മികച്ചയിനം മാമ്പഴങ്ങളുടെ ഉൽപ്പാദനത്തിലൂടെ ആഗോളതലത്തിൽ ശ്രദ്ധനേടി പശ്ചിമ ബംഗാളിലെ മാൾഡ ജില്ല. ബംഗാളിന്റെ വടക്കൻ മേഖലയിൽ മഹാനന്ദ നദിക്കരയിൽ സ്ഥിതി ചെയ്യുന്ന മാൾഡ, നൂറ്റാണ്ടുകളായി മാമ്പഴ കൃഷിക്ക് പേരുകേട്ട സ്ഥലമാണ്. ഏകദേശം 30,000 ഹെക്ടറിലധികം വ്യാപിച്ചുകിടക്കുന്ന മാന്തോപ്പുകൾ ആയിരക്കണക്കിന് കുടുംബങ്ങളുടെ ഉപജീവനമാർഗ്ഗമാണ്. ഹിംസാഗർ പോലെ നാരു കുറഞ്ഞ മധുരമേറിയ ഇനങ്ങളും, പഴുത്താലും പച്ചനിറം മാറാത്ത ലാംഗ്രയും, വലിപ്പമേറിയ ഫസ്ലിയും മാൾഡയുടെ മാത്രം പ്രത്യേകതയാണ്. ഇതിൽ സ്വർണ്ണനിറമുള്ള ലക്ഷ്മൺഭോഗ് മാമ്പഴത്തിന് ഭൗമസൂചിക പദവിയും (GI Tag) ലഭിച്ചിട്ടുണ്ട്.
രുചിക്ക് പുറമെ വിനോദസഞ്ചാര മേഖലയിലും മാൾഡ ഇന്ന് ശ്രദ്ധാകേന്ദ്രമാണ്. വേനൽക്കാലത്ത് മാന്തോപ്പുകളിലൂടെയുള്ള യാത്രയും മരത്തിൽ നിന്ന് നേരിട്ട് മാമ്പഴം പറിച്ചു കഴിക്കാനുള്ള അവസരവും തേടി നിരവധി സഞ്ചാരികളാണ് ഇവിടെ എത്തുന്നത്. കൃഷിയും സംസ്കരണവും ഉൾപ്പെടെയുള്ള വിപുലമായ വിപണന ശൃംഖല മാൾഡയെ ഇന്ത്യയുടെ മാമ്പഴ ഭൂപടത്തിലെ അനിഷേധ്യ കേന്ദ്രമാക്കി മാറ്റുന്നു.
Discover Malda, West Bengal—the Mango City of India. Home to Himsagar, Langra, and the GI-tagged Lakshman Bhog, Malda spans 30,000 hectares of lush mango orchards
