ഹോർമുസ് കടലിടുക്കിൽ തുടരുന്ന ഇന്ധന പ്രതിസന്ധിക്കിടെ രാജ്യത്തെ ഗ്യാസ് പൈപ്പ്ലൈൻ അടിസ്ഥാന സൗകര്യങ്ങൾ ത്വരിതപ്പെടുത്തുന്നതിന് നടപടികൾ ആരംഭിച്ചു കേന്ദ്ര സർക്കാർ. ഹോർമുസ് കടലിടുക്ക് തടസ്സപ്പെട്ടതിനെത്തുടർന്ന് ഊർജ്ജ വിതരണത്തിൽ കുറവുണ്ടായതിനാൽ രാജ്യത്തുടനീളം ഗ്യാസ് പൈപ്പ്ലൈനുകൾ സ്ഥാപിക്കുന്നതും വികസിപ്പിക്കുന്നതും കാര്യക്ഷമമാക്കുന്നതിനും വേഗത്തിലാക്കുന്നതിനുമായി പെട്രോളിയം, പ്രകൃതിവാതക മന്ത്രാലയം ഉത്തരവ് പുറപ്പെടുവിച്ചു.
വീടുകളിലേക്കുള്ള ഗ്യാസ് കണക്ഷൻ ഉൾപ്പെടെ പ്രകൃതിവാതക അടിസ്ഥാന സൗകര്യങ്ങളുടെ വേഗത്തിലുള്ള വികസനം അതിന്റെ നിർവഹണ ഏജൻസികൾക്ക് ഇതോടെ കൂടുതൽ സാധ്യമാകും.
പൈപ്ഡ് പ്രകൃതി വാതക PNG ശൃംഖലകളുടെ വിപുലീകരണം സുഗമമാക്കുക, കണക്റ്റിവിറ്റി മെച്ചപ്പെടുത്തുക, പാചകം, ഗതാഗതം, വ്യാവസായിക ആവശ്യങ്ങൾ എന്നിവയ്ക്കായി ശുദ്ധമായ ഇന്ധനങ്ങളിലേക്കുള്ള മാറ്റം പ്രോത്സാഹിപ്പിക്കുക, അതുവഴി ഊർജ്ജ സുരക്ഷ ശക്തിപ്പെടുത്തുക, ഗ്യാസ് അധിഷ്ഠിത സമ്പദ്വ്യവസ്ഥയിലേക്കുള്ള ഇന്ത്യയുടെ പരിവർത്തനത്തെ പിന്തുണയ്ക്കുക എന്നിവയാണ് പെട്രോളിയം, പ്രകൃതിവാതക മന്ത്രാലയം ലക്ഷ്യമിടുന്നത്. നടപടിക്രമങ്ങൾ ലളിതമാക്കുന്നതിലൂടെയും, നിയന്ത്രണ തടസ്സങ്ങൾ കുറയ്ക്കുന്നതിലൂടെയും ഗ്യാസ് പൈപ്പ് ലൈൻ പദ്ധതി നിർവഹണ പങ്കാളികളുടെ പ്രവർത്തന അന്തരീക്ഷം മെച്ചപ്പെടുത്തുക കൂടിയാണ് ലക്ഷ്യമിടുന്നത്.
സിറ്റി ഗ്യാസ് ഡിസ്ട്രിബ്യൂഷൻ നെറ്റ്വർക്കുകളുടെയും ട്രങ്ക് പൈപ്പ്ലൈനുകളുടെയും വേഗത്തിലുള്ള വിതരണം ഉറപ്പാക്കുന്നതിനൊപ്പം സമ്പൂർണ ഗ്യാസ് ലൈൻ കണക്ടിവിറ്റിയും, പിഎൻജിയുടെ ദ്രുതഗതിയിലുള്ള സ്കെയിലിംഗും പിന്തുണയ്ക്കുകയാണ് കേന്ദ്രത്തിന്റെ ലക്ഷ്യം.
ഹോർമുസ് കടലിടുക്ക് അടച്ചുപൂട്ടൽ ഇന്ത്യയുടെ എൽപിജി ഇറക്കുമതിയുടെ 90% നെ ബാധിച്ചതിനാലാണ് ഈ നീക്കം.
Amid the Hormuz Strait fuel crisis, the Indian government has ordered the rapid expansion of Piped Natural Gas (PNG) networks. Discover how the Ministry aims to secure energy for homes and industries by accelerating pipeline connectivity.
