സിവിൽ എഞ്ചിനീയറായി ജോലി ചെയ്തിരുന്ന ഇന്ത്യക്കാരൻ്റെ ജീവിതത്തിൽ മോഡലിംഗിലൂടെ വന്ന മാറ്റമാണ് ഇപ്പോൾ സമൂഹമാധ്യമങ്ങളിൽ ശ്രദ്ധ നേടുന്നത്. തൻ്റെ മുൻകാല കരിയറും മിലാൻ ഫാഷൻ വീക്കിൽ ജോർജിയോ അർമാനിയുടെ റൺവേ മോഡലായി മാറിയതും തമ്മിലുള്ള വ്യത്യാസം വെളിപ്പെടുത്തിയ ശുഭം വൈദ്കർ (Shubham Vaidkar) എന്ന യുവാവിന്റെ സമൂഹമാധ്യമ പോസ്റ്റാണ് ശ്രദ്ധ പിടിച്ചു പറ്റുന്നത്.
ഓൺലൈനിൽ പങ്കുവച്ച വീഡിയോയിൽ അദ്ദേഹത്തിന്റെ ജീവിതത്തിലെ രണ്ട് വ്യത്യസ്ത ഘട്ടങ്ങളാണ് കാണിക്കുന്നത്. ആദ്യം, മുംബൈയിലെ തന്റെ കരിയറിന്റെ ആദ്യ ഘട്ടത്തിൽ സിവിൽ എഞ്ചിനീയറിംഗ് പ്രൊഫഷണലായി ജീവിച്ച കാലമാണ്. മറുവശത്ത്, ആഗോള ഇവന്റുകളിലൊന്നായ ഇറ്റാലിയൻ ആഡംബര ഫാഷൻ ഹൗസ് മോഡലായി പങ്കെടുക്കുന്നു. ഇത് അദ്ദേഹത്തിന്റെ പ്രൊഫഷണൽ പരിവർത്തനത്തിന്റെ വ്യാപ്തിയെ അടിവരയിടുന്നുവെന്നാണ് സമൂഹമാധ്യമങ്ങളിൽ നിറയുന്ന കമന്റുകൾ.
24 വയസുകാരനായ വൈദ്കർ മുംബൈയിലാണ് ജനിച്ചു വളർന്നത്. സിവിൽ എഞ്ചിനീയറിംഗിൽ ബിരുദം പൂർത്തിയാക്കിയതും മുംബൈയിൽത്തന്നെ. എഞ്ചിനീയറിംഗ് രണ്ടാം വർഷത്തിലാണ് മോഡലിംഗ് ആരംഭിച്ചത്. ഇന്ന് പ്രശസ്തമായ മിലാൻ ഫാഷൻ വീക്കിൽ എത്തി നിൽക്കുന്നതാണ് അദ്ദേഹത്തിന്റെ മോഡലിംഗ് കരിയർ.
ആ സമയത്ത് തൻ്റെ ഭാരം 83–84 കിലോഗ്രാം ആയിരുന്നു. നിരവധി ഏജൻസികളുമായി ബന്ധപ്പെടുകയും ഫോട്ടോഗ്രാഫുകൾ അയക്കുകയും ചെയ്തു. അത്തരമൊരു ഏജൻസി വഴിയായിരുന്നു പിന്നീടുള്ള ഉയർച്ച.
അനോൺ മോഡൽസിലൂടെയാണ് വൈദ്കർ മോഡലിംഗ് ജീവിതം ആരംഭിച്ചത്. നിലവിൽ അനിമ ക്രിയേറ്റീവ്സിന്റെ പ്രതിനിധിയാണ്. 2024ൽ അർമാനി ഷോയിൽ പങ്കെടുത്തപ്പോഴാണ് മിലാനിലേക്ക് ആദ്യമായി യാത്ര ചെയ്യാനുള്ള അവസരം ലഭിച്ചത്. പിന്നീട് പരീക്ഷകൾ പൂർത്തിയാക്കിയ ശേഷം, വീണ്ടും മിലാനിലേക്കും പാരീസിലേക്കും യാത്ര ചെയ്തു. രണ്ട് മാസം യൂറോപ്പിൽ തുടർന്നു. പിന്നീട് ഇന്ത്യയിലേക്കെത്തി 30000 രൂപ പ്രതിമാസ ശമ്പളമുള്ള സിവിൽ എഞ്ചിനീയറിംഗ് ജോലി സ്വീകരിച്ചു. പിന്നീട് ജോലി ഉപേക്ഷിച്ച് ഫുൾടൈം മോഡലിംഗിലേക്കു കടന്നു.
അന്താരാഷ്ട്രതലത്തിൽ, മോഡലിംഗിന് നല്ല വരുമാനം ലഭിക്കുന്നു. മിലാനിലെ ഒരു റൺവേ ഷോയ്ക്ക്, ഏകദേശം €1,500 മുതൽ €2,000 വരെ (ഏകദേശം 2.16 ലക്ഷം രൂപ) സമ്പാദിക്കാം. കാമ്പയ്നുകൾക്ക് വളരെ കൂടുതൽ ചിലവാകും – പ്രൊജക്റ്റിനെ ആശ്രയിച്ച് ഒരു ദിവസത്തേക്ക് ഏകദേശം €5,000 മുതൽ €6,000 വരെ. എൻട്രി ലെവൽ എഞ്ചിനീയറിംഗ് ശമ്പളവുമായി താരതമ്യപ്പെടുത്തുമ്പോൾ, ഇത് വളരെ വലുതാണെന്ന് ശുഭം വൈദ്കർ പറയുന്നു.
Meet Shubham Vaidkar, the 24-year-old Mumbai civil engineer who quit his stable job to become a runway model for Giorgio Armani. Read about his incredible journey from Mumbai construction sites to the high-fashion ramps of Milan.
