റിലയൻസ് ഇൻഡസ്ട്രീസിന്റെ വിപുലീകരണ തന്ത്രങ്ങളിൽ ഏറ്റവും പ്രധാനപ്പെട്ട ഘടകങ്ങളിൽ ഒന്നാണ് പാർട്ണർഷിപ്പുകൾ. ആഗോള ഭീമൻമാരെ ഇന്ത്യയിൽ എത്തിക്കാൻ അംബാനിയും റിലയൻസും എപ്പോഴും മുൻപന്തിയിലുണ്ട്. സാംസങ്ങുമായി അത്തരമൊരു നീക്കത്തിലേക്ക് റിലയൻസ് കടക്കുകയാണെന്നാണ് പുതിയ റിപ്പോർട്ട്. സാംസങ് ചെയർമാൻ ജെയ് വൈ ലീയുമായി കൂടിക്കാഴ്ചയ്ക്ക് ഒരുങ്ങുകയാണ് റിലയൻസ് ഇൻഡസ്ട്രീസ് ചെയർമാനായ മുകേഷ് അംബാനി.
ദക്ഷിണകൊറിയയിൽ നടക്കുന്ന കൂടിക്കാഴ്ചയിൽ മുകേഷ് അംബാനിക്കൊപ്പം അദ്ദേഹത്തിന്റെ മകനും റിലയൻസ് ജിയോ ഇൻഫോകോം ലിമിറ്റഡ് ചെയർമാനുമായ ആകാശ് അംബാനിയും പങ്കെടുക്കും. അടുത്ത ആഴ്ചയാണ് ഇരുവരും തമ്മിലുള്ള കൂടിക്കാഴ്ച നിശ്ചയിച്ചിരിക്കുന്നതെന്ന് ദേശീയ-അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.
നെക്സ്റ്റ് ജെൻ ടെലികമ്യൂണിക്കേഷൻ, ആർട്ടിഫിഷ്യൽ ഇന്റലിജൻസ് ഇൻഫ്രാസ്ട്രക്ചർ മേഖലയിലെ സഹകരണം എന്നിവ ശക്തിപ്പെടുത്തുകയാണ് കൂടിക്കാഴ്ചയുടെ പ്രധാന ലക്ഷ്യമെന്ന് റിലയൻസുമായി അടുത്ത വൃത്തങ്ങളെ ഉദ്ധരിച്ച് ഇക്കണോമിക് ടൈംസ് റിപ്പോർട്ട് ചെയ്യുന്നു. 5ജി ഉപകരണങ്ങൾക്കായുള്ള സാംസങ്ങിന്റെ ഉത്പാദന ലൈനുകൾ പരിശോധിക്കുന്നതിനൊപ്പം പ്രാരംഭ ഘട്ട 6ജി വികസനവും ചർച്ച ചെയ്യും.
Reliance Chairman Mukesh Ambani and Jio Chairman Akash Ambani are set to meet Samsung Chairman Jay Y. Lee in South Korea to discuss strengthening cooperation in 6G telecom and AI infrastructure.
