പ്രശസ്ത നിർമാണ കമ്പനി സിഖ്യ എന്റർടൈൻമെന്റ് പ്രൈവറ്റ് ലിമിറ്റഡിന്റെ (Sikhya Entertainment) 50.1% ഓഹരികൾ ഏറ്റെടുത്ത് റിലയൻസ് സ്ട്രാറ്റജിക് ബിസിനസ് വെഞ്ച്വേഴ്സ് ലിമിറ്റഡ് (RSBVL). റിലയൻസ് ഇൻഡസ്ട്രീസ് ലിമിറ്റഡിന്റെ പൂർണ ഉടമസ്ഥതയിലുള്ള ഉപകമ്പനിയായ ആർഎസ്ബിവിഎൽ 150 കോടി രൂപയ്ക്കാണ് സിഖ്യ ഏറ്റെടുത്തത്.
അക്കാഡമി അവാർഡും ഒന്നിലധികം ദേശീയ ചലച്ചിത്ര അവാർഡുകളും നേടിയ ഇന്ത്യൻ നിർമാണ കമ്പനിയാണ് സിഖ്യ എന്റർടൈൻമെന്റ്. 2026 ഫെബ്രുവരി 2ന് പൂർത്തിയായ ഈ ഏറ്റെടുക്കൽ ഇന്ത്യയിലെ അതിവേഗം വികസിച്ചുകൊണ്ടിരിക്കുന്ന മാധ്യമ, വിനോദ മേഖലയിൽ ജിയോ സ്റ്റുഡിയോയുടെ സ്ഥാനം ശക്തിപ്പെടുത്തുമെന്നാണ് വിലയിരുത്തൽ.
റിലയൻസിന്റെ മാധ്യമ, ഉള്ളടക്ക വിഭാഗമായ ജിയോ സ്റ്റുഡിയോസിന്, ഇന്ത്യയിലെ ആഗോളതലത്തിൽ അംഗീകരിക്കപ്പെട്ടതും അവാർഡുകൾ നേടിയതുമായ പ്രൊഡക്ഷൻ ഹൗസുകളിൽ ഒന്നുമായി പങ്കാളിത്തം സ്ഥാപിച്ചുകൊണ്ട് സാന്നിധ്യം കൂടുതൽ ഉറപ്പിക്കാൻ ഈ കരാർ സഹായിക്കുമെന്ന് റിലയൻസ് പ്രതിനിധി പറഞ്ഞു.
Reliance Strategic Business Ventures (RSBVL) has acquired a 50.1% majority stake in Oscar-winning Sikhya Entertainment for ₹150 crore, strengthening Jio Studios’ footprint in the global entertainment market.
