ഇന്ത്യയിലുടനീളം ഇലക്ട്രിക് ഇന്റർസിറ്റി ബസ് ശൃംഖല വികസിപ്പിച്ച് ന്യൂഗോ (NueGo). ഡൽഹി-ലഖ്നൗ എന്ന ഏറ്റവും ദൈർഘ്യമേറിയ സർവീസ് ഉൾപ്പെടെ നിരവധി പുതിയ റൂട്ടുകളാണ് ന്യൂഗോ ആരംഭിച്ചിരിക്കുന്നത്. ഇലക്ട്രിക് ഇന്റർസിറ്റി ഗതാഗതത്തിനുള്ള വർദ്ധിച്ചുവരുന്ന ആവശ്യം നിറവേറ്റുന്നതിനായാണ് മുംബൈ ആസ്ഥാനമായുള്ള കമ്പനി വിപുലീകരണം പ്രഖ്യാപിച്ചത്. ഇലക്ട്രിക് ബസ് സർവീസുകൾക്കായുള്ള വർദ്ധിച്ചുവരുന്ന ആവശ്യം പ്രയോജനപ്പെടുത്താനും പരിസ്ഥിതി സൗഹൃദ മൊബിലിറ്റിയും പ്രോത്സാഹിപ്പിക്കാനും വിപുലീകരണം ന്യൂഗോയെ പ്രാപ്തമാക്കുന്നു.
അമൃത്സർ-ഡൽഹി, ബെംഗളൂരു-ദാവണഗെരെ, ബെംഗളൂരു-മധുര, ചെന്നൈ-മധുര, ചെന്നൈ-സേലം, ഡൽഹി-ബറേലി, ഡൽഹി-ഹൽദ്വാനി, ഗുണ്ടൂർ-വിശാഖപട്ടണം എന്നിങ്ങനെയാണ് പുതിയ റൂട്ടുകൾ. എവർസോഴ്സ് ക്യാപിറ്റലിന്റെ പിന്തുണയുള്ള ഗ്രീൻസെൽ മൊബിലിറ്റിയുടെ കീഴിലാണ് ന്യൂഗോയുടെ പ്രവർത്തനം. നിലവിൽ ഇന്ത്യയിലുടനീളമുള്ള 100ലധികം നഗരങ്ങളെ ബന്ധിപ്പിക്കുന്ന 300ലധികം ഇലക്ട്രിക് ബസുകൾ കമ്പനി പ്രവർത്തിപ്പിക്കുന്നു. ഒറ്റ ചാർജിൽ 250 കിലോമീറ്ററിലധികം സഞ്ചരിക്കാൻ കഴിയുന്ന ബസുകൾക്ക് ഫാസ്റ്റ് ചാർജിംഗ് സാങ്കേതികവിദ്യയിലൂടെ 500 കിലോമീറ്റർ വരെ സഞ്ചരിക്കാനാകും.
രാജ്യത്തെ ആദ്യ ഇലക്ട്രിക് സ്ലീപ്പർ ബസ് സേവന ദാതാക്കൾ കൂടിയായ ന്യൂഗോ എല്ലാ വാഹനങ്ങളിലും അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റങ്ങൾ ഉപയോഗിച്ച് ഫ്ലീറ്റിനെ സജ്ജമാക്കിയിരിക്കുന്നു. വിശ്രമത്തിനായി ചാരിയിരിക്കാവുന്ന ബാക്ക്റെസ്റ്റുകളുള്ള വിശാലമായ എർഗണോമിക് ബർത്തുകൾ, ആംബിയന്റ് എൽഇഡി ലൈറ്റിംഗോടുകൂടിയ ഇന്റീരിയർ, യുഎസ്ബി ചാർജിംഗ് പോർട്ടുകൾ, നൈറ്റ് റീഡിംഗ് ലാമ്പുകൾ, സ്റ്റോറേജ് പോക്കറ്റുകൾ എന്നിവയാണ് സ്ലീപ്പർ ബസ്സുകളുടെ സവിശേഷതകൾ. ഇതോടൊപ്പം ആധുനിക ശുചിത്വ സൗകര്യങ്ങളും ബസ്സിൽ ഒരുക്കിയിട്ടുണ്ട്.
പ്രവർത്തനങ്ങളെ പിന്തുണയ്ക്കുന്നതിനായി കമ്പനി രാജ്യവ്യാപകമായി 50ലധികം ചാർജിംഗ് സ്റ്റേഷനുകൾ സ്ഥാപിച്ചിട്ടുണ്ട്. സിസിടിവി നിരീക്ഷണം, ജിപിഎസ് ട്രാക്കിംഗ്, മണിക്കൂറിൽ 80 കിലോമീറ്റർ വേഗത പരിധി തുടങ്ങിയ സവിശേഷതകളുമുണ്ട്.
NueGo is rapidly expanding its electric intercity bus network across India, launching new routes including Delhi-Lucknow. Operating over 300 EV buses connecting 100+ cities, NueGo’s buses offer 250km range (up to 500km with fast charging) and premium amenities, promoting eco-friendly mobility.
