സതാംപ്ടൺ സർവകലാശാല ഉൾപ്പെടെ ഒൻപത് പ്രമുഖ ബ്രിട്ടീഷ് സർവകലാശാലകൾ ഇന്ത്യയിൽ ക്യാംപസ്സുകൾ തുറക്കുമെന്ന പ്രഖ്യാപനവുമായി പ്രധാനമന്ത്രി നരേന്ദ്ര മോഡിയും യുകെ പ്രധാനമന്ത്രി കെയർ സ്റ്റാർമറും. യുകെ പ്രധാനമന്ത്രിയുടെ ആദ്യ ഔദ്യോഗിക ഇന്ത്യാ സന്ദർശന വേളയിലാണ് ഇരുരാജ്യങ്ങളുടേയും വിദ്യാഭ്യാസ ബന്ധം ശക്തിപ്പെടുത്തുന്നതിനുള്ള ചരിത്രപരമായ നീക്കമായി വിലയിരുത്തപ്പെടുന്ന പ്രഖ്യാപനം.
ഇന്ത്യ-യുകെ വിദ്യാഭ്യാസ സഹകരണത്തിലെ സുപ്രധാന ചുവടുവെയ്പ്പാണിത്. ഇന്ത്യയുടെ ദേശീയ വിദ്യാഭ്യാസ നയം 2020യുമായും ഇത് യോജിക്കുന്നു. രാജ്യം വിടാതെ തന്നെ ഇന്ത്യൻ വിദ്യാർത്ഥികൾക്ക് ലോകോത്തര വിദ്യാഭ്യാസം ലഭ്യമാക്കുക, നവീകരണവും നൈപുണ്യ വികസനവും വർധിപ്പിക്കുന്നതിന് സഹകരണ ഗവേഷണവും അക്കാഡമിക്-വ്യവസായ പങ്കാളിത്തവും പ്രോത്സാഹിപ്പിക്കുക എന്നിവയാണ് ലക്ഷ്യം.
ഇന്ത്യയിലെ പ്രധാന നഗരങ്ങളിൽ ക്യാംപസ്സുകൾ സ്ഥാപിക്കാൻ പ്രശസ്ത യുകെ സർവകലാശാലകൾ പ്രതിജ്ഞാബദ്ധരാണ്. സതാംപ്ടണിന് പുറമേ, 2026ൽ വിദ്യാർത്ഥികളെ സ്വാഗതം ചെയ്യുന്നതിനായി മുംബൈയിൽ പുതിയ എന്റർപ്രൈസ് ക്യാംപസ് തുറക്കുന്നതിന് ബ്രിസ്റ്റോൾ സർവകലാശാലയ്ക്ക് യൂണിവേഴ്സിറ്റി ഗ്രാന്റ്സ് കമ്മീഷനിൽ നിന്ന് അനുമതി ലഭിച്ചിരുന്നു. ഇതിനുപുറമേ ലിവർപൂൾ സർവകലാശാല, യോർക്ക് സർവകലാശാല, അബർഡീൻ സർവകലാശാല തുടങ്ങിയവയാണ് ഇന്ത്യയിൽ പ്രവർത്തനം ആരംഭിക്കുന്ന പ്രധാന സർവകലാശാലകൾ.
nine prominent uk universities, including southampton, will open campuses in india. announced by pm modi and uk pm starmer to boost india-uk education ties.
