കൊളറാഡോ ആസ്ഥാനമായുള്ള ന്യൂമോണ്ട് കോർപ്പറേഷൻ 2022-ൽ 8 ദശലക്ഷം ഔൺസ് അതായത് 226796 കി.ഗ്രാം സ്വർണം ഖനനം ചെയ്തുകൊണ്ട് ലോകത്തിലെ ഏറ്റവും വലിയ സ്വർണ്ണ ഖനന കമ്പനിയായി അറിയപ്പെട്ടു. ന്യൂയോർക്കിൽ, കേണൽ വില്യം ബോയ്‌സ് തോംസൺ 1916-ൽ സ്ഥാപിച്ച ന്യൂമോണ്ട് കമ്പനി തുടക്കത്തിൽ വിവിധ എണ്ണ പോലുള്ളയിൽ നിക്ഷേപം നടത്തുന്ന ഒരു ഹോൾഡിംഗ് കമ്പനിയായിരുന്നു. “ന്യൂമോണ്ട്” എന്ന പേര് ന്യൂയോർക്ക്,മൊണ്ടാന എന്നിവയുടെ ചുരുക്കമാണ്. തോംസൺ തൻ്റെ ജന്മ സ്ഥലമായ മൊണ്ടാനയെ കൂടി ബിസിനസിൽ ഉൾപ്പെടുത്തിയതാണ്. ന്യൂമോണ്ടിൻ്റെ ആദ്യത്തെ സുപ്രധാന സ്വർണ്ണ നിക്ഷേപം, 1917 ൽ ആംഗ്ലോ അമേരിക്കൻ കോർപ്പറേഷൻ ഓഫ് സൗത്ത് ആഫ്രിക്കയിൽ 25 ശതമാനം ഓഹരിയുമായി ആണ് നടന്നത്. 1921 ആയപ്പോഴേക്കും കമ്പനി ന്യൂമോണ്ട് കോർപ്പറേഷനായി പുനഃസ്ഥാപിക്കപ്പെട്ടു.
ഇന്ന് നെവാഡ, കൊളറാഡോ, ഒൻ്റാറിയോ, ക്യൂബെക്ക്, മെക്സിക്കോ, ഡൊമിനിക്കൻ റിപ്പബ്ലിക്, ഓസ്‌ട്രേലിയ, ഘാന, അർജൻ്റീന, പെറു, സുരിനാം തുടങ്ങിയ പ്രദേശങ്ങളിൽ ന്യൂമോണ്ട് സ്വർണ്ണ ഖനികളുടെ വിപുലമായ ശൃംഖല പ്രവർത്തിപ്പിക്കുന്നുണ്ട്. സ്വർണ്ണം കൂടാതെ, ചെമ്പ്, വെള്ളി, സിങ്ക്, ലെഡ് എന്നിവയുൾപ്പെടെയുള്ള മറ്റ് വിലപ്പെട്ട വിഭവങ്ങളും ന്യൂമോണ്ട് ഖനനം ചെയ്യുന്നവയിൽ ഉൾപ്പെടുന്നു.
കാലിഫോർണിയയിലെ എംപയർ സ്റ്റാർ മൈൻ ഏറ്റെടുത്തതിന് ശേഷം 1929-ൽ ആണ് ന്യൂമോണ്ട് ഒരു ഖനന സ്ഥാപനമായി മാറിയത്. 1939 ആയപ്പോഴേക്കും വടക്കേ അമേരിക്കയിലുടനീളം 12 സ്വർണ്ണ ഖനികൾ സ്ഥാപിച്ചു. കമ്പനി 1925-ൽ ടെക്സാസ് എണ്ണപ്പാടത്തിനൊപ്പം ചേർന്നുകൊണ്ട് ലൂസിയാന, ഗൾഫ് ഓഫ് മെക്സിക്കോ ഏരിയയിലേക്കും വടക്കൻ ഭാഗങ്ങളിലേക്കും എണ്ണ നിക്ഷേപവും ഇവർ വ്യാപിപ്പിച്ചു.
1947-ൽ പ്രസിഡൻ്റായ ഫ്രെഡ് സെർൽസിൻ്റെയും പിന്നീട് 1954-ൽ പ്ലേറ്റോ മലോസെമോഫിൻ്റെയും നേതൃത്വത്തിൽ ന്യൂമോണ്ട് വളർന്നുകൊണ്ടിരുന്നു. 1965-ൽ ആരംഭിച്ച നെവാഡയിലെ കാർലിൻ ട്രെൻഡിലെ കമ്പനിയുടെ പ്രവർത്തനങ്ങൾ, 20-ാം നൂറ്റാണ്ടിൽ വടക്കേ അമേരിക്കയിലെ ഏറ്റവും വലിയ സ്വർണ്ണ ഖനനമായി അറിയപ്പെട്ടു.
1971-72 ലെ തൊഴിലാളി, വർണ്ണവിവേചന പ്രശ്‌നങ്ങളുടെ പേരിൽ നമീബിയയിലെ സുമേബ്, കോംബാറ്റ് ഖനികളിൽ പണിമുടക്കിയതുപോലുള്ള വെല്ലുവിളികൾ കമ്പനി അഭിമുഖീകരിച്ചുവെങ്കിലും 2002 ഫെബ്രുവരിയിൽ നോർമാണ്ടി മൈനിംഗ്, ഫ്രാങ്കോ-നെവാഡ എന്നിവയുൾപ്പെടെ ന്യൂമോണ്ടിൻ്റെ പ്രതിരോധശേഷിയും തന്ത്രപരമായ ഏറ്റെടുക്കലുകളുമായി ലോകത്തെ ഏറ്റവും മികച്ച സ്വർണ്ണ നിർമ്മാതാവെന്ന പദവി ഉറപ്പിക്കാനും കമ്പനിയ്ക്ക് കഴിഞ്ഞു.
Discover the history and growth of Newmont Corporation, the world’s largest gold mining company. From its origins in 1916 to strategic acquisitions like Goldcorp, explore how Newmont continues to lead the global gold mining industry.
