ആധാറിലെ വ്യക്തിഗത വിവരങ്ങൾ പരിഷ്കരിക്കാൻ പ്രാപ്തമാക്കുന്ന ഇ-ആധാർ (e-Aadhaar) ആപ്പ് ഈ വർഷമവസാനം പുറത്തിറങ്ങും. യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI) പുറത്തിറക്കുന്ന ആപ്പ് വഴി വ്യക്തികൾക്ക് അവരുടെ പേര്, വിലാസം, ജനന തിയ്യതി തുടങ്ങിയ പ്രധാന വ്യക്തിഗത വിവരങ്ങൾ മാറ്റാനാകും. ആപ്പിലൂടെ ഒരൊറ്റ ഡിജിറ്റൽ ഇന്റർഫേസ് വഴി ആധാർ വിവരങ്ങൾ അപ്ഡേറ്റ് ചെയ്യാം.
ആധാർ വിവരങ്ങൾ കാര്യക്ഷമവും ഉപയോക്തൃ സൗഹൃദപരവുമായ രീതിയിൽ അപ്ഡേറ്റ് ചെയ്യാനുള്ള പരിഹാരമായാണ് ഇ-ആധാർ രൂപകൽപന ചെയ്തിരിക്കുന്നത്. ഡിജിറ്റൽ പരിഹാരത്തിലൂടെ എൻറോൾമെന്റ് സെന്ററുകളിലേക്കുള്ള നേരിട്ടുള്ള സന്ദർശനങ്ങൾ കുറയ്ക്കാൻ കഴിയും. ഫേസ് ഐഡി സാങ്കേതികവിദ്യയുമായി ആർട്ടിഫിഷ്യൽ ഇന്റലിജൻസ് (AI) സംയോജിപ്പിക്കുന്നതിലൂടെ, ആപ്പ് ഇന്ത്യയിലുള്ള ഉപയോക്താക്കൾക്ക് സുരക്ഷിതവും തടസ്സമില്ലാത്തതുമായ ഡിജിറ്റൽ ആധാർ സേവനങ്ങൾ നൽകും. 2025 അവസാനത്തോടെ മൊബൈൽ ആപ്പ് പൂർണസജ്ജമാകുമെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.
The UIDAI is set to launch the e-Aadhaar mobile app by the end of 2025, allowing users to update their personal details like name, address, and DOB.
