ഇന്ത്യയിലെ ഉപഭോക്താക്കൾക്കായി വാട്സാപ്പിൽ നേരിട്ട് പ്രീപ്പെയ്ഡ് മൊബൈൽ റീചാർജ് ചെയ്യാനുള്ള പുതിയ സൗകര്യം മെറ്റ അവതരിപ്പിച്ചു. റിലയൻസ് ജിയോ, ഭാരതി എയർടെൽ, വോഡഫോൺ ഐഡിയ (Vi) എന്നീ പ്രമുഖ ടെലികോം ദാതാക്കളുടെ സേവനങ്ങൾ ഉപയോഗിക്കുന്നവർക്ക് ഇനി മുതൽ ആപ്പിന് പുറത്തുപോകാതെ തന്നെ റീചാർജ് പൂർത്തിയാക്കാം.
ആൻഡ്രോയിഡ്, ഐഒഎസ് പ്ലാറ്റ്ഫോമുകളിൽ ഘട്ടംഘട്ടമായാണ് ഈ ഫീച്ചർ ലഭ്യമാക്കുന്നത്. വാട്സാപ്പ് ഹോം സ്ക്രീനിൽ പുതുതായി ഉൾപ്പെടുത്തിയ ‘₹’ ഐക്കണിലൂടെയാണ് ഈ സേവനം ലഭ്യമാകുക. സ്വന്തം നമ്പറിന് പുറമെ സുഹൃത്തുക്കളുടെയും കുടുംബാംഗങ്ങളുടെയും നമ്പറുകളിലേക്ക് പ്ലാനുകൾ തിരയാനും പണമടയ്ക്കാനും ഇതിലൂടെ സാധിക്കും.
യുപിഐ, ഡെബിറ്റ് കാർഡ്, ക്രെഡിറ്റ് കാർഡ് എന്നിവ വഴി പണമടയ്ക്കാനുള്ള സൗകര്യവും ഇതിൽ ഒരുക്കിയിട്ടുണ്ട്. പേയു (PayU) സാങ്കേതികവിദ്യയുടെ പിന്തുണയോടെയാണ് വാട്സാപ്പ് ഈ ഡിജിറ്റൽ സേവനം നടപ്പിലാക്കുന്നത്. മെട്രോ ടിക്കറ്റ് ബുക്കിംഗിനും ബിൽ പേയ്മെന്റുകൾക്കും പിന്നാലെ റീചാർജ് കൂടി എത്തുന്നതോടെ വാട്സാപ്പ് സമ്പൂർണ്ണ മൾട്ടി പർപ്പസ് പ്ലാറ്റ്ഫോമായി മാറുകയാണ്.
WhatsApp introduces in-app mobile recharge for Jio, Airtel, and Vi users in India. Learn how to use the ‘₹’ icon to pay via UPI or cards without leaving the app
