പരമ്പരാഗത ഡ്രസ്സ്കോഡിൽ പാർലമെന്റ് ജീവനക്കാർ

കുർത്തയിലും, സാരിയിലും താമര. ഒപ്പം കാക്കിയും : രാജ്യത്തെ പാർലമെന്റ് അംഗങ്ങൾക്കല്ല, പാർലമെന്റ് ജീവനക്കാർക്കാണ് ഈ പുതിയ ഡ്രസ്സ് കോഡ് തയ്യാറായിരിക്കുന്നത്. പുതിയ  കെട്ടിടത്തിൽ പാർലമെന്റിന്റെ പ്രത്യേക സമ്മേളനത്തിനിടെ ജീവനക്കാർക്കുള്ള പുതിയ ഡ്രസ് കോഡ് നിലവിൽ വന്നു കഴിഞ്ഞു.

സെപ്റ്റംബർ 18ന് ആരംഭിക്കുന്ന പാർലമെന്റിന്റെ വരാനിരിക്കുന്ന പ്രത്യേക സമ്മേളനത്തിൽ പാർലമെന്റ് ജീവനക്കാർ ഇന്ത്യൻ പരമ്പരാഗത യൂണിഫോം ധരിക്കും.
സുരക്ഷ കൈകാര്യം ചെയ്യുന്ന മാർഷലുകൾ  സഫാരി സ്യൂട്ടിന് പകരമായി ഇന്ത്യൻ പരമ്പരാഗത വസ്ത്രങ്ങളായ  ക്രീം നിറമുള്ള കുർത്തയും പൈജാമയും ധരിക്കുമെന്ന് വൃത്തങ്ങൾ അറിയിച്ചു. പാർലമെന്റിലെ വനിതാ ജീവനക്കാർ പുതിയ രൂപത്തിലുള്ള ഇന്ത്യൻ സാരി ധരിക്കും.
  പാർലമെന്റ് ഹൗസിലെ പുരുഷ ജീവനക്കാരുടെ ക്രീം നിറമുള്ള ജാക്കറ്റുകളിൽ പ്രിന്റ് ചെയ്തിരിക്കുന്നത് പിങ്ക്  നിറത്തിലുള്ള താമരയാണ്.  ട്രൗസർ കാക്കി ആയിരിക്കും.

പുതിയ പാർലമെന്റ് ജീവനക്കാരുടെ യൂണിഫോം ഇരുസഭകൾക്കും തുല്യമായിരിക്കുമെന്നാണ് റിപ്പോർട്ടുകൾ. 271 ജീവനക്കാർക്കും പുതിയ പാർലമെന്റ് യൂണിഫോം കൈമാറിയതായി വൃത്തങ്ങൾ അറിയിച്ചു.  

നാഷണൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്‌നോളജി (NIFT) രൂപകല്പന ചെയ്ത പുതിയ പാർലമെന്റ് യൂണിഫോം ഡിസൈനുകൾ ലിംഗഭേദമില്ലാതെയാണ് തയാറാക്കിയിരിക്കുന്നത്.

പാർലമെന്റിന്റെ പ്രത്യേക സമ്മേളനം സെപ്റ്റംബർ 18-ന് ആരംഭിക്കും. ഗണേശ ചതുര് ത്ഥി പ്രമാണിച്ച് 19-ന് പാർലമെന്റിന്റെ അഞ്ച് ദിവസത്തെ പ്രത്യേക സമ്മേളനം പുതിയ പാർലമെന്റ് മന്ദിരത്തിലേക്ക് മാറ്റും.

പുതിയ പാർലമെന്റ് മന്ദിരത്തിലേക്കുള്ള നടപടികളിലേക്ക് മാറുന്നതിന് മുമ്പ് പഴയ കെട്ടിടത്തിന്റെ സെൻട്രൽ ഹാളിൽ പ്രതീകാത്മക സംയുക്ത യോഗം ചേരും. പഴയ പാർലമെന്റിന്റെ പ്രാധാന്യവും ചരിത്രപരമായ പ്രാധാന്യവും ഇരുസഭകളും ചർച്ച ചെയ്യും.

^{In a significant move, the Indian Parliament is set to witness a change in its employees’ dress code during the forthcoming special session, commencing on September 18. This decision, introduced with the aim of promoting Indian culture and heritage, has not only sparked a political debate but also serves as a reflection of the nation’s evolving identity.}