റിലയൻസ് റീട്ടെയിൽ വെഞ്ചേഴ്‌സ്, റിലയൻസ് ജിയോ പ്ലാറ്റ്ഫോംസ് എന്നിവയുടെ മെഗാ ഐപിഒകൾ ഈ വർഷം അവതരിപ്പിക്കുമെന്ന് റിപ്പോർട്ട്
ഈ വർഷത്തെ റിലയൻസ് ഇൻഡസ്ട്രീസിന്റെ വാർഷിക പൊതുയോഗത്തിൽ മുകേഷ് അംബാനി ഇത് സംബന്ധിച്ച് പ്രഖ്യാപനം നടത്തിയേക്കും
ഓരോ കമ്പനിയും ഓഹരി വിൽപ്പനയിൽ നിന്ന് 50,000 കോടി രൂപ മുതൽ 75,000 കോടി രൂപ വരെ സമാഹരിക്കാൻ സാധ്യതയെന്നാണ് റിപ്പോർട്ട്
ഇന്ത്യയിലെ ലിസ്റ്റിംഗിനൊപ്പം ഒരേസമയം റിലയൻസ് റീട്ടെയിൽ വെഞ്ചേഴ്‌സ്, റിലയൻസ് ജിയോ പ്ലാറ്റ്ഫോംസ് എന്നിവയുടെ ആഗോള ലിസ്റ്റിംഗും പ്രവചിക്കപ്പെടുന്നു
ടെക് കമ്പനികളുടെ ലോകത്തിലെ ഏറ്റവും വലിയ വിപണിയായ നാസ്ഡാക്ക് പ്ലാറ്റ്‌ഫോമിൽ റിലയൻസ് ജിയോയും ലിസ്റ്റ് ചെയ്യപ്പെട്ടേക്കാം
420 ദശലക്ഷം വരിക്കാരുള്ള ലോകത്തിലെ ഏറ്റവും വലിയ ടെലികോം സേവന ദാതാക്കളിൽ ഒന്നാണ് റിലയൻസ് ജിയോ
2020-ൽ, റിലയൻസ് ജിയോ പ്ലാറ്റ്ഫോംസിൽ ഫേസ്‌ബുക്കും ഗൂഗിളും ഉൾപ്പെടെ 13 നിക്ഷേപകർ 33 ശതമാനം ഓഹരികൾ നേടിയിരുന്നു
പലചരക്ക് സാധനങ്ങൾ, വസ്ത്രങ്ങൾ, പാദരക്ഷകൾ, കൺസ്യൂമർ ഇലക്ട്രോണിക്സ് എന്നിവ വിൽക്കുന്ന RRVL-ന് ഇന്ത്യയിലുടനീളം ഏകദേശം 14,500 സ്റ്റോറുകളുണ്ട്
RRVL-ന് ഏകദേശം 8 ലക്ഷം കോടി രൂപ മൂല്യമുള്ളതായാണ് കണക്കാക്കാക്കുന്നത്
RRVL, RJPL എന്നിവയുടെ ഏറ്റവും വലിയ പ്രൊമോട്ടറായ RIL-ന്റെ വിപണി മൂലധനം 250 ബില്യൺ ഡോളർ ആണ്
