ഇന്ത്യയുടെ ആദ്യ ബുള്ളറ്റ് ട്രെയിൻ പാത

മുംബൈ-അഹമ്മദാബാദ് റൂട്ടിലാണ് രാജ്യത്തെ ആദ്യ ബുള്ളറ്റ് ട്രെയിൻ വരുന്നത്. ഇതിനായുള്ള റെയിൽപ്പാതാ നിർമാണം അതിവേഗം പുരോഗമിക്കുകയാണ്. നാഷണൽ ഹൈസ്പീഡ് റെയിൽ കോർപറേഷൻ ലിമിറ്റഡിനു (NHSRCL) കീഴിലാണ് 508 കിലോമീറ്ററുള്ള അതിവേഗ റെയിൽപ്പാതാ നിർമാണം. ഇതിൽ 243 കിലോമീറ്ററോളം വയാഡക്റ്റ് നിർമാണം പൂർത്തിയായിട്ടുണ്ട്.

13 നദികൾക്ക് മുകളിലൂടെയുള്ള പാലങ്ങളും നിരവധി ടണൽ പാതകളും അടങ്ങുന്നതാണ് അതിവേഗ റെയിൽപ്പാത. സ്റ്റീൽ, പ്രീ-സ്ട്രെസ്ഡ് കോൺഗ്രീറ്റ് പാലങ്ങളാണ് പാതയിൽ നിർമിക്കുക. ഗുജറാത്തിൽ വഡോദര, സൂറത്, നവസാരി ജില്ലകളിൽ റീഎൻഫോർസ്ഡ് ട്രാക്ക് നിർമാണം പുരോഗമിക്കുകയാണ്. മഹാരാഷ്ട്രയിലാകട്ടെ ബാന്ദ്ര-കുർല കോംപ്ലക്സ് 21 കിലോമീറ്റർ ടണൽ പൂർത്തിയായി വരുന്നു. ജാപ്പനീസ് സഹകരണത്തോടെയാണ് ഇന്ത്യയിൽ ബുള്ളറ്റ് ട്രെയിൻ വരുന്നത്. പരിശീലനയോട്ടത്തിൽ 320 കിലോമീറ്റർ വേഗത കൈവരിക്കാനാകുന്ന ട്രെയിനിന് മണിക്കൂറിൽ 260 കിലോമീറ്ററാകും ട്രെയിൻ ഓടിത്തുടങ്ങുമ്പോഴുള്ള വേഗപരിധി.

അതേസമയം ലോകത്തിലെ തന്നെ ഏറ്റവും വേഗത്തിലോടുന്ന ബുള്ളറ്റ് ട്രെയിനുമായി എത്തിയിരിക്കുകയാണ് ചൈന. മണിക്കൂറിൽ 450 കിലോമീറ്റർ വരെ വേഗത്തിൽ സഞ്ചരിക്കാനാകുന്ന CR450 പ്രോട്ടോടൈപ്പ് മോഡലാണ് ചൈന പുറത്തിറക്കിയിരിക്കുന്നത്. 

^{Explore the groundbreaking CR450 high-speed train, featuring a top speed of 400 km/h, luxury amenities, advanced safety systems, and an aerodynamic design for superior performance.}