ലോകത്തിലെ ഏറ്റവും വലിയ ഇലക്ട്രോണിക്സ് കരാർ നിർമ്മാതാക്കളായ The Hon Hai Technology Group (ഫോക്സ്കോൺ) കർണാടകയിൽ വൻ നിക്ഷേപം നടത്തുന്നു. ബെംഗളൂരുവിൽ ഒരു ഇലക്ട്രോണിക്സ് നിർമ്മാണ, അസംബ്ലി യൂണിറ്റ് ഫോക്സ്കോൺ സ്ഥാപിക്കും. ആപ്പിൾ ഫോണുകളുടെ നിർമ്മാണത്തിൽ ലോകത്തിൽ രണ്ടാം സ്ഥാനത്തുള്ള കമ്പനി കെംപഗൗഡ അന്താരാഷ്ട്ര വിമാനത്താവളത്തിന് സമീപമാണ് നിർമാണ യൂണിറ്റ് സ്ഥാപിക്കുന്നത് പരിഗണിക്കുന്നത്. പുതിയ ബെംഗളൂരു പ്ലാന്റിൽ ഫോക്സ്കോൺ ഒരു ബില്യൺ ഡോളർ വരെ നിക്ഷേപിക്കുമെന്നാണ് റിപ്പോർട്ട്.
നിക്ഷേപം 1 ബില്യൺ വരെ?
ബെംഗളൂരു അന്താരാഷ്ട്ര വിമാനത്താവളത്തിന് സമീപം 300 ഏക്കർ സ്ഥലത്ത് വരുന്ന പ്ലാന്റ് അടുത്ത 10 വർഷത്തിനുള്ളിൽ 100,000 തൊഴിലവസരങ്ങൾ സൃഷ്ടിക്കുമെന്ന് കർണാടക സർക്കാർ പ്രഖ്യാപിച്ചു. 2023 മുതൽ 2027 വരെ നിക്ഷേപം വ്യാപിപ്പിക്കുമെന്നും ഈ കാലയളവിൽ പദ്ധതി പൂർത്തിയാകുമെന്നും സർക്കാർ അറിയിച്ചു.സംസ്ഥാന സർക്കാരോ ഫോക്‌സ്‌കോണോ നിക്ഷേപ തുക വെളിപ്പെടുത്തിയിട്ടില്ലെങ്കിലും 700 മില്യൺ ഡോളർ മുതൽ 1 ബില്യൺ ഡോളർ വരെ നിക്ഷേപം നടത്തുമെന്ന് വ്യവസായ വൃത്തങ്ങൾ അറിയിച്ചു.
ഏതൊക്കെ ഉൽപന്നങ്ങളാണ് അവിടെ നിർമിക്കുകയെന്ന് ഇരുപക്ഷവും വ്യക്തമാക്കിയിട്ടില്ല. എന്നിരുന്നാലും, ഇവിടെ ഐഫോണുകൾ നിർമിക്കുമെന്ന സൂചന കേന്ദ്ര ഇലക്ട്രോണിക്സ്, ഐടി സഹമന്ത്രി രാജീവ് ചന്ദ്രശേഖർ കഴിഞ്ഞ ദിവസം നൽകിയിരുന്നു. കർണാടകയിൽ 300 ഏക്കറിൽ പുതിയ ഫാക്ടറിയിൽ ആപ്പിൾ ഫോണുകൾ നിർമിക്കുമെന്ന് രാജീവ് ചന്ദ്രശേഖർ ട്വീറ്റ് ചെയ്തിരുന്നു.
ഒരു ലക്ഷത്തോളം തൊഴിലവസരങ്ങൾ
ഫോക്സ്കോൺ സിഇഒയും ചെയർമാനുമായ യംഗ് ലിയുവിന്റെ നേതൃത്വത്തിലുള്ള 16 അംഗ ഫോക്സ്കോൺ പ്രതിനിധി സംഘം മുഖ്യമന്ത്രി ബസവരാജ് ബൊമ്മയെ കണ്ട് കരാറിൽ ഒപ്പുവച്ചു. നിർദിഷ്ട നിർമാണ യൂണിറ്റ് സ്ഥാപിക്കുന്ന സ്ഥലവും ലിയു പരിശോധിച്ചു. കൂടാതെ കെമ്പഗൗഡ അന്താരാഷ്ട്ര വിമാനത്താവളത്തിൽ പുതുതായി ഉദ്ഘാടനം ചെയ്ത ടെർമിനൽ 2 സന്ദർശിക്കുകയും ചെയ്തു.
“ലോകപ്രശസ്ത കമ്പനി സംസ്ഥാനത്ത് നിക്ഷേപം നടത്താൻ മുന്നോട്ടുവന്നത് സന്തോഷമുള്ള കാര്യമാണ്,” ഫോക്സ്കോൺ സംഘവുമായുള്ള കൂടിക്കാഴ്ചയ്ക്ക് ശേഷം മുഖ്യമന്ത്രി ബസവരാജ് ബൊമ്മൈ പറഞ്ഞു.ഫോക്സ്കോൺ നിക്ഷേപത്തിലൂടെ സംസ്ഥാനത്ത് ഒരു ലക്ഷത്തോളം തൊഴിലവസരങ്ങൾ സൃഷ്ടിക്കപ്പെടുമെന്നു പ്രതീക്ഷിക്കുന്നതായും മുഖ്യമന്ത്രി പറഞ്ഞു. ഐഫോണുകൾക്കും ആപ്പിളിന്റെ സ്‌മാർട്ട്‌ഫോണിന്റെ ഘടകങ്ങൾക്കും പുറമെ തായ്‌വാൻ കമ്പനി മറ്റ് ഇലക്ട്രോണിക്സ് ഇനങ്ങളും ഇലക്ട്രിക് വാഹന ഭാഗങ്ങളും നിർദ്ദിഷ്ട പ്ലാന്റിൽ നിർമ്മിക്കാൻ സാധ്യതയുണ്ടെന്ന് റിപ്പോർട്ടുകളുണ്ട്. ഫോക്‌സ്‌കോണിന്റെ നിക്ഷേപം കർണാടകയെ മറ്റ് പല മുൻനിര ആഗോള ഇലക്ട്രോണിക്സ് കമ്പനികളെയും ആകർഷിക്കാൻ സഹായിക്കുമെന്ന് സർക്കാർ കരുതുന്നു.10 വർഷത്തിനുള്ളിൽ 100,000 പേർക്ക് തൊഴിൽ നൽകാൻ കഴിയുന്ന ഒരു നിർമ്മാണ കേന്ദ്രം സംസ്ഥാനത്ത് സ്ഥാപിക്കാൻ ഫോക്സ്കോൺ പദ്ധതിയിടുന്നതായി തെലങ്കാന സർക്കാർ പറഞ്ഞതിന് തൊട്ടുപിന്നാലെയാണ് കർണാടകയിലെ ഏറ്റവും പുതിയ പ്രഖ്യാപനം.
വാസ്തവത്തിൽ, കോവിഡുമായി ബന്ധപ്പെട്ട തടസ്സങ്ങൾ കാരണം ഷെങ്‌ഷൗ പ്ലാന്റിലെ നിർമാണം കുത്തനെ ഇടിഞ്ഞതിനെത്തുടർന്ന് തായ്‌വാനീസ് കമ്പനി അതിന്റെ നിർമ്മാണ അടിത്തറ ചൈനയിൽ നിന്ന് ഇന്ത്യയിലേക്ക് മാറ്റാൻ ശ്രമിച്ചു വരികയാണ്. ഇത് ചൈനയെ ആശ്രയിക്കുന്ന വിതരണ ശൃംഖല പുനഃപരിശോധിക്കാൻ ആപ്പിളിനെയും പ്രേരിപ്പിച്ചു.ഫോക്‌സ്‌കോണിന് നിലവിൽ ഇന്ത്യയിൽ രണ്ട് നിർമാണ സൗകര്യങ്ങളുണ്ട് പ്രൊഡക്ഷൻ-ലിങ്ക്ഡ് ഇൻസെന്റീവ് (പിഎൽഐ) സ്കീമിന് കീഴിലാണ് ഫോക്സ്കോൺ നിലവിൽ തമിഴ്നാട്ടിൽ ഐഫോണുകൾ നിർമ്മിക്കുന്നത്. മറ്റൊന്ന് ആന്ധ്രാപ്രദേശിലെ ശ്രീ സിറ്റിയിൽ ഭാരത് FIH Xiaomi പോലുള്ള ബ്രാൻഡുകളുടെ കരാർ നിർമാതാവായി പ്രവർത്തിക്കുന്നു. ആപ്പിളിന്റെ മറ്റ് രണ്ട് കരാർ നിർമ്മാതാക്കൾ PLI സ്കീമിന് കീഴിൽ ഇന്ത്യയിൽ ഐഫോണുകൾ നിർമ്മിക്കുന്നുണ്ട്, തമിഴ്നാട്ടിൽ പെഗാട്രോണും കർണാടകയിൽ വിസ്‌ട്രോണും.
ചൈന, വിയറ്റ്‌നാം തുടങ്ങിയ രാജ്യങ്ങളിൽ നിന്ന് സ്‌മാർട്ട്‌ഫോൺ നിർമ്മാണം ഇന്ത്യയിലേക്ക് ആകർഷിക്കാനാണ് കേന്ദ്രത്തിന്റെ PLI പദ്ധതി ലക്ഷ്യമിടുന്നത്. ഐഫോണുകൾക്കായുള്ള ശക്തമായ ആഭ്യന്തര ഡിമാൻഡും ചൈനയിൽ നിന്നുള്ള ആഗോള വിതരണ ശൃംഖലകളുടെ വൈവിധ്യവൽക്കരണവും കയറ്റുമതിയിലെ കുതിച്ചുചാട്ടവുമാണ് ഫോക്‌സ്‌കോണിന്റെ ഇന്ത്യയിലെ നിക്ഷേപത്തെ നയിക്കുന്നത്. കഴിഞ്ഞ വർഷം, ഫോക്സ്കോൺ അതിന്റെ ഇന്ത്യൻ യൂണിറ്റായ ഹോൺ ഹായ് ടെക്‌നോളജി ഇന്ത്യ മെഗാ ഡെവലപ്‌മെന്റിലേക്ക് 500 മില്യൺ ഡോളർ ഇൻഫ്യൂഷൻ പ്രഖ്യാപിച്ചിരുന്നു.
In India, the world’s second-largest smartphone market, Apple accounts for roughly 1% of smartphone sales, and its costly iPhones are generally considered as a status symbol. Building more phones in India will also help Apple save money on import duties, which drive up its costs even further.
According to sources, Foxconn 2317.TW intends to invest up to $1 billion in expanding a facility in southern India where the Taiwanese contract manufacturer assembles Apple AAPL.O iPhones. The move, the magnitude of which has not previously been revealed, is part of Apple’s discreet and slow movement away from China as it navigates interruptions caused by a trade war between Beijing and Washington, as well as the coronavirus outbreak.
