ബുർജ് ഖലീഫയ്ക്ക്  മുന്നിലെ കേരള നമ്പർ റേഞ്ച് റോവർ

ബുർജ് ഖലീഫയ്ക്ക് പുറത്ത് പാർക്ക് ചെയ്തിരിക്കുന്ന ഒരു റേഞ്ച് റോവർ ദുബായിയിലെ വലിയ കാഴ്ചയൊന്നുമല്ല. എന്നാൽ ആ കാറിന്റെ വീഡിയോയെ വൈറൽ ആക്കിയത് മറ്റൊന്നാണ്. അതിന്റേത്  കേരള നമ്പർ പ്ലേറ്റാണ്.

മലയാളി  സംരംഭകനായ ദിലീപ് ഹെയിൽബ്രോൺ താൻ 2011 ൽ വാങ്ങിയ റേഞ്ച് റോവർ കേരളത്തിൽ നിന്ന് ദുബായിലേക്ക് കൊണ്ടുപോയി ലോകത്തിലെ ഏറ്റവും ഉയരം കൂടിയ കെട്ടിടമായ ബുർജ് ഖലീഫയുടെ പുറത്ത് പാർക്ക് ചെയ്തു. അതിന്റെ ഒരു വീഡിയോ സോഷ്യൽ മീഡിയയിൽ വൈറലായിരിക്കുകയാണ്.  എവിടെ ചെന്നാലും മറ്റൊരു മലയാളിയെ തിരിച്ചറിയുന്നവരെ ആകർഷിച്ചത് ആ  വാഹനത്തിൻ്റെ കേരളാ നമ്പർ പ്ലേറ്റാണ്. “വീട്ടിൽ നിന്നുള്ള ഒരു നീണ്ട യാത്ര” എന്ന അടിക്കുറിപ്പോടെയാണ്  Dileep Heilbronn  ഇൻസ്റ്റാഗ്രാമിൽ വീഡിയോ പങ്കു  വച്ചിരിക്കുന്നത്.

“പ്രോപ്പർട്ടി ഡെവലപ്പർ, കാർ കളക്ടർ ” എന്നാണ് ദിലീപ് തന്റെ പ്രൊഫൈലിൽ വിശേഷിപ്പിച്ചിരിക്കുന്നത്.

 കേരളത്തിലെ മലപ്പുറം ജില്ലയിലെ എടപ്പാൾ എന്ന ചെറുപട്ടണത്തിലാണ് ദിലീപ്  ഹെയിൽബ്രോൺ ജനിച്ചത്. സിവിൽ എഞ്ചിനീയറിംഗിൽ ഡിപ്ലോമ പൂർത്തിയാക്കി 1990-ൽ മുംബൈയിലേക്ക് താമസം മാറി. ഒരു വർഷത്തിനുശേഷം ദുബായിൽ  ഒരു MNC യിൽ ക്വാണ്ടിറ്റി സർവേയറായി വളരെ കുറഞ്ഞ ശമ്പളത്തിൽ ജോലി ചെയ്യാൻ തുടങ്ങി. സ്ഥാപനം നൽകിയ ലേബർ ക്യാമ്പിലാണ് ഇയാൾ താമസിച്ചിരുന്നത്. 2002-ൽ ഹെയിൽബ്രോൺ  സ്വന്തം കോൺട്രാക്റ്റിംഗ് സ്ഥാപനം തുടങ്ങുകയായിരുന്നു.

^{The story of Malayali entrepreneur Dilip Heilbron, who drove his Range Rover from Kerala to Dubai, parking it outside the Burj Khalifa. Learn about his journey from a civil engineer to a successful property developer.}