ഒഡീഷയുടെ തലസ്ഥാനമായ ഭുവന്വേശ്വറിൽ നടന്ന ഉത്കർഷ് ഒഡീഷ കോൺക്ലേവിലൂടെ സംസ്ഥാനം സ്വന്തമാക്കിയത് 16.73 ലക്ഷം കോടി രൂപയുടെ നിക്ഷേപ കരാറുകൾ. അഞ്ച് ലക്ഷം കോടി രൂപ നിക്ഷേപ സാധ്യത ലക്ഷ്യമിട്ട് നടത്തിയ പരിപാടിയിലൂടെയാണ് ഒഡീഷ മൂന്നിരട്ടിയിലധികം നേട്ടമുണ്ടാക്കിയിരിക്കുന്നത്.
ഇരുപത് മേഖലകളിലായി 145 നിക്ഷേപ കരാറുകളാണ് കോൺക്ലേവിൽ ഒഡീഷ സ്വന്തമാക്കിയത്. ഇന്ത്യൻ കമ്പനികൾക്കു പുറമേ ആഗോള കമ്പനികളും ഒഡീഷയിൽ വമ്പൻ നിക്ഷേപം നടത്താൻ മുന്നോട്ട് വന്നതിൽ അഭിമാനമുണ്ടെന്ന് മുഖ്യമന്ത്രി മോഹൻ ചരൺ മാജി പറഞ്ഞു. കെമിക്കൽ, പെട്രോകെമിക്കൽ, ടെക്സ്റ്റൈൽ, മൈനിങ്, മെറ്റലർജി, റിന്യൂവബിൾ എനെർജി രംഗങ്ങളിൽ നിന്നാണ് ഏറ്റവും കൂടുതൽ നിക്ഷേപം. നിക്ഷേപ പദ്ധതികൾ നിലവിൽ വന്നാൽ സംസ്ഥാനത്ത് 12 ലക്ഷത്തിലധികം തൊഴിലവസരം സൃഷ്ടിക്കപ്പെടുമെന്നും മുഖ്യമന്ത്രി പറഞ്ഞു.
അദാനി ഗ്രൂപ്പ് ഒഡീഷയിൽ നടത്താൻ പോകുന്ന 2.3 ലക്ഷം കോടി രൂപയുടെ നിക്ഷേപ പദ്ധതിയാണ് ഉത്കർഷ് ഒഡീഷ കോൺക്ലേവിൽ ശ്രദ്ധേയമായത്. പവർ, സിമൻ്റ്, വ്യവസായ പാർക്ക്, സിറ്റ് ഗ്യാസ്, തുറമുഖം എന്നീ രംഗങ്ങളിലാണ് അദാനി ഗ്രൂപ്പിന്റെ നിക്ഷേപം എത്തുന്നത്. മൈനിങ് കമ്പനിയായ Vedanta Limited നടത്തുന്ന ഒരു ലക്ഷം കോടി രൂപയുടെ നിക്ഷേപം, JSW ഗ്രൂപ്പിന്റെ 35000 കോടി രൂപയുടെ പദ്ധതി തുടങ്ങിയവയാണ് മറ്റ് പ്രധാന നിക്ഷേപങ്ങൾ.
The Utkarsh Odisha-Make in Odisha Conclave 2025 secured a record Rs 16.73 lakh crore in investments, creating 12.88 lakh jobs and reinforcing Odisha’s status as an industrial hub.
