ദീർഘദൂര ട്രെയിനുകളിൽ ശുചിത്വം വർദ്ധിപ്പിക്കുന്നതിനായി സാങ്കേതികവിദ്യയിൽ അധിഷ്ഠിതമായ പ്രൊഫഷണൽ ടീമുകളെ വിന്യസിച്ച് റെയിൽവേ മന്ത്രാലയം. ജനറൽ ക്ലാസ് ഉൾപ്പെടെ എല്ലാ കോച്ചുകളും ആവശ്യമുള്ളപ്പോൾ വൃത്തിയാക്കുമെന്ന് പരിഷ്കരണം അവതരിപ്പിച്ചുകൊണ്ട് റെയിൽവേ മന്ത്രി അശ്വിനി വൈഷ്ണവ് പറഞ്ഞു .
നിലവിലുള്ള ക്ലീൻ ട്രെയിൻ സ്റ്റേഷൻ പദ്ധതി പ്രകാരം, ട്രെയിനുകൾ അവയുടെ റൂട്ടുകളിലെ നിശ്ചിത സ്റ്റേഷനുകളിൽ വൃത്തിയാക്കുന്നു. പുതിയ പരിഷ്കരണം പ്രകാരം, യാത്രയിലുടനീളം മണിക്കൂർ ഇടവേളകളിലോ അല്ലെങ്കിൽ ആവശ്യാനുസരണം വിന്യസിച്ചിരിക്കുന്ന പരിശീലനം ലഭിച്ച ജീവനക്കാരുടെയോ മേൽനോട്ടത്തിലോ വൃത്തിയാക്കൽ നടത്തുമെന്ന് വൈഷ്ണവ് കൂട്ടിച്ചേർത്തു. സാങ്കേതികവിദ്യയുടെ സഹായത്തോടെ തത്സമയ അടിസ്ഥാനത്തിൽ നിരീക്ഷണം, ഫീഡ്ബാക്ക്, പ്രകടന മാനേജ്മെന്റ് എന്നിവ നടത്തുമെന്നും അദ്ദേഹം പറഞ്ഞു. എല്ലാ കോച്ചുകളുടെയും ടോയ്ലറ്റുകളുടെയും ബേസിനുകളുടെയും വൃത്തിയാക്കൽ, മാലിന്യ ശേഖരണം, ചെറിയ അറ്റകുറ്റപ്പണികൾ, ആവശ്യാനുസരണം വെള്ളം നിറയ്ക്കുന്നത് ഏകോപിപ്പിക്കുക, സുരക്ഷാ ഉപകരണങ്ങളുടെ അവസ്ഥ പരിശോധിക്കുകയും റിപ്പോർട്ട് ചെയ്യുകയും ചെയ്യുക എന്നിവയാണ് സേവനങ്ങളുടെ ലക്ഷ്യം-മന്ത്രി പറഞ്ഞു.
പരിശീലനം ലഭിച്ച സൂപ്പർവൈസർമാരും സർവീസ് സ്റ്റാഫും ആയിരിക്കും ഇത് നിർവഹിക്കുക. പീക്ക്, നോൺ-പീക്ക് സമയങ്ങളെ അടിസ്ഥാനമാക്കി ക്ലീനിംഗ് നിയന്ത്രിക്കും, കൂടാതെ സാങ്കേതികവിദ്യയുടെ സഹായത്തോടെ ക്ലീനിംഗ് പ്രക്രിയ നിരീക്ഷിക്കുന്നതിന് വാർ റൂമുകൾ സൃഷ്ടിക്കും. 80 ട്രെയിനുകളിൽ ആദ്യം പരിഷ്കരണം നടപ്പിലാക്കും. പിന്നീട് മറ്റ് ട്രെയിനുകളും പദ്ധതിക്ക് കീഴിൽ കൊണ്ടുവരുമെന്നും മന്ത്രി വ്യക്തമാക്കി.
Indian Railways introduces tech-enabled professional teams to ensure 24/7 cleanliness in long-distance trains. Learn how AI and real-time monitoring will transform coach hygiene.
