സെൽഫ് ഹെൽപ്പ് ഗ്രൂപ്പുകൾക്ക് ഇ-കൊമേഴ്സ് പ്ലാറ്റ്ഫോമുമായി സർക്കാർ
സ്വയം സഹായ സംഘങ്ങൾ നിർമ്മിക്കുന്ന ഉൽപ്പന്നങ്ങൾക്ക് ഇ-കൊമേഴ്സ് പ്ലാറ്റ്ഫോം സ്ഥാപിക്കുമെന്ന് പ്രധാനമന്ത്രി നരേന്ദ്രമോദി.
സ്വയംസഹായ സംഘങ്ങളുമായി ചേർന്ന് ഉൽപന്നങ്ങൾ നിർമ്മിക്കുന്ന 8 കോടിയിലധികം സ്ത്രീകൾ ഇന്ത്യൻ ഗ്രാമങ്ങളിലുണ്ട്.
അവരുടെ ഉൽപ്പന്നങ്ങൾക്ക് രാജ്യത്ത് ഒരു വലിയ വിപണി ലഭിക്കുന്നതിന് സർക്കാർ ഒരു ഇ-കൊമേഴ്സ് പ്ലാറ്റ്ഫോം ഒരുക്കും.
രാജ്യത്തും വിദേശത്തും ഒരു വലിയ വിപണി ലഭിക്കുന്നതിനുളള ഇ-കൊമേഴ്സ് പ്ലാറ്റ്ഫോം പദ്ധതിയിടുന്നു.
വോക്കൽ ഫോർ ലോക്കൽ’ എന്ന മുദ്രാവാക്യവുമായി രാജ്യം മുന്നോട്ട് പോവുകയാണെന്നും പ്രധാനമന്ത്രി പറഞ്ഞു.
തദ്ദേശീയ ഉൽപ്പന്നങ്ങൾ വാങ്ങേണ്ടത് നമ്മുടെ ഉത്തരവാദിത്തമാണെന്നും പ്രധാനമന്ത്രി ഓർമിപ്പിച്ചു.
റോഡ്,വൈദ്യുതി, ഇന്റർനെറ്റ് എന്നിവ ഇന്ത്യൻ ഗ്രാമങ്ങളുടെ മുഖച്ഛായ മാറ്റിയതായും നരേന്ദ്രമോദി പറഞ്ഞു.