എന്താണ് Jobveno.com
സ്ത്രീകള്ക്ക് ജോലി കണ്ടെത്താനും വീട്ടിലിരുന്നു ജോലി നേടാനും സഹായിക്കുന്ന ഓണ്ലൈന് പ്ലാറ്റ്ഫോം ആണ് Jobveno.com. പൂര്ണ്ണിമ വിശ്വനാഥന് എന്ന വനിതാ സംരംഭകയാണ് ഈ സ്റ്റാര്ട്ടപ്പിന് പിന്നില്. Jobveno.com എന്ന വെബ്സൈറ്റും മൊബൈല് ആപ്ലിക്കേഷനും സ്ത്രീകള്ക്ക് ജോലി കണ്ടെത്താന് സഹായിക്കുമെന്ന് പൂര്ണ്ണിമ പറയുന്നു. ജോലി തേടുന്നവര്ക്ക് വളരെ ഈസിയായി വെബ്സൈറ്റിലും ആപ്പിലും റെജിസ്റ്റര് ചെയ്യാമെന്ന് പൂര്ണ്ണിമ പറയുന്നു
എന്തുകൊണ്ട് ഇത്തരമൊരു പ്ലാറ്റ്ഫോം
ബാങ്കില് ലീഗല് ഓഫീസറായി പ്രവര്ത്തിച്ചിരുന്ന പൂര്ണിമയ്ക്ക് വിവാഹത്തോടെ ജോലി ഉപേക്ഷിക്കേണ്ടി വന്നു. കുഞ്ഞ് ജനിച്ചതോടെ ജോലിയിലേക്ക് തിരികെ മടങ്ങാനുള്ള സാധ്യതയും ഇല്ലാതായി. എന്നാല് പ്രൊഫഷണല് റിക്രൂട്ട്മെന്റ് നടത്തുന്ന എച്ച്ആര് കണ്സള്ട്ടന്സിയിലൂടെ പൂര്ണിമ സ്വയം സംരംഭകയായി. പ്രഫഷണല്സിന് മാത്രമായി സര്വ്വീസ് നല്കാന് സാധിച്ചപ്പോള് സ്ത്രീകള്ക്ക് വേണ്ടി എക്സ്ക്ലൂസീവായി എന്തെങ്കിലും ചെയ്യണമെന്ന് തോന്നി.അങ്ങിനെയാണ് പൂര്ണ്ണിമയും നാല് പേരും ജോബ് വേണോ ഡോട്കോം എന്ന ആശയത്തിലേക്ക് എത്തിയത്
മികച്ച സ്റ്റാര്ട്ടപ്പ് തുടക്കം
സ്ത്രീകള്ക്ക് ഫ്ളെക്സിബിളായിട്ടുള്ള ജോലി കണ്ടെത്താനുള്ള പ്ലാറ്റ്ഫോമില്ലെന്ന് മനസിലാക്കിയതില് നിന്നാണ് Jobveno.com എന്ന സ്റ്റാര്ട്ടപ്പ് ആശയത്തിലെത്തിയതെന്ന് പൂര്ണിമ പറയുന്നു. ഗ്രാജ്വേറ്റ്, അണ്ടര് ഗ്രാജ്വേറ്റ് ലെവലില് ജോലി നോക്കുന്നവര്ക്ക് വേണ്ടിയാണ് Jobveno.com പ്രധാനമായും സഹായകമാകുന്നത്. ഇന്ത്യയിലുടനീളം ജോലി അന്വേഷിക്കുന്നവര്ക്ക് അവസരം നല്കുന്ന ഒരു പ്ലാറ്ഫ്ഫോമാക്കി ജോബ് വേണോ ഡോട്കോമിനെ മാറ്റുകയാണ് ലക്ഷ്യമെന്ന് പൂര്ണ്ണിമ പറയുന്നു
