ആകർഷകമായ സവിശേഷതകളും ഡിസൈനുമായി നാലാം തലമുറ കിയ കാർണിവൽ എംപിവി ( Kia Carnival ) അടുത്ത വർഷം ഇന്ത്യൻ വിപണിയിലെത്തും.
ടൊയോട്ട വെൽഫയർ എന്ന ആഡംബര എം പി വിക്കു കടുത്ത വെല്ലുവിളി ഉയർത്തിയാകും കിയയുടെ പുതിയ ഡിജിറ്റൽ സവിശേഷതകളോട് കൂടിയ പതിപ്പിന്റെ വരവ്.
ഇന്ത്യയിൽ വിപണിയിലുള്ള കിയ കാർണിവൽ എംപിവി ഒരു പ്രീമിയം വാനിന്റെ സൗകര്യങ്ങൾ വാഗ്ദാനം ചെയ്യുന്നു. അതും ടൊയോട്ട വെൽഫെയറിനേക്കാൾ പകുതി വിപണി വില വാഗ്ദാനം ചെയ്തു കൊണ്ടാണ് വരവ്. നിലവിലെ കിയ കാർണിവൽ പതിപ്പിന് ഇന്ത്യൻ വിപണിയിൽ അതിന്റെ വിലക്കുറവും, ഉയർന്ന സൗകര്യങ്ങളും കാരണം ഡിമാൻഡ് ഏറെയാണ്.
ആഗോള വിപണികളിൽ, 2024 കാർണിവൽ 3.5 ലിറ്റർ V6 പെട്രോൾ എഞ്ചിൻ, 1.6 ലിറ്റർ പെട്രോൾ ഹൈബ്രിഡ് എഞ്ചിൻ, 2.2 ലിറ്റർ ഡീസൽ എഞ്ചിൻ എന്നീ പവർട്രെയിനുകളിൽ ലഭ്യമാകും. ഈ എഞ്ചിൻ ഓപ്ഷനുകളിൽ, 2.2 ലിറ്റർ, ഡീസൽ എഞ്ചിൻ ഇന്ത്യൻ വിപണിയിൽ ജനപ്രിതി നേടുമെന്നാണ് പ്രതീക്ഷിക്കുന്നത്. 2.2-ലിറ്റർ, 4-സിലിണ്ടർ, ടർബോചാർജ്ഡ് ഡീസൽ എഞ്ചിൻ 198 ബിഎച്ച്പി പവറും 440 എൻഎം പീക്ക് ടോർക്കും ഉത്പാദിപ്പിക്കാൻ കഴിവുള്ളതാണ് . ഈ എഞ്ചിൻ 8-സ്പീഡ് ഓട്ടോമാറ്റിക് ട്രാൻസ്മിഷനുമായി വരുന്നു.
2024 കിയ കാർണിവലിന്റെ ഇന്റീരിയർ വളരെ പ്രീമിയവും ആകർഷകവുമായ രീതിയിലാണ് നൽകിയിട്ടുള്ളത്. ക്യാബിന്റെ വീതിക്ക് പ്രാധാന്യം നൽകുന്ന 2024 കിയ കാർണിവലിന്റെ ഇന്റീരിയർ മികച്ച രീതിയിലാണ് ഒരുക്കിയിട്ടുള്ളത് .
വരാനിരിക്കുന്ന 2024 കിയ കാർണിവലിൽ കർവ്ഡ് ട്വിൻ 12.3 ഇഞ്ച് സ്ക്രീനുകളാണുള്ളത്. ഇതിൽ ഒന്ന് ഇൻഫോടെയ്ൻമെന്റും, രണ്ടാമത്തേത് ഇൻസ്ട്രുമെന്റേഷൻ ഡിസ്പ്ലെയുമാണ്. ഇത് കൂടാതെ ഹെഡ്-അപ്പ് ഡിസ്പ്ലേയും വാഹനത്തിൽ നൽകിയിട്ടുണ്ട്. ഡിജിറ്റൽ കീയാണ് 2024 കിയ കാർണിവലിലുള്ളത്. 8 എയർബാഗുകളുമായി വരുന്ന വാഹനത്തിൽ ADAS ടെക്കും നൽകിയിട്ടുണ്ട്.ഇത് പിൻ സീറ്റ് യാത്രക്കാർക്ക് വേണ്ടി ഒരുക്കുന്ന ഓപ്ഷണൽ 14.6 ഇഞ്ച് റിയർസീറ്റ് എന്റർടൈൻമെന്റാണ് വാഹനത്തിലുള്ള മറ്റൊരു പ്രധാന സവിശേഷത.
2024 Kia Carnival rear seat entertainment package details revealed. The Kia Carnival will be available in four-seater, seven-seater, and nine-seater configurations. Carmaker offers rear occupants smart rear seat entertainment system. A 14.6-inch Full HD dual screen is mounted on both front seats. In addition to playing independent content on each screen, these display monitors can also be used for consuming OTT content.
