സർക്കാർ പിന്തുണയോടെ പ്രവർത്തിക്കുന്ന റൈഡ്-ഹെയ്ലിംഗ് മൊബിലിറ്റി ആപ്പായ ഭാരത് ടാക്സിയെക്കുറിച്ച് സുപ്രധാന അപ്ഡേറ്റുമായി കേന്ദ്രം. ഊബർ, ഓല തുടങ്ങിയ ഓൺലൈൻ ടാക്സികൾക്ക് വെല്ലുവിളിയുമായാണ് ഭാരത് ടാക്സി എത്തുന്നത്. 2026 ജനുവരിയിൽ ഭാരത് ടാക്സി പ്രവർത്തനം ആരംഭിക്കുമെന്നാണ് കേന്ദ്ര സർക്കാർ അറിയിച്ചിരിക്കുന്നത്.
ആഭ്യന്തര മന്ത്രി അമിത് ഷായാണ് ഭാരത് ടാക്സി സംബന്ധിച്ച പ്രഖ്യാപനം ലോക്സഭയിൽ അറിയിച്ചത്. സ്വകാര്യ ഓൺലൈൻ ടാക്സികൾ ഉപയോക്താക്കളേയും ഡ്രൈവർമാരെയും ഒരുപോലെ ചൂഷണം ചെയ്യുന്നതായി പരാതികൾ ഉയർന്ന സാഹചര്യത്തിലാണ് സർക്കാർ പിന്തുണയോടെയുള്ള ടാക്സികൾ അവതരിപ്പിക്കുന്നത്. പൂർണമായും ഡ്രൈവർമാരുടെ ഉടമസ്ഥതയിലുള്ള ലോകത്തിലെ ആദ്യ സഹകരണ സംരംഭം കൂടിയാണ് ഭാരത് ടാക്സതി. കേന്ദ്ര സഹകരണ മന്ത്രാലയത്തിന്റെയും ഇ-ഗവേഷണൻസ് ഡിവിഷന്റെയും കീഴിലാണ് പ്രവർത്തനം.
യാത്രക്കാർക്ക് താങ്ങാനാകുന്ന നിരക്കുകളാണ് ഭാരത് ടാക്സിയുടെ മറ്റൊരു സവിശേഷത. ഓരോ റൈഡിൽ നിന്നുള്ള മുഴുവൻ വരുമാനവും ഡ്രൈവർമാർക്ക് ലഭിക്കുകയും ചെയ്യും. സഹകർ ടാക്സി കോപ്പറേറ്റീവ് ലിമിറ്റഡ് ആണ് ഭാരത് ടാക്സി ആപ്പ് പ്രവർത്തിപ്പിക്കുക. നവംബർ വരെയുള്ള കണക്കുകൾ പ്രകാരം അൻപതിനായിരത്തിലധികം ഡ്രൈവർമാരാണ് ഇതിൽ ജിസ്റ്റർ ചെയ്തിരിക്കുന്നത്. ഇരുചക്ര വാഹനങ്ങൾ, റിക്ഷകൾ, ടാക്സികൾ, ഫോർ വീലറുകൾ എന്നിവ ഒരൊറ്റ പ്ലാറ്റ്ഫോമിൽ ലഭ്യമാകും.
The government-backed Bharat Taxi app, a driver-owned cooperative, is set to launch in January 2026 to challenge Uber and Ola with affordable rates and full earnings for drivers.
