കൊതുകിനെ നശിപ്പിക്കാൻ ഗവേഷണം

വിവിധ മാരക രോഗങ്ങൾക്ക് കാരണമാകുന്ന കൊതുകിനെ ഉറവിടത്തിലേ തുരത്താനുള്ള ഗവേഷണങ്ങളിലാണ് കാലിക്കറ്റ് സർവ്വകലാശാലയിലെ ഗവേഷകർ. കെട്ടിക്കിടക്കുന്ന വെള്ളത്തിൽ വളരുന്ന കൊതുകിൻ്റെ ലാർവകളെ ഉന്മൂലനം ചെയ്യുക എന്ന ലക്ഷ്യത്തോടെ  ചെലവ് കുറഞ്ഞ  പെപ്റ്റൈഡ് എന്ന പ്രോട്ടീൻ നിർമ്മിക്കാനുള്ള പഠനം  ഗവേഷകർ ആരംഭിച്ചു.

ഈ പെപ്റ്റൈഡ് ഉൽപ്പാദിപ്പിക്കുന്നതിന് ജീൻ ക്ലോണിംഗ് സാങ്കേതിക വിദ്യകൾ പ്രയോജനപ്പെടുത്താൻ ഗവേഷകർ പദ്ധതിയിടുന്നു. സുവോളജി വിഭാഗത്തിലെ പ്രൊഫ. കണ്ണനും അദ്ദേഹത്തിൻ്റെ പിഎച്ച്‌ഡി സ്‌കോളർ എം ദീപ്തിയും ചേർന്ന് നിർമ്മിച്ച പെപ്റ്റൈഡിൻ്റെ പരിഷ്‌ക്കരിച്ച പതിപ്പിന്റെ അടിസ്ഥാനത്തിലാണ് ഗവേഷണം.

മറ്റ് ജലജീവികൾക്കോ മനുഷ്യർക്കോ പരിസ്ഥിതിക്കോ ഒരു ദോഷവും വരുത്താത്ത ഈ പെപ്റ്റൈഡ് ഒരു ദ്രാവക രൂപത്തിലാക്കി  കെട്ടിക്കിടക്കുന്ന ജലാശയങ്ങളിൽ പ്രയോഗിച്ച് കൊതുകിൻ്റെ ലാർവകളെ ഉന്മൂലനം ചെയ്യാൻ കഴിയും.

  പെപ്റ്റൈഡ് കൊതുക് ലാർവകളുടെ കുടലിലുള്ള ട്രിപ്സിനുമായി ഇടപഴകുന്നതിനായി മോഡിഫൈ ചെയ്തു. ഈ മോഡിഫൈഡ് വേർഷൻ കൊതുകിന്റെ നാശത്തിലേക്ക് നയിക്കുന്നു. പെപ്റ്റൈഡ് കൊതുക് ലാർവകളുടെ കുടലിൽ പ്രോട്ടീൻ ദഹനത്തിന് ആവശ്യമായ എൻസൈമായ ട്രൈപ്സിൻ സിന്തസിസിനെ തടസ്സപ്പെടുത്തുന്നു. പ്രോട്ടീൻ ദഹനം തടസ്സപ്പെടുമ്പോൾ, ലാർവകൾ 48 മണിക്കൂറിനുള്ളിൽ നശിക്കുന്നു. കൊതുകിൻ്റെ ലാർവകളുടെ കുടലിൽ മാത്രം സജീവമാകാൻ ലക്ഷ്യമിട്ടാണ് പെപ്റ്റൈഡ് പരിഷ്കരിച്ചത്.   ഈ പെപ്റ്റൈഡ് മനുഷ്യരുടെയും , മറ്റു ജീവികളുടെയും  കുടലിൽ ഒരു പ്രശ്‌നവും ഉണ്ടാക്കില്ല.

 യുഎസിലെ മിഷിഗൺ സർവകലാശാലയിൽ മോളിക്യുലർ ബയോളജിയിൽ പോസ്റ്റ് ഡോക്ടറൽ ഗവേഷണം നടത്തിയതാണ് കണ്ണൻ. “നിലവിൽ, കൊതുകിൻ്റെ ലാർവകളെ ഉന്മൂലനം ചെയ്യാൻ കെമിക്കൽ ഏജൻ്റുകൾ ഉപയോഗിക്കുന്നു, എന്നാൽ അവ മറ്റ് ജലജീവികൾക്കും പരിസ്ഥിതിക്കും ഹാനികരമായേക്കാം. ഞങ്ങളുടെ ഗവേഷണ ലക്ഷ്യങ്ങൾ നിറവേറ്റപ്പെടുകയാണെങ്കിൽ, കൊതുക് ലാർവ നിയന്ത്രണത്തിന് ചെലവ് കുറഞ്ഞതും പരിസ്ഥിതി സൗഹൃദവുമായ ഒരു പരിഹാരം നമുക്ക് ലഭിക്കും. കൊതുക് പരത്തുന്ന രോഗങ്ങളുമായി പൊരുതുന്ന രാജ്യങ്ങൾക്ക് ഇത് ഒരു അനുഗ്രഹമായിരിക്കും, ”കണ്ണൻ പറഞ്ഞു.

 പെപ്റ്റൈഡിൻ്റെ പങ്കും പ്രവർത്തനരീതിയും വ്യക്തമാക്കുന്ന ഒരു പ്രബന്ധം ഇൻ്റർനാഷണൽ ജേണൽ ഓഫ് മോസ്‌കിറ്റോ റിസർച്ചിൽ പ്രസിദ്ധീകരിച്ചിരിക്കുകയാണ് ഈ ഗവേഷകർ.

^{The groundbreaking research by University of Calicut scientists to develop a low-cost peptide protein for eradicating mosquito larvae. Discover how this environmentally friendly solution could revolutionize mosquito control efforts.}