വെഞ്ച്വർ ക്യാപിറ്റലിലൂടെ 200 മില്യൺ ഡോളറിലധികം സമാഹരിച്ച യൂണികോൺ സോഷ്യൽ ആപ്പ് IRL പണമെല്ലാം ഓഹരിയുടമകൾക്കു തിരികെ നൽകുന്നു. പിന്നാലെ ആപ് അടച്ചു പൂട്ടാൻ തീരുമാനിച്ചിരിക്കുന്നു. കാരണമെന്തെന്നോ?
തങ്ങൾക്കുള്ളതായി അവകാശപ്പെട്ട 95% ഉപയോക്താക്കളും വ്യാജമാണെന്ന് അതിന്റെ സ്ഥാപകർ സമ്മതിച്ചിരിക്കുന്നു. വ്യക്തമായി പറഞ്ഞാൽ സോഷ്യൽ ആപ്പ് IRL-ന്റെ ഉപയോക്താക്കൾ യഥാർത്ഥ ജീവിതത്തിൽ നിലവിലില്ല. അവരൊക്കെ വെറും ഓട്ടോമേറ്റഡും, ബോട്ട് യൂസർമാരും ആണത്രേ. അപ്പോൾ തങ്ങളുടെ 5% യഥാർത്ഥ യൂസർമാരെയും, അതിനുമപ്പുറം ബോട്ടുകളെയും ഓട്ടോമേറ്റഡ് യൂസർമാരെയും കാട്ടി വെഞ്ച്വർ കാപിറ്റലിലൂടെ നിക്ഷേപം നടത്തിയ സോഫ്റ്റ് ബാങ്കിനെയും കബളിപ്പിച്ചു എന്നാണ് കണ്ടെത്തൽ.
IRL-ന്റെ ഡയറക്ടർ ബോർഡ് നടത്തിയ ഒരു ആന്തരിക അന്വേഷണത്തിൽ, ആപ്പിന്റെ റിപ്പോർട്ട് ചെയ്യപ്പെട്ട 20 ദശലക്ഷം ഉപയോക്താക്കളിൽ 95% പേരും “ഓട്ടോമേറ്റഡ് അല്ലെങ്കിൽ ബോട്ടുകളിൽ നിന്നുള്ളവരാണെന്ന്” വെളിവായി. അതിനാൽ, വെഞ്ച്വർ ക്യാപിറ്റലിൽ 200 മില്യൺ ഡോളറിലധികം സമാഹരിച്ച ശേഷം, ഐആർഎൽ അടച്ചുപൂട്ടുകയാണ്.
ഫെയ്‌സ്ബുക്ക് അധികം ഉപയോഗിക്കാത്ത യുവത്വത്തിന് വേണ്ടിയുള്ള ഇവന്റ് ഓർഗനൈസിംഗ് ബദലായി മാറുകയായിരുന്നു ആൻഡ്രോയിഡ് സോഷ്യൽ മെസ്സേജിങ് ആപ്പായ IRL ന്റെ ലക്‌ഷ്യം. എന്നാൽ SoftBank-ന്റെ നേതൃത്വത്തിലുള്ള വെഞ്ച്വർ കാപിറ്റലിങ്ങിൽ സീരീസ് C റൗണ്ട് വഴി $1.17 ബില്ല്യൺ മൂല്യനിർണ്ണയത്തിൽ $170 ദശലക്ഷം നേടാൻ IRL നായിരുന്നു. അതിനു പിന്നാലെ കമ്പനി ആഭ്യന്തിര പ്രശ്നങ്ങളിൽ രൂക്ഷമായി പെടുകയായിരുന്നു.
കഴിഞ്ഞ വർഷം, IRL അതിന്റെ ടീമിലെ 25% ജീവനക്കാരെ പിരിച്ചുവിട്ടിരുന്നു. വെറും 55 പേരുള്ള ഒരു വാട്ട്‌സ്ആപ്പ് ടീമിൽ നിന്നുമാണ് IRL 450 ദശലക്ഷം ഉപയോക്താക്കളായി വളർന്നത്.
ഈ പിരിച്ചുവിടലുകളുടെ അതേ സമയം തന്നെ, ആപ്പിന് 20 ദശലക്ഷം പ്രതിമാസ സജീവ ഉപയോക്താക്കളുണ്ടെന്ന മുൻ സിഇഒയും സ്ഥാപകനുമായ എബ്രഹാം ഷാഫിയുടെ അവകാശവാദത്തെ ഐആർഎൽ ജീവനക്കാർ സംശയിച്ചതോടെയാണ് വിവരങ്ങൾ പുറത്തായത്. ഐആർഎൽ സെക്യൂരിറ്റീസ് നിയമങ്ങൾ ലംഘിച്ചിട്ടുണ്ടോ എന്ന് എസ്ഇസി അന്വേഷിക്കാൻ തുടങ്ങി. ഏപ്രിലോടെ ഐആർഎല്ലിന്റെ ഡയറക്ടർ ബോർഡ് ഷാഫിയെ സസ്പെൻഡ് ചെയ്യുകയും ആക്ടിംഗ് സിഇഒയെ നിയമിക്കുകയും ചെയ്തു. ഇപ്പോൾ ആപ്പ് പൂർണമായും സേവനം അവസാനിപ്പിക്കാനുള്ള തീരുമാനത്തിലാണ് ഡയറക്ടർ ബോർഡ്.
