ലോകത്തിലെ ഏറ്റവും വലിയ മൂന്നാമത്തെ ധനികനായ ഗൗതം അദാനിയും റിലയൻസ് ഇൻഡസ്ട്രീസിന്റെ തലവൻ മുകേഷ് അംബാനിയും No-poaching കരാറിൽ ഏർപ്പെടുന്നു. ഇരു ഗ്രൂപ്പ് സ്ഥാപനങ്ങളിലെയും ജീവനക്കാരെ പരസ്പരം നിയമിക്കുന്നതിൽ നിന്ന് വിട്ടുനിൽക്കും. മീഡിയയിലും ന്യൂ എനർജി ബിസിനസ്സുകളിലും ഒരു Talent War ഒഴിവാക്കുകയാണ് ലക്ഷ്യമിടുന്നത്. ഈ വർഷം മെയ് മുതൽ കരാർ പ്രാബല്യത്തിൽ വന്നു, ഇത് അവരുടെ എല്ലാ ബിസിനസുകൾക്കും ബാധകമായിരിക്കും. എന്നാൽ കരാർ സംബന്ധിച്ച് ഇരുഗ്രൂപ്പുകളും മാധ്യമങ്ങളോട് പ്രതികരിച്ചില്ല. ഈ കരാർ ഇന്ത്യയിലെ ഏറ്റവും വലിയ രണ്ട് പ്രമുഖ കമ്പനികൾക്കിടയിൽ സംഭവിച്ചതിൽ വ്യവസായലോകം വലിയ കൗതുകത്തിലാണ്. പെട്രോകെമിക്കൽ വ്യവസായത്തിൽ റിലയൻസിന് വലിയ സ്വാധീനമുണ്ട്, കഴിഞ്ഞ വർഷം അദാനി പെട്രോകെമിക്കൽസ് ലിമിറ്റഡിലൂടെ അദാനി ഗ്രൂപ്പ് അതിന്റെ അരങ്ങേറ്റം പ്രഖ്യാപിച്ചു. 5G സ്പെക്‌ട്രം ലേലത്തിൽ പങ്കെടുത്ത അദാനി അതിവേഗ ഡാറ്റ സേവനങ്ങളിലേക്കും റിലയൻസിന് പിന്നാലെ എത്തി. അദാനി ഡാറ്റ നെറ്റ്‌വർക്ക്സ് വഴി ലൈസൻസുള്ള ആറ് സേവന മേഖലകളിലെ എന്റർപ്രൈസ് ഉപഭോക്താക്കൾക്ക് സേവനം നൽകാനാണ് അദാനി ഗ്രൂപ്പ് ശ്രമിക്കുന്നത്.
പുനരുപയോഗ ഊർജം, വൈദ്യുതി ഉൽപ്പാദനം & വിതരണം, തുറമുഖങ്ങൾ, വിമാനത്താവളങ്ങൾ, സൗരോർജ്ജം, പ്രകൃതി വിഭവങ്ങൾ എന്നിവയിലും അദാനി ഗ്രൂപ്പുണ്ട്. റിലയൻസ് ജിയോ ഇൻഫോകോം ലോകത്തിലെ മൂന്നാമത്തെ വലിയ മൊബൈൽ നെറ്റ്‌വർക്ക് ഓപ്പറേറ്ററാണ്, 426 മില്യൺ സബ്‌സ്‌ക്രിപ്‌ഷൻ ബേസ് ഉള്ളതിനാൽ 5G സ്പെക്‌ട്രത്തിന്റെ ഏറ്റവും വലിയ ലേലക്കാരനായി മാറിയിരുന്നു. ഇന്ത്യയിൽ പ്രതിഭകൾ കുറവുള്ള നിരവധി മേഖലകളിൽ രണ്ട് ഗ്രൂപ്പുകൾക്കും സാന്നിധ്യമുള്ളതിനാൽ, പ്രതിഭായുദ്ധം തടയാൻ ഈ ഉടമ്പടി സഹായിക്കും. മാധ്യമങ്ങൾ ഇരുഗ്രൂപ്പിനും സാന്നിധ്യമുള്ള മറ്റൊരു മേഖലയാണ്. അവിടെയും മറ്റ് ഗ്രൂപ്പിൽ നിന്നുള്ള ഓഫറുകൾ സ്വീകരിക്കാൻ കഴിയില്ലെന്ന് അറിയിച്ചിട്ടുണ്ട്.
എന്നാൽ ഈ കരാറുകളിൽ ഭൂരിഭാഗവും അനൗപചാരികവും കോടതിയിൽ നിലനിൽക്കാത്തതുമാണെന്ന് വിദഗ്ധർ അവകാശപ്പെടുന്നു. എന്നിരുന്നാലും, രണ്ട് വലിയ കമ്പനികൾ Non-poaching കരാറിൽ ഏർപ്പെട്ടിരിക്കുന്നതിനാൽ, ബോർഡിലുടനീളം ജീവനക്കാർക്ക് നിയന്ത്രണമേർപ്പെടുത്തിയേക്കാമെന്നാണ് റിപ്പോർട്ടുകൾ സൂചിപ്പിക്കുന്നത്.
മുകേഷ് അംബാനിയും (88.8 ബില്യൺ ഡോളർ) ഗൗതം അദാനിയും (150 ബില്യൺ ഡോളർ) ഇന്ത്യയിലെ ഏറ്റവും മികച്ച 10 ശതകോടീശ്വരന്മാരുടെ കൈവശമുള്ള സമ്പത്തിന്റെ 59% ആണ് കൈവശപ്പെടുത്തിയിരിക്കുന്നത്. RIL-ന്റെ വിപണി മൂലധനം 16,94,143 കോടി രൂപയാണെങ്കിൽ, അദാനി ഗ്രൂപ്പിന്റെ ലിസ്റ്റഡ് കമ്പനികളുടെ മൊത്തം വിപണി മൂല്യം 21,28,656 കോടി രൂപയാണ്.
The third-richest man in the world, Gautam Adani, and Mukesh Ambani, the head of Reliance Industries, have agreed to refrain from hiring employees from one another as part of a no-poaching pact. The agreement will be applicable to all of their operations as of May of this year. Business Insider’s inquiries to both organisations went unanswered.
