കോടീശ്വരപട്ടിക മാറിമറിഞ്ഞു, അംബാനി അദാനി താഴേക്ക്

ലോകത്തിലെ ഏറ്റവും വലിയ ധനികൻ  ബെർണാഡ് അർനോൾട്ടിനു കാലിടറിയതോടെ  കൈമോശം വന്നത്  ശതകോടീശ്വരന്മാരുടെ പട്ടികയിലെ  ഒന്നാം സ്ഥാനം.  ലോകത്തിലെ ശതകോടീശ്വരന്മാരുടെ പട്ടികയിൽ വലിയ മാറ്റം സംഭവിച്ചു.   മുകേഷ് അംബാനിയും ഗൗതം അദാനിയും ഉൾപ്പെടെ നിരവധി ശതകോടീശ്വരന്മാരുടെ ആസ്തിയിൽ ഇടിവ് രേഖപ്പെടുത്തി.  ലോകത്തിലെ ഏറ്റവും മികച്ച 10 ശതകോടീശ്വരന്മാരുടെ ആസ്തി കുറഞ്ഞു.

ബ്ലൂംബെർഗ് ബില്യണയർ ഇൻഡക്‌സ് പ്രകാരം ആമസോൺ സ്ഥാപകൻ ജെഫ് ബെസോസ് ലോകത്തിലെ ഏറ്റവും ധനികനായ വ്യക്തിയായി. ഫ്രാൻസിൻ്റെ ബെർണാഡ് അർനോൾട്ടിനെ മാറ്റിയാണ് അദ്ദേഹം ഒന്നാം സ്ഥാനത്തെത്തിയത്. 205 ബില്യൺ യുഎസ് ഡോളറാണ് ബെസോസിൻ്റെ ആസ്തി, ഏകദേശം 17,07,440 കോടി രൂപ.  അർനോൾട്ടിന് 203 ബില്യൺ യുഎസ് ഡോളറാണ് ഏറ്റവും പുതിയ ആസ്തി , 16,90,370 കോടി രൂപ.

ഏഷ്യയിലെ ഏറ്റവും വലിയ ധനികനായ മുകേഷ് അംബാനിയുടെയും ആസ്തിയിൽ 1.5 ബില്യൺ ഡോളർ ഇടിവുണ്ടായി. 110 ബില്യൺ യുഎസ് ഡോളർ (916220 കോടി രൂപ) ആസ്തിയുള്ള റിലയൻസ് ഇൻഡസ്ട്രീസ് ചെയർമാൻ ഇപ്പോൾ  ലോകത്തിലെ അതിസമ്പന്നരുടെ പട്ടികയിൽ പത്തിൽ നിന്നും  12-ാം സ്ഥാനത്താണ്. കൂടാതെ, അദാനി ഗ്രൂപ്പ് ചെയർമാൻ ഗൗതം അദാനി 106 ബില്യൺ യുഎസ് ഡോളർ (882900 കോടി രൂപ) ആസ്തിയുമായി ഈ പട്ടികയിൽ 13-ാം സ്ഥാനത്താണ്.

ടെസ്‌ല സിഇഒ ഇലോൺ മസ്‌ക് 202 ബില്യൺ ഡോളറുമായി പട്ടികയിൽ മൂന്നാം സ്ഥാനത്താണ്. മെറ്റാ സിഇഒ മാർക്ക് സക്കർബർഗ് 169 ബില്യൺ ഡോളറുമായി നാലാം സ്ഥാനത്തും ലാറി പേജ് (156 ബില്യൺ ഡോളർ) അഞ്ചാം സ്ഥാനത്തും ബിൽ ഗേറ്റ്‌സ് (152 ബില്യൺ ഡോളർ) ആറാം സ്ഥാനത്തും സ്റ്റീവ് ബാൾമർ (148 ബില്യൺ യുഎസ് ഡോളർ) ഏഴാം സ്ഥാനത്തും സെർജി ബ്രിൻ (യുഎസ് ഡോളർ) 147 ബില്യൺ) എട്ടാം സ്ഥാനത്തും വന്നെത്തി. പട്ടികയിൽ ഒന്പതാമതായി  ലാറി എലിസൺ (138 ബില്യൺ ഡോളർ), പത്താമതായി വാറൻ ബഫെറ്റ് (133 ബില്യൺ യുഎസ് ഡോളർ) എന്നിവരുമുണ്ട്. 

^{Jeff Bezos reclaims his title as the world’s richest person with a net worth of USD 205 billion. Discover the latest rankings of the top billionaires according to the Bloomberg Billionaire Index.}