ആർട്ടിഫിഷ്യൽ ഇന്റലിജൻസ് (AI) നമ്മുടെ ജീവിതത്തിൽ എന്നത്തേക്കാളും വലിയ പങ്ക് വഹിക്കുന്ന ഈ സമയത്ത് നേത്രരോഗങ്ങൾ തിരിച്ചറിയാൻ കഴിയുന്ന ഒരു AI ആപ്പ് സൃഷ്ടിച്ചിരിക്കുകയാണ് 11 കാരിയായ ലീന റഫീഖ്. ആപ്പിന്റെ കൃത്യത ശതമാനം ഏകദേശം 70% ആണ്.
ദുബായിൽ താമസിക്കുന്ന മലയാളിയായ ലീന സ്വയം പഠിപ്പി പ്രോഗ്രാമറാണ്.
കണ്ണിന്റെ വിവിധ രോഗാവസ്ഥയും തിമിരം, ആർക്കസ്, മെലനോമ, പെറ്ററിജിയം തുടങ്ങിയ രോഗങ്ങളും കണ്ടുപിടിക്കുന്നതിനായി, “ഓഗ്ലർ ഐസ്‌കാൻ” (Ogler EyeScan) എന്ന AI അടിസ്ഥാനമാക്കിയുള്ള ഒരു പ്രോഗ്രാം ലീന സൃഷ്ടിച്ചു.
ഫ്രെയിമിന്റെ പരിധിക്കുള്ളിൽ കണ്ണുകളിലെ പ്രകാശത്തിന്റെയും വർണ്ണത്തിന്റെയും തീവ്രത, ദൂരം, ലുക്ക്-അപ്പ് പോയിന്റുകൾ തുടങ്ങിയ വിവിധ ഘടകങ്ങൾ തിരിച്ചറിയാനും ഓഗ്ലറിന് വിശകലനം ചെയ്യാനും ഓഗ്ലറിന് കഴിയും. പരിശീലനം ലഭിച്ച മോഡലുകൾ ഉപയോഗിച്ച് സാധ്യമായ നേത്രരോഗങ്ങൾ തിരിച്ചറിയാൻ ആപ്പ് സ്കാൻ വിശകലനം ചെയ്യുന്നു.
തേർഡ് പാർട്ടി ലൈബ്രറികളുടേയോ പാക്കേജുകളുടേയോ സഹായമില്ലാതെ വെറും ആറുമാസത്തിനുള്ളിൽ ഒരു ആപ്പ് സൃഷ്‌ടിക്കാൻ ഒരാളെ അനുവദിക്കുന്ന ആപ്പിളിന്റെ യൂസർ ഇന്റർഫേസ് ടൂൾകിറ്റായ SwiftUI ഉപയോഗിച്ചാണ് താൻ Ogler EyeScan സൃഷ്‌ടിച്ചതെന്ന് ലീന പോസ്റ്റിൽ പറഞ്ഞു.
ആപ്പിൾ ആപ്പ് സ്റ്റോർ നിലവിൽ ലീനയുടെ ആപ്പ് അവലോകനം ചെയ്യുകയാണ്, ഉടൻ തന്നെ ഇതിന് അംഗീകാരം ലഭിക്കുമെന്ന ശുഭാപ്തി വിശ്വാസത്തിലാണ് ലീന റഫീഖ്. iPhone 10-ന് മുകളിലുള്ള മോഡലുകളിലും iOS 16+ ഉള്ള മോഡലുകളിലും മാത്രമേ ആപ്ലിക്കേഷൻ സപ്പോർട്ട് ചെയ്യൂ.
ലീനയുടെ ഇളയ സഹോദരി ഹന മുഹമ്മദ് റഫീഖ് കഴിഞ്ഞ വർഷം ഏറ്റവും പ്രായം കുറഞ്ഞ iOS ഡെവലപ്പർ എന്ന നിലയിൽ ജനപ്രിയയായി. ഒമ്പത് വയസ്സ് മാത്രമുളള ഹനാസ് വികസിപ്പിച്ചെടുത്ത സ്റ്റോറിടെല്ലിംഗ് ആപ്പ്, ആപ്പിൾ സിഇഒ ടിം കുക്കിന്റെ ശ്രദ്ധ ആകർഷിക്കുകയും പ്രശംസ നേടുകയും ചെയ്തിരുന്നു.
