ഇന്ത്യയിലെ ആദ്യത്തെ സമ്പൂർണ ഇലക്ട്രിക് എസി സ്ലീപ്പർ ബസ് അവതരിപ്പിച്ച് ഇലക്ട്രിക് ഇന്റർസിറ്റി ബസ് ബ്രാൻഡായ ന്യൂഗോ (NueGo). ദീർഘദൂര യാത്രയ്ക്ക് പ്രീമിയം, പരിസ്ഥിതി സൗഹൃദ ബദൽ വാഗ്ദാനം ചെയ്യുകയാണ് കമ്പനി ഇതിലൂടെ. ഡൽഹി-അമൃത്സർ, ബെംഗളൂരു-ചെന്നൈ, ഹൈദരാബാദ്-രാജമുന്ദ്രി, ചെന്നൈ-മധുര, വിജയവാഡ-വിശാഖപട്ടണം, ബെംഗളൂരു-മധുര എന്നിവയുൾപ്പെടെ രാജ്യത്തെ പ്രധാന നഗരങ്ങളെ ബന്ധിപ്പിക്കുന്നതാണ് ഏറ്റവും പുതിയ ഇലക്ട്രിക് സ്ലീപ്പർ ബസുകൾ.
സ്ലീപ്പർ ബസ് സർവീസുകൾക്കായുള്ള വർദ്ധിച്ചുവരുന്ന ആവശ്യം പ്രയോജനപ്പെടുത്താനും പരിസ്ഥിതി സൗഹൃദ മൊബിലിറ്റിയും പ്രോത്സാഹിപ്പിക്കാനും വിപുലീകരണം ന്യൂഗോയെ പ്രാപ്തമാക്കുന്നു. വിശ്രമത്തിനായി ചാരിയിരിക്കാവുന്ന ബാക്ക്‌റെസ്റ്റുകളുള്ള വിശാലമായ എർഗണോമിക് ബർത്തുകൾ, ആംബിയന്റ് എൽഇഡി ലൈറ്റിംഗോടുകൂടിയ ഇന്റീരിയർ, യുഎസ്ബി ചാർജിംഗ് പോർട്ടുകൾ, നൈറ്റ് റീഡിംഗ് ലാമ്പുകൾ, സ്റ്റോറേജ് പോക്കറ്റുകൾ എന്നിവയാണ് സവിശേഷതകൾ. ഇതോടൊപ്പം ആധുനിക ശുചിത്വ സൗകര്യങ്ങളും ബസ്സിൽ ഒരുക്കിയിട്ടുണ്ട്.
സുഖസൗകര്യങ്ങൾക്കപ്പുറം മെച്ചപ്പെട്ട കാര്യക്ഷമതയ്ക്കായി എയറോഡൈനാമിക് എഫ്ആർപി ഫ്രണ്ട് ഫാസിയ, മെച്ചപ്പെട്ട ഹാൻഡ്‌ലിംഗിനും സ്ഥിരതയ്ക്കും വേണ്ടി ഇന്ത്യയിലെ ആദ്യത്തെ മോണോകോക്ക് ഷാസി, നൂതന സുരക്ഷാ സവിശേഷതകൾ, ഇലക്ട്രോണിക് സ്റ്റെബിലിറ്റി കൺട്രോൾ ഉള്ള എബിഎസ് ബ്രേക്കുകൾ എന്നിവയുൾപ്പെടെ ഈ ബസുകൾ അതിനൂതന സാങ്കേതികവിദ്യ ഉപയോഗിച്ചാണ് നിർമിച്ചിരിക്കുന്നത്.
NueGo introduces India’s first electric AC sleeper bus, offering eco-friendly, luxurious, and safe long-distance travel across major cities.
