സംരംഭകർക്ക്‌ ഏറെ പ്രചോദനം നൽകുന്ന ജീവിത യാത്രയാണ് 17 ആം വയസ്സ് മുതൽ തുടങ്ങിയ ഫ്രൂട്ടി ഗേളിന്റേത് . ഫ്രൂട്ടിയിലൂടെ പാർലെ അഗ്രോയെ 300 കോടി രൂപയിൽ നിന്ന് 8,000 കോടി രൂപയുടെ ബ്രാൻഡാക്കി മാറ്റിയ സംരംഭകയാണ് നാദിയ ചൗഹാൻ. സ്കൂൾ കഴിഞ്ഞ് മുംബൈയിലെ കമ്പനിയുടെ ആസ്ഥാനത്ത് സമയം ചെലവഴിച്ചാണ് നാദിയ സംരംഭകത്വത്തിന്റെ ബാലപാഠങ്ങൾ പഠിച്ചത്.
നാദിയ നിലവിൽ പാർലെ ആഗ്രോയുടെ ജെഎംഡിയും സിഎംഒയുമാണ്.പാർലെ അഗ്രോയുടെ ചെയർമാനും മാനേജിംഗ് ഡയറക്ടറുമായ പ്രകാശ് ചൗഹാൻ്റെ മകളായ നാദിയ ചൗഹാൻ ബിസിനസ് ലോകത്ത് 17 ആം വയസിൽ ശ്രദ്ധേയമായ ഒരു യാത്രക്കാണ്‌ തുടക്കമിട്ടത്. ഇന്ന് ഇന്ത്യയിലെ ഏറ്റവും അംഗീകൃത ശീതളപാനീയ ബ്രാൻഡുകളിലൊന്നായ ഫ്രൂട്ടി ഉൾപ്പെടെയുള്ള പാർലെ അഗ്രോയുടെ വിവിധ ഉൽപ്പന്നങ്ങൾക്ക് അവർ നേതൃത്വം നൽകുന്നു.
കാലിഫോർണിയയിൽ ജനിച്ച് മുംബൈയിൽ വളർന്ന നാദിയ ചൗഹാൻ 2003ൽ കുടുംബ ബിസിനസിൽ ചേർന്നു.
1929 ൽ പാർലെ ഗ്രൂപ്പ് സ്ഥാപിച്ച മോഹൻലാൽ ചൗഹാൻ്റെ ചെറുമകൾ ആണ് നാദിയ ചൗഹാൻ. 1959ൽ മോഹൻലാലിൻ്റെ ഇളയ മകൻ ജയന്തിലാൽ ബിവറേജസ് രംഗത്തേക്ക് കടന്നു. കാലക്രമേണ മറ്റു മക്കളായ രമേഷ് ചൗഹാനും പ്രകാശ് ചൗഹാനും തംസ് അപ്പ്, ലിംക, ഗോൾഡ് സ്പോട്ട്, സിട്ര, മാസ തുടങ്ങിയ ജനപ്രിയ ബ്രാൻഡുകളുടെ യഥാർത്ഥ ഉടമകളായി. പിന്നീട് 1990-കളിൽ ഗ്രൂപ്പ് ഈ ബ്രാൻഡുകൾ കൊക്കകോളയ്ക്ക് വിറ്റു. രണ്ട് സഹോദരന്മാരും തങ്ങളുടെ ബിസിനസ്സ് വേർപെടുത്തി. ജയന്തി ചൗഹാൻ്റെ പിതാവ് രമേഷ് ചൗഹാൻ ബിസ്‌ലേരി ബ്രാൻഡിൻ്റെ ഭരണം ഏറ്റെടുത്തപ്പോൾ പ്രകാശ് ചൗഹാൻ പാർലെ അഗ്രോയ്ക്ക് നേതൃത്വം നൽകി.
നാദിയ ചൗഹാൻ നിലവിൽ പിതാവ് പ്രകാശ് ചൗഹാൻ്റെ നിയന്ത്രണത്തിലുള്ള പാർലെ അഗ്രോ എന്ന കമ്പനിയുടെ ചീഫ് മാർക്കറ്റിംഗ് ഓഫീസറും ജോയിൻ്റ് മാനേജിംഗ് ഡയറക്ടറുമാണ്. അവളുടെ സഹോദരി ഷൗന ചൗഹാൻ സിഇഒ സ്ഥാനം വഹിക്കുന്നു.
നാദിയ ജനിച്ച അതേ വർഷം 1985ലാണ് പാർലെ അഗ്രോ സ്ഥാപിതമായത്. ഒരു സ്വീഡിഷ് കമ്പനിയുടെ ഉൽപ്പന്നമായ ടെട്രാപാക്കിൽ ഉള്ള മാംഗോ ഡ്രിങ്ക് കമ്പനി അവതരിപ്പിച്ചു. 17-ആം വയസ്സിൽ നാദിയ 2003-ൽ കമ്പനിയിൽ ചേർന്നു. കമ്പനിയുടെ വരുമാനത്തിൻ്റെ ഗണ്യമായ ഒരു ഭാഗം, ഏകദേശം 95%, ഫ്രൂട്ടി എന്ന ഒരൊറ്റ ഉൽപ്പന്നത്തിൽ നിന്നാണെന്ന് അവർ നിരീക്ഷിച്ചു. ഉൽപ്പന്ന പോർട്ട്‌ഫോളിയോ വൈവിധ്യവത്കരിക്കാൻ തീരുമാനിച്ച നാദിയ, മാറ്റം കൊണ്ടുവരാനുള്ള ഒരു ദൗത്യം ആരംഭിച്ചു.
നാദിയ മുന്നിൽ നിന്ന് നയിച്ചതോടെ പാർലെ അഗ്രോയുടെ 300 കോടി രൂപവിഹിതത്തെ 8,000 കോടിയുടെ ബ്രാൻഡാക്കി മാറ്റി. അക്കാലത്ത് കമ്പനിയുടെ വരുമാനത്തിൻ്റെ 95% ആധിപത്യം പുലർത്തിയത് ഒരു ജനപ്രിയ മാമ്പഴ രുചിയുള്ള പാനീയമായ ഫ്രൂട്ടി ആയിരുന്നു. വൈവിധ്യവൽക്കരണത്തിൻ്റെ ആവശ്യകതയും, ഒരൊറ്റ ഉൽപ്പന്നത്തെ ആശ്രയിക്കുന്നതിൻ്റെ ദൗർബല്യവും തിരിച്ചറിഞ്ഞ് ആപ്പി ഫിസ്, എൽഎംഎൻ തുടങ്ങിയവ അവതരിപ്പിക്കുന്നതിന് നാദിയ നേതൃത്വം നൽകി. ഫ്രൂട്ടിയിൽ നിന്നുള്ള വരുമാന വിഹിതം 48% ആയി കുറയ്ക്കുന്നതിൽ ഈ തന്ത്രപരമായ നീക്കം നിർണായക പങ്ക് വഹിച്ചു.
നാദിയയുടെ നേതൃത്വത്തിൽ ഫലപ്രദമായ വിപണന കാമ്പെയ്‌നുകളും ആവിഷ്കരിച്ചതോടെ അത് കുട്ടികൾക്കും മുതിർന്നവരിലേക്കും എത്തി. . നാദിയ നൂതനമായ വിപണന തന്ത്രങ്ങളിലൂടെ, ബ്രാൻഡിൻ്റെ പ്രതിച്ഛായ പുനരുജ്ജീവിപ്പിച്ചു. ഉപഭോക്താക്കൾക്ക് തിരഞ്ഞെടുക്കാനുള്ള പാനീയം എന്ന ഫ്രൂട്ടിയുടെ സ്ഥാനം ഉറപ്പിക്കുകയും ചെയ്തു.
2019-ൽ ഫോർച്യൂൺ ഇന്ത്യയുടെ “40 അണ്ടർ 40 ഏറ്റവും ശക്തരായ സ്ത്രീകളുടെ” പട്ടികയിൽ ഇടം നേടിയത് ഉൾപ്പെടെ നിരവധി അവാർഡുകളും അംഗീകാരങ്ങളും അവർക്ക് ലഭിച്ചിട്ടുണ്ട്.
Discover how Nadia Chauhan, Chief Marketing Officer and Joint Managing Director of Parle Agro, has revitalized the brand with her strategic vision and marketing expertise, continuing the company’s rich legacy in the beverage industry.
