത സുഹൃത്തായിരുന്നു ബാബ സിദ്ദിഖി. നേരത്തെ സൽമാൻ ഖാനെതിരെയും സംഘത്തിന്റെ വധഭീഷണി ഉണ്ടായിരുന്നു. ഈ സാഹചര്യത്തിലാണ് ലോറൻസ് ബിഷ്ണോയിയെ ഭീഷണിപ്പെടുത്തുന്നത് എന്ന തരത്തിൽ സൽമാൻ ഖാന്റെ രണ്ട് വീഡിയോകൾ സമൂഹമാധ്യമങ്ങളിൽ പ്രചരിച്ചത്. ഇതിലെ വാസ്തവം പരിശോധിക്കാം. ദൃശ്യങ്ങൾ അടിസ്ഥാനമാക്കി നടത്തിയ പരിശോധനയിൽ കോവിഡ് ലോക്ഡൗൺ ലംഘിക്കുന്നവർക്കുള്ള സൽമാൻ ഖാന്റെ നിർദേശം എന്ന പേരിൽ അദ്ദേഹത്തിന്റെ ഒഫിഷ്യൽ യൂട്യൂബ് പേജിൽ പോസ്റ്റ് ചെയ്ത് വീഡിയോയിൽ നിന്നെടുത്ത ഭാഗമാണ് ആദ്യ വീഡിയോയിൽ ഇപ്പോൾ തെറ്റായി പ്രചരിക്കുന്നത് എന്ന് മനസ്സിലായി. 2020 മെയ് 22ന് പോസ്റ്റ് ചെയ്ത് വീഡിയോ ആണിത്. അതിനു മുൻപ് സൻസദ് ടിവിയും ഈ വീഡിയോ പോസ്റ്റ് ചെയ്തിരുന്നു. ഇങ്ങനെ കോവിഡുമായി ബന്ധപ്പെട്ട് സർക്കാർ ഇറക്കിയ വീഡിയോയിലെ ഭാഗങ്ങളാണ് ഇപ്പോൾ…

ആണവോർജ്ജത്തിൽ പ്രവർത്തിക്കുന്ന നാലാമത്തെ ബാലിസ്റ്റിക് മിസൈൽ അന്തർവാഹിനി (എസ്എസ്ബിഎൻ) പുറത്തിറക്കി ഇന്ത്യ. വിശാഖപട്ടണം കപ്പൽ നിർമ്മാണശാലയിൽ പ്രതിരോധമന്ത്രി രാജ്‌നാഥ് സിങ് ആണ് ലോഞ്ച് നിർവഹിച്ചത്. ഇതോടെ ഇന്ത്യയുടെ ആണവശക്തി കൂടുതൽ കരുത്താർജ്ജിച്ചിരിക്കുകയാണ്. ഇന്ത്യയിൽ തദ്ദേശീയമായി നിർമ്മിച്ച് ആണവോർജ്ജത്തിൽ പ്രവർത്തിക്കുന്ന രണ്ടാമത്തെ എസ്എസ്ബിഎൻ ഐഎൻഎസ് അരിഘാത് ഓഗസ്റ്റ് 29നാണ് കമ്മീഷൻ ചെയ്തത്. മൂന്നാമത്തെ എസ്എസ്ബിഎൻ അടുത്ത വർഷം കമ്മീഷൻ ചെയ്യും. ഒക്ടോബർ 9ന് മന്ത്രിസഭാ സുരക്ഷാ കാര്യ സമിതി ആണവോർജ്ജത്തിൽ പ്രവർത്തിക്കുന്ന രണ്ട് ബാലിസ്റ്റിക് മിസൈൽ അന്തർവാഹിനികൾ കൂടി നിർമ്മിക്കുന്നതിനുള്ള ഇന്ത്യൻ നാവികസേനയുടെ പദ്ധതികൾക്ക് അനുമതി നൽകുകയായിരുന്നു. ശത്രു രാജ്യങ്ങളിൽ നിന്നുള്ള ആണവ ഭീഷണിയെ ചെറുക്കുന്നതിന്റെ ഭാഗമായാണ് പ്രതിരോധമന്ത്രാലയത്തിന്റെ നടപടി. നാലാമത്തെ എസ്എസ്ബിഎന്നിന് S4*(എസ്4) എന്ന കോഡ് നാമമാണ് നൽകിയിരിക്കുന്നത്. 75 ശതമാനത്തോളം തദ്ദേശീയമായി നിർമ്മിച്ചിരിക്കുന്ന എസ്4ൽ 3,500 കിലോമീറ്റർ ദൂരപരിധിയുള്ള കെ4 ആണവ ബാലിസ്റ്റിക് മിസൈലുകളാണ് ക്രമീകരിച്ചിരിക്കുന്നത്. വെർട്ടിക്കൽ ലോഞ്ചിങ രീതിയിലാണ് വിക്ഷേപണ സംവിധാനം. 750 കിലോമീറ്റർ ദൂരപരിധിയുള്ള കെ15 ആണവ…

ഐശ്വര്യ ഷിയോറൻ്റെ കഥ ആരംഭിക്കുന്നത് രാജസ്ഥാനിലാണ്. എന്നാൽ അവളുടെ അക്കാദമിക്, പ്രൊഫഷണൽ യാത്രകൾ വേരൂന്നിയത് ഡൽഹിയിലാണ്. ചാണക്യപുരിയിലെ സംസ്കൃതി സ്കൂളിൽ നിന്നും സ്കൂൾ വിദ്യാഭ്യാസം പൂർത്തിയാക്കി. പന്ത്രണ്ടാം ക്ലാസിൽ 97.5 ശതമാനം മാർക്കുമായി സ്കൂൾ ടോപ്പറായിരുന്നു. ദില്ലിയിലെ ശ്രീറാം കോളേജ് ഓഫ് കൊമേഴ്സിൽ നിന്ന് ബിരുദം പൂർത്തിയാക്കി. 2018 ൽ ഇൻഡോർ ഐഐഎം ൽ പ്രവേശനം ലഭിച്ചെങ്കിലും യുപിഎസ്‍സി പരീക്ഷക്ക് തയ്യാറെടുക്കാനാണ് ഐശ്വര്യ തീരുമാനിച്ചത്. അവളുടെ അച്ഛൻ കേണൽ അജയ് ഷിയോറൻ ഇന്ത്യൻ ആർമിയിൽ സേവനമനുഷ്ഠിച്ച ആളാണ്. അമ്മ സുമൻ ഒരു വീട്ടമ്മയാണ്. ഇപ്പോൾ മുംബൈയിലാണ് ഈ കുടുംബം താമസിക്കുന്നത്. ഐശ്വര്യ എപ്പോഴും അഡ്മിനിസ്ട്രേറ്റീവ് സർവീസിൽ ഒരു കരിയർ ആയിരുന്നു ആഗ്രഹിച്ചിരുന്നത്. എന്നാൽ മകൾ മിസ് ഇന്ത്യയാകുമെന്ന അമ്മയുടെ സ്വപ്നങ്ങൾ അവളെ മോഡലിംഗ് ലോകത്തേക്ക് നയിച്ചു. 2014 ലെ ക്ലീൻ ആന്റ് ക്ലിയർ ഫേസ് ഫ്രെഷ് ഫൈനലിസ്റ്റും 2016 ലെ ഫെമിന മിസ് ഇന്ത്യയുമായിരുന്നു രാജസ്ഥാനിലെ ചുരു സ്വദേശിയായ ഐശ്വര്യ. അമ്മയുടെ സ്വപ്‌നങ്ങൾ…

അതിവേഗ ഡെലിവറി നടത്തുന്ന ക്വിക് കൊമേഴ്സ് എന്ന ആശയത്തിന് ഇന്ത്യയിൽ പ്രചാരം നൽകിയ സ്റ്റാർട്ടപ്പ് ആണ് സെപ്റ്റോ. ഗ്രോസറി സാധനങ്ങൾ 16 മിനിറ്റ് കൊണ്ട് വീട്ടിലെത്തിക്കുന്ന സെപ്റ്റോ ഐപിഒ പ്രവേശനത്തിന് ഒരുങ്ങുകയാണ്. സ്റ്റോക് മാർക്കറ്റ് പ്രവേശനത്തിന് ഒരുങ്ങുന്ന കമ്പനി ഇതിന് മുന്നോടിയായി 1260 കോടി രൂപയാണ് ഇന്ത്യൻ നിക്ഷേപകരിൽ നിന്നും സമാഹരിക്കാൻ ഉന്നം വെയ്ക്കുന്നത്. 2021ൽ സുഹൃത്തുക്കളായ കൈവല്ല്യ വോഹ്റയും ആദിത് പാലിച്ചയും ചേർന്നാണ് സെപ്റ്റോ ആരംഭിക്കുന്നത്. ഒരു വർഷം കൊണ്ടുതന്നെ 100 മില്ല്യൺ ഡോളർ സമാഹരണം എന്ന അത്ഭുത വളച്ചയിലേക്ക് കമ്പനി എത്തി. അതിവേഗം സാധനങ്ങൾ വീട്ടുപടിക്കലെത്തിക്കുന്നതാണ് സെപ്റ്റോയുടെ സവിശേഷത. പച്ചക്കറി, പാൽ, ഹൈജീൻ ഉത്പന്നങ്ങൾ ഉൾപ്പെടെ മൂവായിരത്തിലധികം സാധനങ്ങൾ സെപ്റ്റോ ഞോടിയിടയിൽ എത്തിക്കും. 2023ൽ 200 മില്ല്യൺ ഡോളർ സമാഹരിച്ച് സെപ്റ്റോ മൂല്യം 900 മില്ല്യണിൽ എത്തിച്ചു. രാജ്യത്തെ ഏറ്റവും പ്രായം കുറഞ്ഞ സെൽഫ് മെയിഡ് ബില്ല്യണയർസ് ആണ് സെപ്റ്റോ സ്ഥാപകരായ ആദിത് പാലിച്ചയും കൈവല്ല്യ വോഹ്റയും. ഹുറൂൺ…