രാജീവ് ഗാന്ധി സെന്റര് ഫോര് ബയോടെക്നോളജി (BRIC-RGCB)യിൽ ഗവേഷണത്തിന് അവസരമൊരുങ്ങുന്നു. . 2026 ആഗസ്റ്റില് ആരംഭിക്കുന്ന വിവിധ മേഖലകളിലെ പിഎച്ച്ഡി പ്രോഗ്രാമിലേക്ക് അപേക്ഷ ക്ഷണിച്ചു.
ലൈഫ്/അഗ്രിക്കള്ച്ചറല്/എന്വയോണ്മെന്റല്/വെറ്ററിനറി/ഫാര്മസ്യൂട്ടിക്കല്/മെഡിക്കല് സയന്സസ് അല്ലെങ്കില് അനുബന്ധ വിഷയങ്ങളില് യുജിസി 10-പോയിന്റ് സ്കെയിലില് മൊത്തത്തിലോ തത്തുല്യ ഗ്രേഡിലോ കുറഞ്ഞത് 60 ശതമാനം മാര്ക്കോടെ ബിരുദാനന്തര ബിരുദമോ കുറഞ്ഞത് 75 ശതമാനം മാര്ക്കോടെ നാല് വര്ഷത്തെ ബാച്ചിലേഴ്സ് ബിരുദമോ ഉള്ളവര്ക്ക് അപേക്ഷിക്കാം.
അപേക്ഷകര്ക്ക് അഞ്ച് വര്ഷം സാധുതയുള്ള ജൂനിയര് റിസര്ച്ച് ഫെലോഷിപ്പ് (യുജിസി/സിഎസ്ഐആര്/ഐസിഎംആര്/ഡിബിടി/ഡിഎസ്ടി-ഇന്സ്പയര്) ഉണ്ടായിരിക്കണം.
ഉയര്ന്ന പ്രായപരിധി 28 വയസ്സ്. എസ് സി/എസ് ടി, ഭിന്നശേഷി വിഭാഗക്കാര്, വനിതകള്, ഒബിസി വിഭാഗക്കാര് എന്നിവര്ക്ക് പ്രായപരിധിയില് ഇളവ് ലഭിക്കും. ഓണ്ലൈന് അപേക്ഷ സമര്പ്പിക്കേണ്ട അവസാന തീയതി മെയ് 10.
കേന്ദ്ര ശാസ്ത്ര സാങ്കേതിക മന്ത്രാലയത്തിലെ ബയോടെക്നോളജി വകുപ്പിന്റെ ബയോടെക്നോളജി റിസര്ച്ച് ആന്ഡ് ഇന്നൊവേഷന് കൗണ്സിലിന് (ബ്രിക്) കീഴിലുള്ള ഒരു സ്ഥാപനമാണ് ആര്ജിസിബി.
കൂടുതല് വിവരങ്ങള്ക്ക്, https://rgcb.res.in/phdadmission-Aug2026 സന്ദര്ശിക്കുക.
Rajiv Gandhi Centre for Biotechnology (BRIC-RGCB) invites applications for PhD programs starting August 2026. Eligible candidates with JRF and a Master’s or 4-year Bachelor’s degree can apply online by May 10.
