കഴിഞ്ഞ ദിവസങ്ങളിലെല്ലാം വാർത്തകളിൽ നിറഞ്ഞു നിന്നത് ആധാറിനെ കുറിച്ചുളള ചർച്ചകളായിരുന്നു. 16 അക്ക ആധാർ നമ്പറിന്റെ അവസാന നാലക്കങ്ങൾ മാത്രം പ്രദർശിപ്പിക്കുന്ന മാസ്ക്ഡ് ആധാർ ഡൗൺലോഡ് ചെയ്യണമെന്ന യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയുടെ നിർദ്ദേശം വലിയ ചർച്ചകൾക്ക് ഇടയാക്കി. ആധാര് ദുരുപയോഗം തടയുന്നതിന് ബംഗളുരു മേഖലാ ഓഫീസ് പുറത്തിറക്കിയ മാര്ഗനിര്ദേശം പക്ഷേ ആശങ്കകൾക്കു വഴി വെച്ചു.ആധാർവിവരങ്ങൾ മറ്റുള്ളവരുമായി പങ്കുവെക്കരുത്. ദുരുപയോഗം തടയാൻ ആധാർ കാർഡിൻ്റെ മാസ്ക് ചെയ്ത കോപ്പി മാത്രം നൽകണം. അവസാന നാല് അക്കങ്ങൾ മാത്രം കാണാൻ കഴിയുന്ന തരത്തിലാകണം മാസ്ക് ചെയ്യണ്ടേത്. യുഐഡിഎഐയിൽ നിന്ന് ലൈസൻസ് നേടിയ സ്ഥാപനങ്ങൾക്ക് മാത്രമേ തിരിച്ചറിയലിനായി ആധാർ ഉപയോഗിക്കാനാകൂ.
ഹോട്ടലുകളോ തിയേറ്ററുകളോ ലൈസൻസില്ലാത്ത സ്വകാര്യസ്ഥാപനങ്ങളോ ആധാർകാർഡിന്റെ പകർപ്പുകൾ വാങ്ങിസൂക്ഷിക്കുന്നത് കുറ്റകരമാണ്.സ്വകാര്യസ്ഥാപനം ആധാർകാർഡ് ആവശ്യപ്പെട്ടാൽ, അവർക്ക് അംഗീകൃത ലൈസൻസുണ്ടോയെന്ന് പരിശോധിക്കമെന്നും നിർദ്ദേശത്തിൽ പറഞ്ഞിരുന്നു. വിവരങ്ങളില് വ്യക്തത വരുത്താനായി പുറത്തിറക്കിയ നിര്ദേശങ്ങള്, ജനങ്ങളില് ആശങ്കയുണ്ടാക്കുമെന്ന് മനസിലാക്കി സര്ക്കാര് തന്നെ പിന്നീട് പിന്വലിക്കുകയായിരുന്നു.
തിരക്കിട്ട് നൽകിയ മാര്ഗനിര്ദേശങ്ങള് ആധാര് വിവരങ്ങള് ചോര്ന്നോ എന്ന അഭ്യൂഹത്തിനിടയാക്കി. എന്നാല് പലരും ആധാര് കാര്ഡ് ഉപയോഗിക്കുന്നതു അശ്രദ്ധമായാണെന്നാണ് പഠനങ്ങള് വ്യക്തമാക്കുന്നത്. ഒരു മുന്കരുതല് നടപടി എന്ന നിലയിലാണ് മാർഗനിർദേശങ്ങൾ പുറത്തിറക്കിയത്. വ്യക്തികളുടെ ആധാര് വിവരങ്ങള്ക്കു ഏറ്റവും മികച്ച സുരക്ഷയാണ് സര്ക്കാര് നൽകുന്നത്.
അതുകൊണ്ടു ആശങ്കക്ക് അടിസ്ഥാനമില്ലെന്നാണ് സർക്കാർ വൃത്തങ്ങൾ സൂചിപ്പിക്കുന്നത്. പിൻവലിക്കപ്പെട്ടെങ്കിലും UIDAI ബംഗളുരു ഓഫീസ് പുറത്തിറക്കിയ മാര്ഗനിര്ദേശങ്ങള് പ്രസക്തമാണ്. എല്ലായിടത്തും രേഖയെന്ന രീതിയില് ആധാര് ഉപയോഗിക്കുന്നതു ശരിയല്ലെന്നും അതിന് ഒട്ടനവധി മറ്റു രേഖകളുണ്ടെന്നുമുളള ഓർമപ്പെടുത്തലാണിത്.
ഇനി മാസ്ക്ഡ് ആധാർ എങ്ങനെ യുഐഡിഎഐ വെബ്സൈറ്റിൽ നിന്ന് ഡൗൺലോഡ് ചെയ്യുമെന്ന് നോക്കാം;
Step 1: https://eaadhaar.uidai.gov.in/-ലിങ്കിൽ ക്ലിക്ക് ചെയ്യുക
Step 2: 12 അക്ക ആധാർ കാർഡ് നമ്പർ നൽകുക.
Step 3: ‘ ‘I want a masked Aadhaar.’ എന്ന് പറയുന്ന ബോക്സിൽ ടിക്ക് ചെയ്യുക.
Step 4: സ്വയം സാധൂകരിക്കുന്നതിന്, Captcha verification code നൽകുക.
Step 5: ‘Send OTP’ ഓപ്ഷൻ തിരഞ്ഞെടുക്കുക.
Step 6: നിങ്ങളുടെ ഇ-ആധാർ കോപ്പി ഡൗൺലോഡ് ചെയ്യുക മാത്രമാണ് ഇനി അവശേഷിക്കുന്നത്.
Step 7: OTP നൽകി “Download Aadhaar” എന്നതിൽ ക്ലിക്ക് ചെയ്യുക.
എല്ലാ കാര്യങ്ങള്ക്കും പൂര്ണ ആധാര് നല്കേണ്ടതില്ല എന്നതിനാലാണ് സര്ക്കാര് മാസ്ക്ഡ് ആധാര് പുറത്തിറക്കിയിരിക്കുന്നത്. ഇന്ന് ഒട്ടുമിക്ക സേവനങ്ങളും ആധാറുമായി ബന്ധിപ്പിച്ചിരിക്കുന്നതിനാല് ഉപയോക്താക്കള് ജാഗ്രത പാലിക്കേണ്ടതുണ്ട്.
