സംഗീതലോകത്തെ സൂപ്പർസ്റ്റാർ എന്നാണ് അർജിത് സിങ് എന്ന ഗായകൻ വിശേഷിപ്പിക്കപ്പെടുന്നത്. ഈ സ്റ്റാർഡം സ്വഭാവികമായെന്നോണം അദ്ദേഹത്തിന്റെ പ്രതിഫലത്തിലും ആസ്തിയിലുമെല്ലാം പ്രതിഫലിക്കുന്നു. ലോകമെങ്ങും ലക്ഷക്കണക്കിന് ആരാധകരുള്ളതിനാൽത്തന്നെ അദ്ദേഹത്തിന്റെ കണസേർട്ടുകളിലും വൻ തിരക്കാണ്. രണ്ട് മണിക്കൂർ സംഗീതപരിപാടിക്കായി അദ്ദേഹം 14 കോടി രൂപയാണ് പ്രതിഫലമായി കൈപ്പറ്റുന്നത്.
അടുത്തിടെ സംഗീതജ്ഞൻ രാഹുൽ വൈദ്യയാണ് ഒരു അഭിമുഖത്തിൽ ഇക്കാര്യം വെളിപ്പെടുത്തിയത്. ഈ വമ്പൻ പ്രതിഫലത്തോടെ കൺസേർട്ടുകൾക്കായി ഏറ്റവുമധികം പ്രതിഫലം വാങ്ങുന്ന ലോകോത്തര ഗായകരുടെ റേഞ്ചിലേക്കാണ് അർജിത് ഇടംപിടിച്ചിരിക്കുന്നത്. ഏറ്റവും പുതിയ കണക്കുകൾ പ്രകാരം 414 കോടി രൂപയുടെ ആസ്തിയാണ് അർജിത്തിനുള്ളത്. നവി മുംബൈയിൽ 8 കോടി രൂപയുടെ വീടും കോടിക്കണക്കിനു രൂപയുടെ ആഢംബര വാഹനങ്ങളും അദ്ദേഹത്തിനുണ്ട്. സിനിമാ സംഗീതത്തിനും കൺസേർട്ടുകൾക്കും പുറമേ കൊക്കക്കോല, സാംസങ് തുടങ്ങിയ ബ്രാൻഡ് എൻഡോർസ്മെന്റുകളിലൂടെയും അദ്ദേഹം വൻ തുക സമ്പാദിക്കുന്നു.
Discover Arijit Singh’s massive net worth of ₹400 crore, his ₹14 crore fee for a two-hour concert, and how the music superstar earns his fortune.
