മുംബൈ-ബെംഗളൂരു റൂട്ടിൽ വന്ദേ ഭാരത് സ്ലീപ്പർ ട്രെയിൻ സർവീസിന് റെയിൽവേ മന്ത്രാലയം ഔദ്യോഗിക അനുമതി നൽകി. നിലവിൽ ഉദ്യാൻ എക്സ്പ്രസ് പോലുള്ള ട്രെയിനുകളിൽ 21 മുതൽ 23 മണിക്കൂർ വരെ എടുക്കുന്ന യാത്ര, വന്ദേ ഭാരത് എത്തുന്നതോടെ 15 മുതൽ 17 മണിക്കൂറായി കുറയുമെന്നാണ് പ്രതീക്ഷിക്കുന്നത്.
പൂർണ്ണമായും എയർ കണ്ടീഷൻ ചെയ്ത 16 അത്യാധുനിക കോച്ചുകളിലായി 823 യാത്രക്കാർക്ക് സഞ്ചരിക്കാവുന്ന ഈ ട്രെയിൻ കല്യാൺ കർണാടക മേഖലയിലൂടെയായിരിക്കും സർവീസ് നടത്തുക. മണിക്കൂറിൽ 180 കിലോമീറ്റർ വേഗതയിൽ സഞ്ചരിക്കാൻ ശേഷിയുള്ള ട്രെയിനിൽ യാത്രക്കാർക്ക് വിമാനയാത്രയ്ക്ക് സമാനമായ സുഖസൗകര്യങ്ങളും മികച്ച സസ്പെൻഷൻ സംവിധാനവും ഉറപ്പാക്കിയിട്ടുണ്ട്.
പൂനെ, സോലാപൂർ, കലബുറഗി, ഗുണ്ടക്കൽ തുടങ്ങിയ പ്രധാന ജംഗ്ഷനുകൾ വഴി കടന്നുപോകുന്ന ട്രെയിൻ ദിവസേന സർവീസ് നടത്താനാണ് റെയിൽവേ പദ്ധതിയിടുന്നത്. വിമാനയാത്രയേക്കാൾ ലാഭകരവും സൗകര്യപ്രദവുമായ ഈ പ്രീമിയം ട്രെയിൻ 2026 ഡിസംബറോടെ ട്രാക്കിലിറങ്ങുന്ന 12 പുതിയ സ്ലീപ്പർ ട്രെയിനുകളിൽ ഒന്നായിരിക്കും
The Railway Ministry has greenlit the Mumbai-Bengaluru Vande Bharat Sleeper. Reducing travel time to 15-17 hours, this premium AC train offers flight-like comforts and 180 kmph speeds. Discover the route and features here
