അബുദാബി ബിഗ്ടിക്കറ്റ് നറുക്കെടുപ്പിലെ വിജയിയെ വിജയവാർത്ത വിളിച്ചറിയിക്കാൻ ശ്രമിച്ചത് 15 തവണ. കഴിഞ്ഞയാഴ്ചത്തെ ബിഗ് ടിക്കറ്റ് വീക്ക്ലി ഡ്രോ വിജയിയെ വിളിച്ചറിയിക്കാനുള്ള ശ്രമത്തിലാണ് റോങ്നമ്പർ വെല്ലുവിളിയായത്. മൂന്ന് ദിവസങ്ങളിലായി 15 തവണ സമ്മാനവിജയിയെ അധികൃതർ വിളിക്കാൻ ശ്രമിച്ചെങ്കിലും ഫോൺ കിട്ടിയില്ല. എന്നാൽ ട്വിസ്റ്റിന് ഒടുക്കം സംഭവിച്ചത് ഇങ്ങനെ.
275-236701 എന്ന ടിക്കറ്റ് നമ്പറിലൂടെയാണ് പ്രവാസി ഇന്ത്യക്കാരനായ സജീവ് വീക്ക്ലി ഇ-ഡ്രോയിൽ 50,000 ദിർഹം നേടിയത്. നിരവധി തവണ സജീവിനെ ബന്ധപ്പെടാൻ ശ്രമിച്ചെങ്കിലും സംഘാടകർക്ക് അതിനു സാധിച്ചില്ല. ഒരു ദിവസം അഞ്ച് തവണ വീതം, മൂന്ന് ദിവസങ്ങളിലായി 15 തവണയാണ് അധികൃതർ സജീവിനെ ഫോണിൽ ബന്ധപ്പെടാൻ ശ്രമിച്ചത്. ഫോൺ കിട്ടാതായതോടെ നറുക്കെടുപ്പിൽ വിജയിയായ വിവരം അറിയിച്ച് സജീവിന് അധികൃതർ ഇമെയിൽ അയച്ചു, സജീവ് മെയിലിന് മറുപടി നൽകുകയായിരുന്നു. ടിക്കറ്റ് വാങ്ങുമ്പോൾ അബദ്ധത്തിൽ ഫോൺ നമ്പർ തെറ്റായി നൽകിയതാണെന്ന് സജീവ് പറഞ്ഞു.
ബിഗ് ടിക്കറ്റ് സംഘാടകർ വിജയികളെ നേരിട്ട് ബന്ധപ്പെടാൻ പരമാവധി ശ്രമിക്കാറുണ്ടെന്നും അതിനുള്ള ഏറ്റവും വലിയ ഉദാഹരണമാണ് ഫോൺ നമ്പർ തെറ്റായി നൽകിയിട്ടും മെയിൽ വഴി ബന്ധപ്പെട്ട സംഭവമെന്നും അധികൃതർ പറഞ്ഞു. വിജയികളെ ഏതു വിധേനയും വിജയിയായ വിവരം അറിയിക്കുക എന്ന സംഘാടകരുടെ പ്രതിബദ്ധതയാണ് ഇതിലൂടെ വ്യക്തമാകുന്നതെന്നും അധികൃതർ ചൂണിക്കാട്ടി. എന്നാൽ, ടിക്കറ്റ് വാങ്ങുന്നവർ നൽകിയിരിക്കുന്ന വിവരങ്ങൾ കൃത്യമാണെന്ന് ഉഫപ്പുവരുത്തണമെന്നും അധികൃതർ ഓർമിപ്പിച്ചു.
Big Ticket Abu Dhabi organizers tried 15 times to call the weekly draw winner, Sajeev, but failed due to a wrong phone number. He was finally informed via email.
