പൊതുമേഖലാ സ്ഥാപനമായ കേരള ഓട്ടോമൊബൈല്‍സ് ലിമിറ്റഡ് (കെ.എ.എല്‍) പുറത്തിറക്കിയ ഇ – കാര്‍ട്ടുകളുടെ ലോഞ്ചിംഗും വിപണന ഉദ്ഘാടനവും വ്യവസായ വകുപ്പ് മന്ത്രി പി രാജീവ് നിര്‍വഹിച്ചു.
തദ്ദേശീയമായി നിര്‍മിച്ച ബാറ്ററിയില്‍ പ്രവര്‍ത്തിക്കുന്ന കേരള ഗ്രീന്‍ സ്ട്രീം ഇ – കാര്‍ട്ടിന് 2,765 എം.എം നീളവും 980 എം.എം വീതിയുമുണ്ട്.
2,200 എം.എം വീല്‍ ബേസും 145 എം.എം ഗ്രൗണ്ട് ക്ലിയറന്‍സുമുണ്ട്.
300 കിലോഗ്രാം വരെ സാധനങ്ങൾ കൊണ്ടുപോകാൻ ശേഷിയുള്ള വാഹനങ്ങൾക്ക് ഒറ്റ ചാർജിൽ 90 കിലോമീറ്റർ സഞ്ചരിക്കാനാകും.
ഇടുങ്ങിയ നഗര വീഥികളിൽ ഉപയോഗിക്കാൻ പ്രാപ്തമാക്കുന്ന തരത്തിൽ വീതി കുറഞ്ഞ ശരീരത്തോടെയാണ് വാഹനങ്ങൾ രൂപകൽപ്പന ചെയ്തിരിക്കുന്നത്. മാലിന്യ നിര്‍മാര്‍ജനത്തിന് ഉപയോഗിക്കാന്‍ കഴിയുന്ന രീതിയിലുള്ള ഇ – കാര്‍ട്ടുകളാണ് നിലവില്‍ പുറത്തിറക്കിയിരിക്കുന്നത്. വിവിധ തദ്ദേശ സ്വയംഭരണ സ്ഥാപനങ്ങൾ വാഹനങ്ങൾ വാങ്ങാൻ താൽപ്പര്യം പ്രകടിപ്പിച്ചിട്ടുണ്ട്. ഉദ്ഘാടന ചടങ്ങിൽ നേരത്തെ ഓർഡർ നൽകിയ വിവിധ തദ്ദേശ സ്ഥാപന പ്രതിനിധികൾക്ക് വാഹനങ്ങളുടെ താക്കോൽ മന്ത്രി കൈമാറി.
നെടുമങ്ങാട് ബ്ലോക്ക് പഞ്ചായത്ത് അഞ്ച് ഇ-കാർട്ടുകൾ വാങ്ങിയപ്പോൾ ഫിറോക്ക് മുനിസിപ്പാലിറ്റി മൂന്നും കൊച്ചി സ്മാർട്ട് സിറ്റി രണ്ടും വാങ്ങി. തവനൂർ, മാന്നാർ, മാരാരിക്കുളം ഗ്രാമപഞ്ചായത്തുകളും ഓർഡർ നൽകിയിരുന്നു. നഗര-ഗ്രാമ തദ്ദേശ സ്ഥാപനങ്ങൾക്ക് മാലിന്യ ശേഖരണത്തിന് വാഹനങ്ങൾ അനുയോജ്യമാകുമെന്ന് മന്ത്രി പറഞ്ഞു. മഹാരാഷ്ട്രയിലെ സ്വകാര്യ കമ്പനി നല്‍കിയ 100 ഓട്ടോറിക്ഷകളുടെ ഓര്‍ഡര്‍ ചടങ്ങില്‍ കെ.എ.എല്‍ മാനേജിംഗ് ഡയറക്ടര്‍ പി.വി. ശശീന്ദ്രന്‍ ഏറ്റുവാങ്ങി. ഇലക്ട്രിക് സ്‌കൂട്ടറുകളുടെ നിര്‍മാണവും KAL ആരംഭിച്ചിട്ടുണ്ട്. ഡല്‍ഹി, രാജസ്ഥാന്‍, ഉത്തര്‍പ്രദേശ്, പഞ്ചാബ്, ഗുജറാത്ത് തുടങ്ങിയ സംസ്ഥാനങ്ങളിൽ കെ.എ.എല്ലിന്റെ വാഹനങ്ങള്‍ ഉപയോഗിക്കുന്നുണ്ട്. കെ..എ.എല്‍ പുറത്തിറക്കുന്ന വാഹനങ്ങള്‍ക്ക് കൂടുതല്‍ സംസ്ഥാനങ്ങളിലെ വിപണികളില്‍ ഇടം പിടിക്കാന്‍ കഴിയുമെന്ന് വ്യവസായ മന്ത്രി പറഞ്ഞു.
മൂന്ന് കോടിയിലധികം രൂപയുടെ ഓർഡറുകൾ ഇതുവരെ ലഭിച്ചതായി കെഎഎൽ മാനേജിംഗ് ഡയറക്ടർ പി.വി.ശശീന്ദ്രൻ പറഞ്ഞു. ഓരോ ഇ-കാർട്ടിനും നികുതി ഉൾപ്പെടെ 2.36 ലക്ഷം രൂപയാണ് ചെലവ്. ഒരു വർഷം കൊണ്ട് KAL സൗകര്യത്തിലാണ് വാഹനം വികസിപ്പിച്ചത്. മോട്ടോർ, ബാറ്ററി, കൺട്രോളർ എന്നിവ തദ്ദേശീയമായി വികസിപ്പിച്ചെടുത്തതാണ്.
ടെണ്ടര്‍ നടപടികളില്ലാതെ തദ്ദേശസ്വയംഭരണ സ്ഥാപനങ്ങള്‍ക്ക് കെ.എ.എല്ലില്‍ നിന്നും ഇലക്ട്രിക് വാഹനങ്ങള്‍ വാങ്ങാനുളള ഉത്തരവിറക്കിയിട്ടുണ്ട്. കേരളത്തെ ഇലക്ട്രിക് വാഹന നിര്‍മ്മാണ ഹബ്ബായി വികസിപ്പിക്കുമെന്നും മന്ത്രി പി.രാജീവ് പറഞ്ഞു. വിവിധ തദ്ദേശസ്ഥാപനങ്ങള്‍ക്കും, സ്മാര്‍ട്ട് സിറ്റി, കുടുംബശ്രീ തുടങ്ങിയവയ്ക്കും ഇ -കാര്‍ട്ടുകള്‍ നൽകാനാണ് കെ.എ.എല്‍ ലക്ഷ്യമിടുന്നത്. കൊച്ചി സ്മാര്‍ട്ട് സിറ്റിയില്‍ നിന്നും ഇ – കാര്‍ട്ടുകള്‍ക്ക് ഓര്‍ഡര്‍ ലഭിച്ചിട്ടുണ്ട്.
നെടുമങ്ങാട് ബ്ലോക്ക് പഞ്ചായത്ത് അഞ്ചും ഫെറോക്ക് മുന്‍സിപ്പാലിറ്റി മൂന്നും ഇ – കാര്‍ട്ടുകള്‍ വാങ്ങിയിട്ടുണ്ട്. എല്ലാ ജില്ലകളിലും ഇതരസംസ്ഥാനങ്ങളിലും ആഫ്റ്റര്‍ സെയില്‍സ് സര്‍വ്വീസോടുകൂടിയ ഡീലര്‍ ശൃംഖലയും വികസിപ്പിക്കുന്നുണ്ട്.
Industries Minister P Rajeev performed the launch and marketing of e-karts launched by Kerala Automobiles Limited (KAL), a public sector undertaking under the state government.
