‘സ്മാര്‍ട്ട് ഇന്‍കുബേറ്റര്‍ ഓഫ് ദി ഇയര്‍’ പുരസ്‌ക്കാരം കളമശ്ശേരി മേക്കര്‍ വില്ലേജിന്. രാജ്യത്തെ മികച്ച ഇന്‍കുബേറ്ററുകള്‍ക്ക് ഇന്ത്യ സ്മാര്‍ട്ട് ഗ്രിഡ് ഫോറം (ഐഎസ്ജിഎഫ്) ഏര്‍പ്പെടുത്തിയിരിക്കുന്ന പുരസ്‌ക്കാരമാണിത്. ഡീപ് ടെക് ഇന്‍കുബേറ്റര്‍ വിഭാഗത്തിലാണ് ഐഐഐടിഎം-കെയുടെ കീഴിലുള്ള ഹാര്‍ഡ്വെയര്‍ ഇന്‍കുബേറ്ററായ മേക്കര്‍വില്ലേജിന് പുരസ്‌ക്കാരം ലഭിച്ചത്.
സ്റ്റാര്‍ട്ടപ്പ് അന്തരീക്ഷത്തെ സഹായിക്കാനും നൂതനത്വം പ്രോത്സാഹിപ്പിക്കാനും മേക്കര്‍വില്ലേജ് നല്‍കിയ സംഭാവനകള്‍ പരിഗണിച്ചാണ് പുരസ്‌ക്കാരം. പ്രതിരോധ ഗവേഷണത്തില്‍ സ്റ്റാര്‍ട്ടപ്പുകളുടെ സഹകരണം ഉറപ്പാക്കുന്ന ഇന്നവേഷന്‍സ് ഫോര്‍ ഡിഫന്‍സ് എക്സലന്‍സിന്റെ (ഐഡെക്സ്) പങ്കാളിയാണ് മേക്കര്‍വില്ലേജ്.
