കേരളത്തിലേക്കുള്ള മൂന്ന് അമൃത് ഭാരത് ട്രെയിനുകൾ പ്രധാനമന്ത്രി നരേന്ദ്ര മോഡി ഫ്ലാഗ് ഓഫ് ചെയ്തു. കേരളത്തിനും തമിഴ്നാടിനും ഇടയിലുള്ള റെയിൽ ബന്ധം കൂടുതൽ ശക്തിപ്പെടുത്തുന്ന തിരുവനന്തപുരം–താംബരം അമൃത് ഭാരത് എക്സ്പ്രസ് ട്രെയിനും ഇതിൽ ഉൾപ്പെടുന്നു. താങ്ങാവുന്ന ചിലവിൽ ഉയർന്ന നിലവാരമുള്ള സേവനം നൽകുന്നതിനായി രൂപകൽപന ചെയ്ത പുതിയ നോൺ-എസി ട്രെയിനാണിത്. കേരളത്തിലും തമിഴ്നാട്ടിലുമുള്ള പ്രധാന നഗരങ്ങളിലൂടെ ട്രെയിൻ കടന്നുപോകും. 16122/16121 എന്നിങ്ങനെയാണ് ട്രെയിൻ നമ്പർ. മധുര, ദിണ്ടിഗൽ, തിരുച്ചിറപ്പള്ളി, ശ്രീരംഗം വഴിയാണ് ട്രെയിൻ റൂട്ട്. ആകെ 15 സ്റ്റോപ്പുകളുള്ള ട്രെയിൻ ആഴ്ചതോറും സർവീസ് നടത്തും. തിരുവനന്തപുരത്ത് നിന്ന് എല്ലാ വ്യാഴാഴ്ചയും, താംബരത്ത് നിന്ന് എല്ലാ ബുധനാഴ്ചയും ട്രെയിൻ പുറപ്പെടും.
ട്രെയിൻ നമ്പർ 16122 തിരുവനന്തപുരം സെൻട്രൽ–താംബരം അമൃത് ഭാരത് എക്സ്പ്രസ് വ്യാഴാഴ്ച രാവിലെ 10:40ന് തിരുവനന്തപുരത്ത് നിന്ന് പുറപ്പെട്ട് അതേ ദിവസം രാത്രി 11:45ന് താംബരത്ത് എത്തിച്ചേരും. മടക്കയാത്രയിൽ, ട്രെയിൻ നമ്പർ 16121 താംബരം–തിരുവനന്തപുരം സെൻട്രൽ അമൃത് ഭാരത് എക്സ്പ്രസ് ബുധനാഴ്ച വൈകുന്നേരം 5:30ന് താംബരത്ത് നിന്ന് പുറപ്പെട്ട് വ്യാഴാഴ്ച രാവിലെ 8:00ന് തിരുവനന്തപുരം സെൻട്രലിൽ എത്തിച്ചേരും. അന്തർസംസ്ഥാന ഗതാഗതം മെച്ചപ്പെടുത്തുന്നതിനൊപ്പം തമിഴ്നാട്ടിലെ തെക്കൻ ജില്ലകളിലെ ജനങ്ങൾക്ക് വ്യാപാരം, ആരോഗ്യസംരക്ഷണം, വിദ്യാഭ്യാസം, ടൂറിസം തുടങ്ങിയ മേഖലകളിലും ഈ ട്രെയിൻ സഹായകരമാകും.
PM Modi flags off the Thiruvananthapuram–Tambaram Amrit Bharat Express (16121/16122). Check full time table, stops, and weekly schedule here.
