വ്യവസായ ലോകം കാത്തിരുന്ന ഇന്വെസ്റ്റ്മെന്റ് പ്രമോഷന് ബില് കേരള നിയമസഭ പാസാക്കി. 30 ദിവസങ്ങള്ക്കുളളില് പൂര്ണമായോ വ്യവസ്ഥകള്ക്ക് വിധേയമായോ സംരംഭങ്ങള്ക്ക് അനുമതി നല്കണമന്നുള്പ്പെടെ സംരംഭകര്ക്ക് പ്രയോജനപ്പെടുന്ന നിരവധി നിര്ദ്ദേശങ്ങളാണ് ബില്ലില് ഉളളത്. സംസ്ഥാനത്തെ നിക്ഷേപ സൗഹൃദ സംസ്ഥാനമാക്കി മാറ്റുകയും ഈസ് ഓഫ് ഡൂയിംഗ് ബിസിനസില് നില മെച്ചപ്പെടുത്തുകയുമാണ് ബില്ലിലൂടെ ലക്ഷ്യമിടുന്നത്.
15 കോടി രൂപ വരെ മുതല്മുടക്കുളള സംരംഭങ്ങളെ ജില്ലാ ഏകജാലക ബോര്ഡിന്റെ പരിധിയിലാക്കി. സംരംഭങ്ങള്ക്ക് അപേക്ഷ നല്കി 15 ദിവസങ്ങള്ക്കുളളില് തദ്ദേശ സെക്രട്ടറിയുടെ ഉത്തരവുകളൊന്നും ലഭിച്ചില്ലെങ്കില് അനുമതി കിട്ടിയതായി കണക്കാക്കാം. തെറ്റായ വിവരങ്ങള് നല്കിയാല് അഞ്ച് ലക്ഷം രൂപ പിഴ ഉള്പ്പെടെയുളള കടുത്ത ശിക്ഷാ വ്യവസ്ഥകളും ഉള്പ്പെടുത്തിയിട്ടുണ്ട്. സംരംഭകരുമായി അടുത്തിടപഴകാന് ഇന്വെസ്റ്റ്മെന്റ് ആന്ഡ് പ്രമോഷന് സെല് നിലവില് വരും. ഏകജാലക ബോര്ഡ് നല്കുന്ന അനുമതി എല്ലാ വകുപ്പുകള്ക്കും ബാധകമാണെന്ന വ്യവസ്ഥയും ഉള്പ്പെടുത്തിയിട്ടുണ്ട്.
കയറ്റിറക്കിനായി സ്വന്തം തൊഴിലാളികളെ നിയോഗിക്കാമെന്ന വ്യവസ്ഥയായിരുന്നു ബില്ലില് ആകര്ഷകമായ വ്യവസ്ഥകളില് ഒന്ന്. എന്നാല് ചില അംഗങ്ങളും ട്രേഡ് യൂണിയനുകളും ശക്തമായ എതിര്പ്പുന്നയിച്ചതിനെ തുടര്ന്ന് ഇത് പിന്വലിച്ചു. യന്ത്രസഹായവും വൈദഗ്ധ്യവും വേണ്ട കയറ്റിറക്കിന് മാത്രം സംരംഭകര്ക്ക് സ്വന്തം തൊഴിലാളികളെ നിയോഗിക്കാമെന്ന വ്യവസ്ഥ പകരം ഉള്പ്പെടുത്തി. ലൈസന്സിന് പൊതു അപേക്ഷാഫോറം ഏര്പ്പെടുത്തിയതുള്പ്പെടെയുളള പരിഷ്കാരങ്ങളും ബില്ലിലൂടെ നടപ്പിലാകും.
Kerala assembly passed the Kerala Investment Promotion and Facilitation Bill, 2018. During the discussion in assembly Industries Minister A C Moideen says that the state government has been able to attract investment to the tune of Rs 9,127 crore in the past two years in the industrial sector. Through this, the government aims at avoiding delays in granting various licences, permissions, approvals and clearances required under existing laws.
