കേരളത്തിന്റെ നിർദിഷ്ട അന്താരാഷ്ട്ര ആയുര്വേദ ഗവേഷണ കേന്ദ്രത്തെ തെളിവധിഷ്ഠിത ആയുര്വേദത്തിന്റെ ആഗോള കേന്ദ്രമാക്കുമെന്ന് ആരോഗ്യ മന്ത്രാലയം. 40 ഓളം സ്ഥാപനങ്ങള് ഗവേഷണവുമായി സഹകരിക്കാന് ധാരണയായി. സംസ്ഥാനത്തെ എല്ലാ സയന്സ് ആന്റ് ടെക്നോളജി സ്ഥാപനങ്ങളും അന്താരാഷ്ട്ര ആയുര്വേദ ഗവേഷണ കേന്ദ്രവുമായി സഹകരിക്കുന്നതിന് സംവിധാനമൊരുക്കും. അന്താരാഷ്ട്ര ആയുര്വേദ ഗവേഷണ കേന്ദ്രത്തെ ഹബ്ബ് ആന്റ് സ്പോക്ക് മാതൃകയില് കൊണ്ടുവരുമെന്നു ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു.
അന്താരാഷ്ട്ര ആയുര്വേദ ഗവേഷണ കേന്ദ്രവും സിസിആര്എഎസുമായി Central Council for Research in Ayurvedic Sciences ധാരണപത്രം ഒപ്പിടും. കേന്ദ്രത്തിന്റെ പ്രവര്ത്തനങ്ങളുമായി സഹകരിക്കാന് ബയോ 360 സയന്സ് പാര്ക്കുമായും ധാരണയായി. കാന്സര് ഗവേഷണ രംഗത്ത് മലബാര് കാന്സര് സെന്ററുമായും സഹകരിച്ച് പ്രവര്ത്തിക്കുമെന്നും മന്ത്രി വ്യക്തമാക്കി. അന്താരാഷ്ട്ര ആയുര്വേദ ഗവേഷണ കേന്ദ്രത്തിന്റെ പ്രീ-ലോഞ്ച് ദേശീയ ഗവേഷണ സംഗമം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
ലോക ശ്രദ്ധയുള്ള ആയുര്വേദ രംഗത്ത് ഗവേഷണം അനിവാര്യമാണ്. അതിനാലാണ് ഗവേഷണത്തിന് വളരെ പ്രാധാന്യം നല്കി കിഫ്ബി വഴി വലിയ തുക ചെലവഴിച്ച് അന്താരാഷ്ട്ര ആയുര്വേദ ഗവേഷണ കേന്ദ്രം യാഥാര്ത്ഥ്യമാക്കുന്നത്. ഗവേഷണ കേന്ദ്രത്തിന്റെ നിര്മ്മാണം കോവിഡ് കാരണം കഴിഞ്ഞ സര്ക്കാരിന്റെ കാലത്ത് മുന്നോട്ട് കൊണ്ടുപോകാന് കഴിഞ്ഞില്ല. 2021-22ല് കേന്ദ്രത്തിന്റെ നിര്മ്മാണം ആരംഭിച്ചു. ഇപ്പോള് വലിയ രീതിയില് മുന്നോട്ട് പോകാനായി. ജനുവരി അവസാനം അന്താരാഷ്ട്ര ആയുര്വേദ ഗവേഷണ കേന്ദ്രത്തിന്റെ ഉദ്ഘാടനം നടക്കും.
ഭാവിയിലെ ആരോഗ്യം ലക്ഷ്യം വച്ചുകൊണ്ടുള്ള പ്രവര്ത്തനങ്ങളാണ് അന്താരാഷ്ട്ര ആയുര്വേദ ഗവേഷണ കേന്ദ്രം യാഥാർഥ്യമാക്കുന്നതിലൂടെ ആരോഗ്യ വകുപ്പ് നടത്തുന്നത്. കേരളത്തെ ആയുര്വേദ വൈല്നസ് ടൂറിസത്തിന്റെ കേന്ദ്രമാക്കാനാണ് ശ്രമിക്കുന്നത്. ആയുര്വേദ രംഗത്ത് തെളിവധിഷ്ഠിതമായി ഡോക്യുമെന്റേഷന് നടത്തുന്നതിനാണ് പരിശ്രമിക്കുന്നത്. ഇതിനായി മുഖ്യമന്ത്രിയുടെ നേതൃത്വത്തില് കൃത്യമായ ഇടവേളകളില് യോഗങ്ങള് ചേര്ന്നിരുന്നു. മോഡേണ് മെഡിസിനെ പോലെ ആയുര്വേദത്തെ നോക്കിക്കാണാന് അന്താരാഷ്ട്ര ഗവേഷണ കേന്ദ്രത്തെ സജ്ജമാകുകയാണ് ലക്ഷ്യം.
Kerala’s proposed International Ayurveda Research Center is set to become a reality soon. A framework will be established to ensure all science and technology institutions in the state collaborate with the center. Additionally, an agreement has been reached with Bio 360 Life Sciences Park to cooperate on various activities. The center will also partner with the Malabar Cancer Center to conduct specialized research in the field of oncology.
