ഇന്ത്യയില്‍ നിന്നുള്ള അമൃത് വിസ്‌കിയ്ക്ക് ഇന്റര്‍നാഷണല്‍ സ്പിരിറ്റ് ചലഞ്ചില്‍ അംഗീകാരം. യുകെയിലെ ലണ്ടനിൽ നടന്ന ഇൻ്റർനാഷണൽ സ്പിരിറ്റ്‌സ് ചലഞ്ച് 2024 ൽ “വേൾഡ് വിസ്കി വിഭാഗത്തിൽ” അമൃത് ഡിസ്റ്റിലറീസ് 5 സ്വർണ്ണ മെഡലുകളും ഒരു വെള്ളി മെഡലും നേടി കമ്പനിയെ ആഗോള തലത്തിൽ ശ്രദ്ധേയമാക്കി,
ജാപ്പനീസ്, സ്‌കോട്ടിഷ്, ഐറിഷ് സിംഗിള്‍ മാള്‍ട്ട് വിസ്‌കികളെ പിന്തള്ളിയാണ് ഇന്ത്യന്‍ കമ്പനി നേട്ടം സ്വന്തമാക്കിയത്. ഇത് ഒരു ഇന്ത്യൻ ഡിസ്റ്റിലറിയുടെ റെക്കോർഡാണ്.
അമൃത് ഫ്യൂഷന്‍ സിംഗിള്‍ മാള്‍ട്ട് വിസ്കി, അമൃത് അമാല്‍ഗം മാള്‍ട്ട് വിസ്കി, അമൃത് നേറ്റിവിറ്റി ഇന്ത്യന്‍ സിംഗിള്‍ മാള്‍ട്ട് വിസ്കി, അമൃത് ഇന്ത്യന്‍ സിംഗിള്‍ മാള്‍ട്ട് വിസ്കി കാസ്‌ക് സ്‌ട്രെങ്ത്, അമൃത് പ്ലീറ്റഡ് സിംഗിള്‍ മാള്‍ട്ട് വിസ്കി എന്നിവയ്ക്കാണ് അംഗീകാരം ലഭിച്ചത്.
ഐഎസ്‌സി 2024-ലെ ഷോ സ്റ്റോപ്പറും താരവും ആഗോള ഫോറത്തിൽ 40-ലധികം അംഗീകാരങ്ങൾ നേടിയ ഇന്ത്യയിലെ ഏറ്റവും കൂടുതൽ അവാർഡ് നേടിയ സിംഗിൾ മാൾട്ടായ അമൃത് ഫ്യൂഷൻ ആയിരുന്നു. എല്ലാ ഇന്ത്യൻ സിംഗിൾ മാൾട്ടുകളുടെയും “കിരീട രത്നം” എന്നാണ് ആരാധകർ ഫ്യൂഷനെ വിശേഷിപ്പിക്കുന്നത്.
കര്‍ണാടകയിലെ പ്രമുഖ ഡിസ്റ്റിലറിയാണ് അമൃത്. രാധാകൃഷ്ണ ജഗ്ദലെ 1948ലാണ് കമ്പനി തുടങ്ങുന്നത്.2009-ൽ അമൃത് ഫ്യൂഷൻ്റെ ആഗോള അംഗീകാരം ഇന്ത്യൻ വിസ്‌കിയെ അന്താരാഷ്ട്ര തലത്തിൽ എത്തിച്ചു. ഇന്ത്യൻ ബാർലി ഉപയോഗപ്പെടുത്തിയും രാജ്യത്തിൻ്റെ തനത് കാലാവസ്ഥയെ പ്രയോജനപ്പെടുത്തിയുമുള്ള സവിശേഷമായ രുചിയാണ് അമൃതിന്റെ പ്രത്യേകത.
വിസ്കി ഉൽപ്പാദനത്തിലെ നവീകരണത്തിനും മികവിനുമുള്ള ഡിസ്റ്റിലറിയുടെ സമർപ്പണത്തെയാണ് ഈ അംഗീകാരങ്ങൾ ഉയർത്തിക്കാട്ടുന്നത്. കഴിഞ്ഞ രണ്ട് ദശാബ്ദക്കാലത്തെ സുസ്ഥിരമായ പരിശ്രമങ്ങൾക്ക് ഫലമുണ്ടായി, അമൃത് ലോകമെമ്പാടും ആദരിക്കപ്പെടുകയും പ്രശംസിക്കുകയും ചെയ്യുന്നു എന്ന് അമൃത് ഡിസ്റ്റിലറിസ് എംഡി രക്ഷിത് എൻ ജഗ്ദാലെ പറയുന്നു.
Amrut Distilleries achieved a remarkable milestone at the International Spirits Challenge (ISC) 2024, clinching five Gold medals and one Silver medal in the World Whisky Category, showcasing India’s rising prominence in the global spirits landscape.
